鄧萃雯自爆向李添勝力薦黎耀祥做柴九 事業兩度爆紅與柔弱角色絕緣
2023-05-29 12:40 
57歲的鄧萃雯在娛樂圈可算是一個傳奇人物，1985年藝訓班畢業後，處女作劇集《薛仁貴征東》已經擔正做第一女主，到了2004年，憑《金枝慾孽》如妃一角，被觀眾封為「視壇天后」，其後在2009年，再憑《巾幗梟雄》系列而大受歡迎，劇集不單贏盡收視和口碑，她更連續兩年奪得視后，風頭一時無兩！
【點擊睇《巾幗梟雄》系列經典場面】：
鄧萃雯早前接受李志剛的港台節目《好心情經理人》訪問，對於在《金枝慾孽》飾演如妃一角，她坦言表感謝監製和編劇，令如妃一角這麼立體，亦令事業再創另一個高峰：「真係冇諗過接近40歲再紅一次，仲有一個最大改變就係，我嘅戲路已經冇乜人再搵我演柔弱角色。」不過雯女坦言給自己僅僅合格的分數，「開工嘅時候只係有20集劇本，初初都有諗如妃點樣先可以喺宮中生存，慢慢發覺唔係止係得惡，其實仲有追求愛嘅一面。如妃角色嘅對白實在太難唸，要唸到抑揚頓挫，又有晒戲就更加難，我覺得係一個好好嘅訓練。如妃係一個非常聰敏嘅人，呢套戲係超越咗鄧萃雯嘅能力，因為我本身都唔係咁醒目嘅人，但呢個角色提升咗我，令大家相信我係一個咁高智慧嘅人。」
《巾幗梟雄》系列的出現，令鄧萃雯的事業又上另一個高峰，《巾幗梟雄》推出後，橫掃台慶頒獎禮橫掃「最佳劇集」、「最佳男主角」、「最佳女主角」、「我最喜愛的電視男角色」及「最佳女配角」等大獎。其後TVB火速以原班人馬開拍續集《巾幗梟雄之義海豪情》，雖然以全新人物及故事，但承接上輯的氣勢，再為黎耀祥和鄧萃雯帶來視帝視后獎座！鄧萃雯在訪問上亦提及與黎耀祥是第一次有這麼多的對手戲，兩人都是戲癡，亦是成熟的演員，雯女說：「我哋拎到套戲，就諗吓點樣去做，係我慧眼識英雄，好自然咁對戲。我叫添哥（監製李添勝）搵祥仔，因為我一早昅到祥仔好好戲，又見佢做極都係二、三線，但已經搶咗出嚟好好睇，我好想同佢合作，我冇諗過我哋咁夾，我哋亦冇計算到出嚟嘅效果，真係好感恩！」
正因為此，在2020年有傳將會開拍《巾幗梟雄4》，不少網民已經紛紛留言期待兩人再合作，可惜最後因種種原因而不能成事，鄧萃雯曾在社交平台留言：「只要我倆不退休總有機會再合作一次。」她更坦言成功因素，一定與李添勝和張華標有關：「一劇之本，沒有好劇本就沒有後來的好成績；真不捨得添哥退休因他就是大家的定海神針，有經驗有擔當有魄力有熱情。《義海豪情》已經是12年前的，作品仍會被談論至今全賴他們對戲劇的理解和那份人民精神，有些戲拍完就只是過眼雲煙，自己都會忘記演過甚麼，但四奶奶與九姑娘的某些特質已成為我本人的一部份，也是我畢生難以忘懷的好角色。這兩部天作之合，是送給我人生的兩份大禮，所以非常感激。」
鄧萃雯在1984年考入無綫第2期藝員招募訓練班，同班同學有郭富城、邵美琪、黎美嫻、陳庭威、謝天華等，正當事業如日方中的時候，鄧萃雯毅然放下演藝事業，到美國讀書。完成學業後，轉簽亞視，先後接拍《我和春天有個約會》、《再見艷陽天》，鄧萃雯稱在亞視期間有很多得著：「亞視係一個家庭式嘅電視台，人情味好濃厚，冇嗰啲各家自掃門前雪；喺TVB基本上不能畀你有咁多意見，習慣咗盡量做好自己嗰啲就得喇。去到亞視，佢哋好appreciate你，因為嗰時打緊仗，亞視希望我哋除咗做演出之外，對套劇仲有咩可以付出多啲，咁啱我都係咁嘅人，拍拍吓遇到劇本有問題，我真係會向監製出聲，監製又會畀我開會，發表吓我嘅意見，可以點樣改進，唔會覺得我係多事，當然我唔知私下有冇人唔鍾意，但我係為件事好，我真係愛我嘅行業，愛我自己嘅作品，我收得你咁嘅人工，我係100%付出。」
【其他文章】：
38歲徐淑敏逆齡生長顏值又闖巔峰 無懼強烈陽光皮膚白裡透光似剝殼雞蛋
甘比14歲大女劉秀樺開超豪船P 孖辮Look勁可愛不輸內地當紅小花
43歲林峯驚現禿頭危機！網民驚呼：以為邊位阿叔 粉絲歸咎婚後顏值斷崖式崩壞
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應