股樓氣象│一行十個做、十個都執笠收場的生意─呂宇健

香港復常與通關多個月，但本地經濟未見強勁反彈，相反，不時看到有餐廳食肆結業的報道，很多食店捱過3年疫情的艱難日子，卻敵不過租金的復常。近年愈來愈多人想創業，但事前務必想清楚要做什麼生意，因為在香港有些生意真是掂不得，其中一行就是飲食業，簡直像墳墓一樣，我十個朋友做呢行，十個都是執笠收場。
 
如果因為很多香港人一日三餐都在茶餐廳解決，所以認定經營茶餐廳一定好好賺？咁就大錯特錯了。試想想，開間茶餐廳隨時要幾百萬元裝修，門面、廚房、舖位、檯檯凳凳全都是錢，員工方面，水吧、執碼、收銀、大廚、洗碗工人，每項工種都不能整合，即是收銀員不能入廚房炒菜，廚師亦不能做水吧的工作，基本上，無人可以集所有技能於一身，簡單說，出品一碟乾炒牛河可能要涉及多個人手，如果茶餐廳一旦生意差就非常大鑊。
 
即使花了幾百萬元去裝修、申請牌照，並請了大量人手，就可以賺大錢？要知道所有飲食行業的邊際利潤都是20%左右，即是賣一碟乾炒河50元才賺到10元利潤，一個月30天，只要有6天做唔到生意就已經無錢賺，亦即代表老闆假日不用放假，一個月四個周末，如果這8天放了假就要蝕錢，所以做飲食業的差不多都是無假放，打工仔收工還有自己的私人時間，做茶餐廳投資幾百萬元，但換來是無得放假。這還未止，如果那幾百萬元的投資金額是貸款就更加大件事，一旦茶餐廳賺到的利潤不夠支付利息，屆時就賺幾多蝕幾多。
 
然而，市面上咁多食肆，代表這是一門有利可圖的生意，究竟什麼人可以做飲食業呢？如果你已經做開這行、有數據支持的，例如已經有11間茶餐廳的就可以開第12間，又或者開一些容易複製的特許經營快餐店。相對西餐，中菜就更加難做，四間分店炒四碟乾炒牛河，味道都可以不一樣，強如福臨門、龍璽酒家也做不住。
 
最後要講的是，香港股市有不少飲食股甚至茶餐廳股，其中翠華（1314）更是香港茶餐廳第一股，2012年上市哄動全城，市值最高見過81億元，但近年生意已大不如前，最新市值3億元，與高峰期比較，蒸發了96%市值，但這都是股民的事，大股東早已賺到盤滿砵滿。上了市，餐廳就不是賺食客錢，而是賺資本市場的錢，管理層再不是研究如何炒出一碟好菜式，而是研究如何在資本市場抽水。

呂宇健

資深投資者