韓國車貼「遺失車匙」路邊違泊連食4張牛肉乾 網民唔可憐一句踢爆講大話

有網民發文上載相片顯示一部私家車泊在路邊，車頭夾了4張牛肉乾，當中大部分網民認為車主「唔抵可憐」，皆因車主在車頭貼出「自殺式」大字報，指「因為遺失車匙，公眾假期（五一），未能聯絡起亞車廠」，標明「壞車」，遭網民踢爆「得一車匙咩， 壞車咪搵拖車囉」，更揶揄車主「自己搵人拖走都唔使咁貴啦！」

車廂內放有兩張大字報指「壞車」及「遺失車匙」，遭網民質疑「無車匙點擺兩張紙入去？」fb馬路的事討論區Thomas Yu

私家車泊在路邊收4張牛肉乾。fb馬路的事討論區Thomas Yu

私家車泊在路邊，車頭夾了4張牛肉乾，當中大部分網民認為車主「唔抵可憐」。fb馬路的事討論區Thomas Yu

社交平台「馬路的事討論區」發出帖文，上載了數張相片，顯示一部韓國出產的私家車泊在路邊，車廂內車頭位貼出兩張大字報，其一是用簡體字寫上「壞車」，另一張則寫有「因為遺失車匙，公眾假期，未能聯絡起亞車廠」，而車頭水撥夾有4張牛肉乾，事件引來網民熱議。

有網民一句踢爆「無車匙點擺兩張紙入去？」、「問題遺失車匙 你又放左張大字報係車入面。」、「保險係包免費每日拖一次車」、「乜得一條匙咁慘呀」、「買車點會得一條車匙呀」、「拖車24小時 唔見車匙唔係合理解釋」、「佢呢個大話都幾真喎，可以連自己都呃到，呀sir就算信你，但你始終都係違泊，照抄咗你先，抄到你返廠配到車匙揸走架車為止，正傻仔叫拖車拖返車場冇咁貴啦。」、「四張牛肉乾！搵人到場配過條車匙！有淨啲錢，篤串魚蛋都舐舐脷啦！」有網民直言警察「抄得好」，大部分網民對車主做法不表認同，更揶揄「4張(牛肉乾)咁少」。事實上，翻查資料，拖車費最低400元起，現在車主收4張牛肉乾，盛惠1280元，若以「壞車」、「遺失車匙」為藉口逃避抄牌，其實是得不償失。

---

《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ