專欄｜馬模赫根前列戰「大」有可為

上個星期日艾爾同小喬評述浦和紅鑽對大阪飛腳嘅日職賽事，再次多謝各位聽眾嘅支持。今次反應都算唔錯，而歐洲五大聯賽接近尾聲，希望之後有多啲機會評述日職啦！

今個星期日無日職賽事，艾爾同各位飛去北歐，分析吓馬模對赫根嘅瑞超賽事。聯賽班霸馬模上季只能夠以第7名過終點，表現當然唔及格。今季轉咗土炮教練軒歷列斯唐之後，表現大幅改善，開季八場全勝只係失4球，近5場轉打三中堅陣式之後，總共入咗17球。特別留意球隊射手艾錫泰連，今季上陣8場入8球，呢位30歲前鋒入球效率遠比上兩季理想，配合艾爾幾鍾意嘅翼鋒維基亞，馬模今季前綫組合幾厲害。

當然，今次對手赫根話晒都係上季聯賽冠軍，都不容忽視。上季赫根表現神勇，主要因為有聯賽神射手謝列美謝夫嘅高強入球能力。呢位瑞典籍前鋒今季已經轉投他隊，但無損球隊火力，開季8場入23球。上季因傷而全季缺陣嘅前鋒賓尼查奧爾，試過今季對哈馬比嘅賽事上演帽子戲法，係馬模今場嘅心腹大患。

兩隊過去5次碰頭都入至少3球，今場係非常關鍵嘅前列大戰，艾爾推介入球大細2.5大。艾爾

-----

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ