宋懿芳＠Super Tiger疑遭盜用資料做擔保人無辜被追數 配音員陳欣再捲欠債風波
2023-05-18 21:00 
TVB男團Super Tiger成員宋懿芳（Ken）昨日在IG貼出多張WhatsApp對話截圖，指自己近日突然收到追數訊息，對方聲稱他是「TVB配音組陳欣」的擔保人，令宋懿芳無辜捲入「欠債」風波。宋懿芳在IG貼文澄清並不認識陳欣外，從WhatsApp對話截圖中，亦看到他向追數人表示已經報警署理。
【點擊睇宋懿芳捲陳欣欠債風波】：
從宋懿芳貼出的WhatsApp截圖見到，對方在對話開始已直接叫出宋懿芳全名，並聲稱是透過「TVB配音組陳欣」留下的電話聯絡他。對方更說：「你要玩嘢就陪你玩啦，宋懿芳。唔好後悔。」之後宋懿芳向對方表示對事件並不知情，更說：「我已經報咗警，亦唔會莫名其妙畀錢你，希望你唔好再騷擾我，與其叫我唔好後悔，不如用多啲心機去搵番欠你錢嘅陳欣，叫佢還錢好過。」
宋懿芳在IG撰文着陳欣盡快處理自己問題，更直指陳欣是慣犯：「首先我並唔認識你，我亦唔清楚你係點樣拎到我嘅個人資料，仲將我寫成你嘅聯絡人、擔保人。上網一查發現，原來你係慣犯，之前都試過一次盜用其他人嘅資料，自己借完錢就玩消失。如果有認識陳欣的人，請通知他盡快出嚟處理自己的問題。」他亦在IG向追數人說：「你確實係有我嘅資料，但我從來冇簽過任何擔保，並唔認識你口中的配音組陳欣，所以你唔使諗靠恐嚇可以喺我呢度拎到一分錢。如果靠嚇可以追得數，咁你個陳欣一早還咗錢。與其喺度浪費時間，不如早啲用法律嘅途徑追訴陳欣嘅欠款，香港係法治社會，處理問題應該用法律途徑而唔係爛仔方法。」
陳欣並非首次發生錢債風波，兩年前資深龍天生亦曾無辜被牽連，其工作室2021年曾在fb專頁發民，指收到恐嚇電話：「好無辜！早前做咗個《好聲好氣》節目，同位知名陳姓配音員同場。點知對方曾借貴利，借錢人搵唔到佢，竟然諗到恐嚇我，先在影藝人協會門外貼大字報、再加恐嚇電話，再寄恐嚇信到我屋企，最離譜就係在我所住大廈派大字報及在facebook貼毀謗帖文。」龍天生表示只與陳欣配音員女友僅有數面之緣，直指自己「被玩。另外兩年前網上亦流傳一張被追數的街招，陳欣在相中拿着身份證自拍，街招更寫上：「欠倩還錢陳欣，TVB資深配音員借錢唔還大話連編（篇）。」
今年53歲的陳欣在1984年，年僅15歲已經任職自由身配音員，1994年加入TVB粵語配音組，多年來配過不少經典角色，包括《幽遊白書》的藏馬、《櫻桃小丸子》的旁白、經典日劇《同一屋簷下》的大哥柏木達也、經典韓劇《大長今》的閔大人等等，亦為曾志偉《獎門人》系列的御用旁白。近年陳欣也為韓國綜藝節目配音，包括《Running Man》的劉在錫、《一日三餐》及《尹Stay》等李瑞鎮等。
【其他閱讀】：
36E咪神波波黃婧靈新相現巨型斜「波」 網民：深深感受到地心吸力
一舞傾城丨李道瑜出山演活瀟灑大狀洗甩「耀哥」除 《古惑仔》成代表作淡出15年轉型從商
沈卓盈晒逆天長腿為子慶2歲生日 原來係「戀腳癖」最愛囝囝小腳丫
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應