新大嶼山巴士相撞│乘客：一開車3秒就撞 有半分鐘尖叫聲 太混亂

兩部新大嶼山巴士今早在東涌逸東邨巴士總站相撞，導致16人受傷。有受傷乘客表示，事發時一開車3秒即撞上前面的巴士，「成車人企唔穩嘅企唔穩，冧嘅冧，嗰陣太混亂，有半分鐘尖叫聲，其實冇人知道發生咩事！」

相關新聞：東涌逸東邨兩巴士相撞 至少16男女受傷送院

38號路線雙層新大嶼山巴士撞上前面的37H單層巴士，後車司機未有受傷。梁國峰攝

後車擋風玻璃爆裂，泵把甩脫。梁國峰攝

兩巴士相撞，至少16人受傷，大批救援人員到場援救。梁國峰攝

傷者即場接受包紮。梁國峰攝

大批傷者現場待救。梁國峰攝

乘客莫小姐指意外發生後有半分鐘尖叫聲。梁國峰攝

今日早上約10時許，37H新大嶼山單層巴士，在東涌逸東邨巴士總站埋站落客，另一部38號路線雙層巴士，則在後面站頭上客後開車，未料直撞前車的車尾，38號線巴士的擋風玻璃當場撞爆，泵把甩脫，車上乘客頓時失平衡一仆一碌，場面混亂。

女乘客莫小姐在意外中撞到流鼻血，她憶述經過時仍猶有餘悸，「總站上車，一開車3秒就撞前車，跟住之後成車人就企唔穩嘅企唔穩，冧嘅冧，有人跌親條腰，有人跌親尾龍骨，我坐上層，唔知下層多唔多人企，但聽到下層嗌得好大聲。」

她說當時成車滿座。被問到巴士司機有否安慰乘客，她坦言「嗰陣太混亂，有半分鐘尖叫聲，開車嗰下太快，基本上一開車就撞，所以其實冇人知道發生咩事。」她說「等救護員等咗好耐，跟住我見唔到司機了，一開始撞完之後冧嘅人，流血嘅人都掛住處理自己傷勢，我唔知係咪趕住返工，好多人衝咗落車先，之後有客務站嘅職員上嚟叫受傷嘅人留低先。」她撞到流鼻血，但接受在場治療後，決定不到醫院。 

---

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ