觀塘客貨車切線被女鐵騎擬告不小心駕駛 網民反應兩極 「快狠準」定「實打甩」？
2023-06-30 11:38 
觀塘港鐵站迴旋處日前上演一幕師姐出馬告違例車事件，惹來網民熱議。有網民上載一段車CＡＭ片，拍到一部客貨車在觀塘港鐵站對開迴旋處切單白線，被「埋伏」的鐵馬女騎警發現，客貨車當然「走唔甩」被截停，連帶後面的車輛亦都被女警「關注」，直截了當問後車司機可否做證人，以便告客貨車司機不小心駕駛。但Ｍadam的做法引來網民兩極反應，有網民大讚女警快狠準不囉嗦的態度，亦有網民認為客貨車只是切線大抵扣3分，未致不小心駕駛階段，有商榷餘地，質疑女警做法不合理。
影片長約2分鐘，車CＡＭ顯示日期為6月28日下午4時53分，在觀塘港鐵站對開迴旋處，一部黑色客貨車駛至開源路分岔路口，突切單白線前行，此時一名女鐵騎早在天橋底「埋伏」，即駛出示意客貨車停在路邊受查，而後面拍得過程的車輛司機，亦被女警揮手示意停路邊協查。
此時影片拍得女警走向後車司機，全程只聽到女警的聲音，未見樣貌，Ｍadam聲線清脆，被網民形容為「活潑佻皮」，Ｍadam一開始便直截了當說：「司機，行緊迴旋處外圈，突然間呢架嘢（客貨車）內圈cut埋嚟，影唔影響到你呀？」後車司機又似隨口說「影響到呀！」此話卻正中Ｍadam下懷 ，笑語「我都係咁諗！我告佢不小心駕駛，（你做）證人」。司機猶豫一下儍笑「唔係呱，ha ha」。
Ｍadam亦快人快語，「OK，佢認未必搵你嘅，你有埋cam，最好啦！」，Ｍadam亦爽朗直呼「畀身分證、駕駛執照我，cam睇唔睇到呀?」司機回應「睇到呀!」Ｍadam聽罷顯得非常雀躍，真情流露，「嘩，perfect(完美)呀！介唔介意開一開畀我睇吓，我陣間影一影，唔該你呀，唔該你呀！」然後再走向肇事客貨車準備提告。
片主將有關影片上載社交平台，引來近千個回應。網民反應兩極，有人大讚Ｍadam態度「快狠準不囉嗦」、 「笑咗！好正！電影先聽到嘅對白！」 亦有人好奇Ｍadam樣貌 ，「想知madam咩樣......好心啲人啦，明知呢個位唔可以咁做，Btw，Ｍadam呢啲態度咪幾好，需要市民幫手就應該好聲好氣」，「依把聲，真係客氣到唔似差人，唔知madam咩樣」。
不過，亦有網民認為客貨車罪不致於不小心駕駛，埋怨後車司機「加持」。「佢都衰硬架啦！你仲要加多腳！有幾影響到你呀？」、「原本cut單白線最多罰錢，但宜（依）家加埋後車司機加持，結果就告不小心駕駛」；有網民質疑「點樣告不小心駕駛呀？第一，兩車最近距離起碼差5-6米喎？第二，司機一路保持車速，冇特別需要急煞。呢段片一上堂，就會比被告perfect 咁打甩就真！如果我係上級，女警告不小心駕駛就一定唔去，改告cut單白扣3分先附（符）合返條片的內容。」
---
《星島申訴王》100集誕生之我最喜愛影片票選，由6月16日至6月30日，玩遊戲贏取總值超過10萬豐富禮品！
立刻點擊投票👉🏻https://tinyurl.com/38dfzwtv
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應