初選案 | 彭卓棋：我報咗初選後用咗好多激進詞語 希望係黃色陣營攞票

民主派47人參與「35+」初選，涉嫌計劃立法會過半無差別否決財案被控，16人否認串謀顛覆國家政權罪。被告彭卓棋今早續於西九龍法院作供，指自己出席了所有港島區協調會議，會上從未討論要簽署任何文件，又從未收到港島區協調機制初稿或協議，事前亦不知悉6月9日有初選記者會。

大律師盧敏儀主問下，彭卓棋指出自己從未從戴耀廷區諾軒李永財或任何人處收到港島區協調機制初稿或協議。彭卓棋憶述自己出席了所有協調會議，第一次協調會議上戴耀廷曾提到運用否決權否決財政預算案為《基本法》權利，以使政府回應五大訴求，司馬文聞言即時反對，戴耀廷再解釋權力可用可不用，當「政府做得唔好就用喇，政府做得好呢就唔使用喇」。《香港國安法》指定法官陳慶偉問到戴耀廷發言內容理應更進取才會招致司馬文即時反對，彭卓棋反駁指當時對話非常短暫，戴耀廷發言並沒有更進取，另指會上從未討論要簽署任何文件。

彭卓棋指事前並不知悉6月9日初選記者會，僅獲區諾軒WhatsApp 私訊知會有機會於5月30日召開記者會。彭卓棋重申因電話已被沒收，雖然沒有刪除紀錄，惟僅記得一次區諾軒因初選事宜私訊自己。陳官引述訊息中彭卓棋指「經與一眾團隊商討後，我們認為此項改變的確是與數次會議之共識不同」，看來各參選團隊曾多有交流，彭卓棋澄清「一眾團隊」指自己代表的一眾團隊，因為其為港島區唯一一隊有眾多人參選的團隊。

案中被告由上左至下:何啟明、施德來、楊雪瑩、柯耀林、李予信及陳志全。

彭卓棋交代案發時從未閱讀過戴耀廷〈真攬炒十步〉文章，直到被捕後才細閱，惟當時曾於一份傳單草稿初次瞥見「攬炒十步」字眼，卻不清楚具體內容，亦沒有深究。彭卓棋解釋2020年5月左右組成一個團隊積極考慮參選時，要設計一份自我簡介的單張，自己撰寫了文字自我介紹，再交由當時兼職同事「小白」設計單張。「小白」完成設計草稿後，彭卓棋看見背頁附有「攬炒十步」等內容，「覺得關我咩事呢」，遂未有細看要求重新設計。法官李運騰追問下，彭卓棋確認自己當時留意到「攬炒十步」，惟不知出於戴耀廷倡議。李官再追問有否向小白查問或討論，彭卓棋否認，解釋「因為呢份係關於彭卓棋嘅單張」，遂只指明要求更改的部份，而設計早被否決，故團隊成員也不知情。

李官再指出最終版本傳單內文訂明「『35+』願景，提倡運用立法會權力，否決財政預算案，逼使當權者回應『五大訴求』」，彭卓棋坦承最終同意了上述內容，「嗰陣時未係好理解呢個字眼嘅⋯⋯未係好似而家個案件噉知道個法律係點樣做」，並同意5月18日已經派發上述傳單。法官陳仲衡問道被捕前可有銷毀任何紀錄，彭卓棋答到「我喺《國安法》通過咗之後，我哋有將一啲我哋擔心嘅單張搣爛咗」。

盧敏儀問及其對否決財案的理解，彭卓棋指一直如協調會議所言，認為否決權可用可不用，在政綱上雖未言明此意，惟提到要視乎情況是否符合公義，「同35+冇關係，因為作為一個立法會議員應該秉行公義行事，乜嘢立場都唔緊要」。彭卓棋又指直到被捕後才理解何謂無差別否決財政預算案，事前從未聽聞，然而卻聽過「攬炒」說法，並用於選舉傳單。彭卓棋解釋當時「用咗好多呢啲選舉語言，希望爭取選民支持，因為我報咗初選之後，我先意會到我嘅對手係當時民主派，因此我用咗好多呢啲激進嘅詞語，希望喺黃色陣營可以攞到啲票。」彭卓棋續解釋2020年4月時曾打算「用我創業同服務社會嘅例子擺喺單張，但係慢慢感受到社會氣氛係冇人理嘅。我承認我用咗一個今日睇返唔係好好嘅選舉策略」。

彭卓棋續指當時「忽略咗初選嘅target segment （目標市場）係最黃嘅一群，所以如果我講創業啲嘢唔會有任何機會，雖然我都希望喺我選舉單張加返啲我嘅選舉初心——重振香港品牌、19年免費教育、英語教學」。

法官陳仲衡引述指政綱中以不義政權來形容政府，彭卓棋再次承認屬誇張手法，而政府亦於政治、抗疫等有個別地方表現不佳，與民意期望有落差，招致許多批評。彭卓棋解釋「從一而終的抗爭派」和「重組警隊」放在政綱之首因為「當時個社會氣氛都唔會睇你做啲咩嘅倡議，只係對於政府有啲咩嘅不滿就寫出來⋯⋯當時嘅氣氛係已經一定要呢啲內容，所以我擺頭啲」。彭卓棋認為要基於公義來衡量財案，自己亦經常參與跨黨派合作，直言「政治，係要溝通；但係選舉，係要情感，亦即係勾起人哋情感，因為選舉嘅策略，同做廣告一樣」。法官陳慶偉直言「你當選民都是盲的嗎？」彭卓棋自嘲「選民眼睛係雪亮嘅，所以我咁低票」，確認初選中其敬排末席。

彭卓棋承認選舉單張和論壇均使用選舉語言，李官指論壇中發言更進一步，指「入到議會不惜肢體抗爭，癱瘓政府否決預算案」，亦視中共為敵人，彭卓棋再次解釋為爭取「最黃嘅選民，我覺得呢啲語言會有助我初選贏」。李官反問目的可以正當化手段？彭卓棋同意「我認為係唔啱㗎，但係我嗰刻係希望喺黃嘅陣營裡面贏嘅，但係而家我睇返都係覺得好尷尬囉」，另指即使進行肢體抗爭，也不可以傷害他人。法官陳仲衡問到底有多少發言反映其真正想法，彭卓棋答「我諗整段都係選舉語言來嘅，除咗『我係港島區彭卓棋團隊』之外」，言畢又哄堂大笑。彭卓棋又指論壇上曾經「想講創業嘅嘢，但係個主持已經 stop 咗我㗎喇，即係冇人有興趣知道我想做啲咩」。

彭卓棋再解釋自居本土派，理由是自己為土生土長香港人，想香港好，故以此自居。法官陳仲衡追問下，彭卓棋補充「但係其實都唔重要，因為呢個都等於好似商品，將佢發佈、擺上百貨公司、市場嘅架上，你一定要標籤自己，唔係其實市民係唔會知你係邊個、係咩派別噉樣」，續指當時流行本土音樂、市集、經濟、電影等。法官陳仲衡反駁本土當時泛指示威等，而非音樂，彭卓棋堅稱音樂市集等均為其中之一。

法庭記者：陳子豪

---
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ

《星島申訴王》100集誕生之我最喜愛影片票選，由6月16日至6月30日，玩遊戲贏取總值超過10萬豐富禮品！
立刻點擊投票👉🏻https://tinyurl.com/38dfzwtv