救護車出動遇阻滯將軍澳富寧花園保安拒開閘與街坊爆衝突女保安已停職｜Juicy叮

2023-07-22 11:21

救人如救火，應爭分奪秒。將軍澳一屋苑的保安日前卻懷疑拒開閘，反而要求救護車兜路進入，在場看不過眼的街坊勸籲保安員開閘時，雙方一度爆發口角，雙方粗口橫飛。網民看在眼裏不禁搖頭嘆息，批評「真係唔識執生」、「應該要開嘅門唔開，世界級管理！」；另有人記仇地指「呢個女管理員態度好很差！」，估計「佢新年就知報應」。

事發於本月19日，事件引起當區區議員關注，事後更在fb附上管業處就事件的回應。本身為富寧花園居民的區議員陳耀初回覆《星島頭條》查詢時表示，日前跟管業處溝通時，管業處認為兩位保安員（特別是女保安員）表現不符合公司要求，會將今次事件在人事檔案作記錄。而管業處職員今日（22日）中午過後向《星島頭條》證實，涉事的女保安員已被停職。

街坊與保安員口角逐格睇＋網民搖頭嘆息回應↓↓↓↓

樓主帖文。網上截圖

網民：呢個女管理員態度好很差！網上截圖

救護車泊於閘外。網上截圖

男街坊：喂，我同你講，你Ｘ我老尾。網上截圖

區議員：管業處已經更換咗把鎖。網上截圖

管業處已經更換咗把鎖。網圖

女保安：我Ｘ你咩，我Ｘ佢（同事）咋麻。網上截圖

網民：多謝街坊拍片讓我們知道管業處的保安可以有幾離譜。網上截圖

男保安：唉，佢話我啫，唔好理。網上截圖

網民：應該要開嘅門唔開，世界級管理！網上截圖

男街坊：你咁Ｘ惡。網上截圖

網民：其實應該靈活處理。網上截圖

無入鏡男街坊：好啦，好啦，算啦。網上截圖

網民：開個閘都咁難㗎。網上截圖

男街坊：你咁Ｘ惡㗎，Ｘ你老尾。網上截圖

區議員上載管業處就事件的有關回應。網上截圖

事發於富寧花園。網圖

男保安做和事佬。網上截圖

事發於坑口富寧花園。樓主在社交網站facebook專頁「家繫富寧 Home@FuNing」上載長約55秒的口角片段時，講述事件詳情：

樓主：救護員落車抬擔架前去

「今日（19日）大概（晚上）10點，我返到近將軍澳醫院閘口，見到一輛救護車停泊喺附近，救護員要求保安開閘，保安員（片中男人）詢問控制室，控制室要求救護員兜坑口村迴旋處入，救護員表示迴旋處塞車會阻礙救人時間，控制室保安（片中女人），竟然要求救護員行入去，仲講咗句：4座咁近，行入去啦。我同另一位街坊睇唔順眼要求保安開閘，救護員同時以行路方式抬住擔架去4座。控制室保安出嚟之後，我哋一路要求開閘，竟然畀佢用粗口問候。如果消防閘連救護車都唔用得，唔知幾時先可以用呢……」。

女保安：（向拍片人講）你唔使影相呀......。網上截圖

無入鏡男街坊：好啦，聽日去投訴佢。小圖為網上截圖

男保安：唔好嘈啦。網上截圖

男街坊：呢度你話開唔Ｘ到，得，冇Ｘ問題㗎。網上截圖

無入鏡男街坊：呢度唔係一定死㗎，一定生㗎。網上截圖

無入鏡男街坊：一定要生㗎。小圖為網上截圖

無入鏡男街坊：嗰邊塞車呀。網上截圖

區議員引述管業處回應

事發後，當區（富藍區）區議員陳耀初前去視察，並拍照指「......管業處已經更換咗把鎖，相信佢哋都知道呢個係一個隱憂。至於昨晚（19日）嘅事管業處有冇咩睇法，將來會點處理，會唔會有清楚指引，我已經聯絡咗佢哋，等緊回覆」；陳耀初接著於21日深夜發帖，上載管業處就事件的有關回應——

「有關前晚（19日）有住戶同保安因為開閘畀救護車問題爭執嘅事，我今日（21日）同管業處傾咗陣，報告如下：

•管業處確認從來都冇話唔可以開醫院呢邊嘅鐵閘，事實上（根據管業處講）以往亦有為緊急車輛開過
•管業處已經訓示所有保安人員，要為緊急車輛開閘
•管業處認為鐵閘需要上鎖，因為以往曾經有人嘗試私自打開鐵閘。管業處解釋每一個保安身上都有全屋苑鎖頭嘅鎖匙，所以唔存在「要花時間搵鎖匙」嘅問題
•之前把鎖個樣係舊啲，但係開到嘅，管業處亦已經換咗一把新嘅
•管業處亦在鐵閘外面（向街方向）貼咗新嘅顯眼告示，等緊急車輛知道可以 call 24 小時保安室要求開閘
•管業處認為當晚涉事保安態度欠佳，不符公司要求。所以除咗口頭訓示之外，亦會根據公司內部人事程序跟進，作出正式記錄
我記得嘅係咁多，已經盡量準確記錄管業處嘅回應。大家有問題或者建議亦可以呢度講，管業處會有人睇到」。

男街坊：咁Ｘ惡，你真係好Ｘ嘢呀真係，我住咁Ｘ耐，都未見過咁Ｘ惡嘅實Ｑ。網上截圖

涉事大閘。網上截圖

其他街坊入鏡。網上截圖

男保安員做和事佬。小圖為網上截圖

救護車泊於閘外。網上截圖

網民回應：真係唔識執生

網民看過街坊與保安員的口角短片後，批評「呢個女管理員態度好很差慨嘆「開個閘都咁難㗎」，並提到一系列的安全情況：

•「黃金時間救命喎，救遲咗有咩不測邊個負責，無論係咩原因都唔應該叫救護車去另一入囗。個保安主管直情離晒譜」；

•「救人如救火，火警會唔會叫消防車走返出迴旋處先，真係唔識執生」；

•「救人係應該拿拿聲開門，話晒呢邊又近醫院，遲一分鐘分分鐘有生命危險」；

•「其實應該靈活處理，唔好死古古要經過幾關先開到門，鎖匙放喺門口看更度，有關於生命危險要即刻開門，又方便唔使通知保安，跟著先再行過嚟開門」。

另有街坊指，「多謝街坊拍片讓我們知道管業處的保安可以有幾離譜」，還有人提到「唔係第一次，上次又係咁，我叫佢開閘畀救護車入，佢話呢個閘唔開得，反應冷淡，好似完全唔關佢事咁」。其他網民回應請瀏覽上圖↑↑↑↑。

無入鏡男街坊：呢度一定要生呀，唔好死呀吓。網上截圖

網民看過街坊與保安員的口角短片後，批評「呢個女管理員態度好很差！」。小圖為網上截圖

網民：「呢個女管理員態度好很差！」，估計「佢新年就知報應」。網上截圖

樓主上載長約55秒的口角片段。網上截圖

富寧花園。資料圖片

街坊與保安員口角錄節：

......
男街坊：喂，我同你講，你Ｘ我老尾
女保安：我Ｘ你咩，我Ｘ佢（同事）咋麻
男保安：唉，佢話我啫，唔好理
男街坊：你咁Ｘ惡
無入鏡男街坊：好啦，好啦，算啦
男街坊：你咁Ｘ惡㗎，Ｘ你老尾
女保安：（向拍片人講）你唔使影相呀......
無入鏡男街坊：好啦，聽日去投訴佢
男保安：唔好嘈啦
......
無入鏡男街坊：呢度唔係一定死㗎，一定生㗎
男街坊：呢度你話開唔Ｘ到，得，冇Ｘ問題㗎
無入鏡男街坊：一定要生㗎
......
無入鏡男街坊：嗰邊塞車呀
男街坊：咁Ｘ惡，你真係好Ｘ嘢呀真係，我住咁Ｘ耐，都未見過咁Ｘ惡嘅實Ｑ
無入鏡男街坊：呢度一定要生呀，唔好死呀吓