初選案 | 鄭達鴻承認和李予信有拗撬 李最後退出名單

民主派47人參與「35+」初選，涉嫌計劃立法會過半無差別否決財案被控，16人否認串謀顛覆國家政權罪。鄭達鴻今午於西九龍法院披露李予信 2020年4月初已加入其名單作第二位，惟5月中「當我哋好密集落區嘅時候，佢唔係好想做啲咁機械性嘅工作⋯⋯不斷落區派傳單」時，「同佢有啲拗撬，佢話唔想做第二位，想做返一啲地區工作」，故其後李予信退出名單減少助選，僅以區議員身份幫忙。

鄭達鴻憶述2020年6月10日〈墨落無悔〉聲明出台後引發公民黨人於WhatsApp 群組討論，當時楊岳橋譚文豪均在群組內，然而李予信未必在內。《香港國安法》指定法官陳仲衡問到李予信當時不是鄭達鴻名單第二位嗎？鄭達鴻否認指當時已不再是其第二位，亦應該未加入競選超區。陳官追問何以剔出其名單，鄭達鴻交代李予信 4月初已加入其名單，5月中「同佢有啲拗撬，佢話唔想做第二位，想做返一啲地區工作」，續指爭論源於「當我哋好密集落區嘅時候，佢唔係好想做啲咁機械性嘅工作⋯⋯不斷落區派傳單」，加上李予信區議會勝選差距不足100票，欲專注地區工作，故其後李予信減少助選，僅以區議員身份幫忙。

鄭達鴻回想李予信於6月13日或之後才加入競選，當時獲楊岳橋告知因為公民黨擔心前線監察活動、街頭論述貢獻不足，6月12日李予信於一個街頭活動被邀請入警署，其後公民黨「想畀人攻擊嘅時候可以有呢樣嘢可以講出來」，才決定徵召李予信出選超區。

副刑事檢控專員萬德豪引述〈墨落無悔〉聲明「我們認為，在初選協調會議上已取得共識的共同綱領」，反映協調會議上已達成協議，只欠簽署，鄭達鴻回應指「佢講法係」。萬德豪問鄭達鴻有否在黨內WhatsApp 指出聲明內容不反映共識，鄭達鴻交代自己沒有表明，惟曾提出2項反對意見，也不記得有否黨友如此說道。

鄭達鴻曾解釋公民黨以黨名義而非參選人名義聯署以保持彈性，法官李運騰問如何可能？鄭達鴻指有3個可能：申請議員豁免跟隨黨立場機制投票、退黨或公民黨解散。李官指無可避免於公眾而言會削弱其誠信，法官陳慶偉問到何以其取態異於公民黨？鄭達鴻重申要視乎財案內容投票，然而當時要成為立法會議員，就要採取黨立場。法官陳慶偉指其自有打算，是否欲成公民黨的叛徒（black sheep）？鄭達鴻再指「如果我作出任何改變都必須先成為立法會議員，喺個黨先會有議價能力」。法官陳慶偉問可會考慮轉黨，如轉到街工等？鄭達鴻答「嗰一刻係我最大機會最有勝算嘅一個身位」。

鄭達鴻又憶述直到譚文豪簽署了共同綱領並發送到群組內，交代「九龍東要簽呢份嘢佢簽咗」，自己方知悉共同綱領；而郭家麒則沒有印象其曾經提及。

法庭記者：陳子豪

---
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ

《星島申訴王》100集誕生之我最喜愛影片票選，由6月16日至6月30日，玩遊戲贏取總值超過10萬豐富禮品！
立刻點擊投票👉🏻https://tinyurl.com/38dfzwtv