果欄搬貨男阻街聲大夾惡 卡板擺路中心發難碰瓷：撞我啲嘢唔X使賠呀｜車Cam直擊

油麻地果欄深夜阻街現象屢見不鮮，近日有司機經過時與搬貨男爭執，期間搬貨男竟然聲大夾惡阻路，又「埋陷阱」將卡板擺在路中心，待私家車駛過撞到時，發難「碰瓷」要求賠錢。片段流傳後引起網民熱議。

據事主上載車Cam片段所見，現場是油麻地果欄對出一段窩打老道，兩線道路在發泡膠箱、卡板等等雜物阻礙下，現場只餘下一線行車，且期間不少果欄工人來回穿梭道路，令司機駕駛時只得分外留神。當車Cam私家車駛至一個紅綠燈位時，一名上身赤裸、正拉着電唧車的搬貨男工，懷疑不滿司機沒有相讓，遂發難站在路中心。

現場是油麻地果欄對出一段窩打老道，兩線道路只餘下一線。網上片段

上身赤裸、正拉着電唧車和卡板的搬貨男工穿越道路。網上片段

搬貨男工不滿司機沒有相讓。網上片段

搬貨男工沒有走開，不斷挑釁司機「喂去啦，唔X停呀嘛」。網上片段

搬貨男工沒有走開，不斷挑釁司機「喂去啦，唔X停呀嘛」。網上片段

搬貨男工卸下卡板「埋陷阱」。網上片段

司機撞倒卡板，搬貨男即聲大夾惡，「落車呀，撞我啲嘢，唔X使賠呀」。網上片段

司機則未有落車，雙方膠著，搬貨男再次將整部電唧車推至路中心阻路。網上片段

片段顯示，這名搬貨男即使在綠燈後，依然與電唧車一同泊在路中心沒有走開，更挑釁「喂去啦，唔X停呀嘛」、「綠燈呀、去啦」。糾纏約一分鐘後，搬貨男將唧車移走，但竟「埋陷阱」將卡板卸在路中心。由於車身高度，司機沒有為意便前行，最後撞倒卡板。

其後搬貨男隨即聲大夾惡，「落車呀，撞我啲嘢，唔X使賠呀」，司機則未有落車，雙方膠著，搬貨男再次將整部電唧車推至路中心阻路，片段就此完結。司機將事件上載至社交平台，並稱「如果各位師兄們遇到咁嘅情況，唔使驚，唔使同佢嘈。只要唔落車、唔開車、唔開窗，佢咬你唔到，坐定定喺架車度報警就得。警察未到，好快就有個佢哋所謂話得事嘅人出嚟，話好小事，大家唔好勞氣，就會搬番開啲嘢畀你行」。

片段流傳後引起網民熱議，表示「佢好似以為條路係佢嘅私家路咁喎」、「上次被他們的貨擋住了交通燈，連累被抄衝燈」、「條四眼咁串玩大佢啦，呢條係馬路唔係貨倉仲理直氣壯」、「兩線變一線都算，仲要霸曬條路，真心每次行過都覺得佢地好討厭」；不過也有人認為「我都有時揸車經過， 真係好少有啲咁嘅情況」、「人哋做到身水身汗就讓下啦」。

---

《星島申訴王》100集誕生之我最喜愛影片票選，由6月16日至6月30日，玩遊戲贏取總值超過10萬豐富禮品！
立刻點擊投票👉🏻https://tinyurl.com/38dfzwtv

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ