星島獨家丨張玉珊認愛盧啟賢 為男友被指誇大身家喊冤 大讚孝順係好爸爸
2023-07-29 17:12 
張玉珊自幕前引退從商後，身邊一直不乏追求者，但事業大過天的她多年來感情生活一直空白。最近有線人向本報爆料指在意大利甄子丹與汪詩詩舉行結婚20週年婚禮的現場，目睹張玉珊與一型男過從甚密，兩人糖黐豆般形影不離，更有拖手摟腰等親密舉動。而記者進一步查證後，發現男方為一家人壽保險公司的行政總裁盧啟賢，但最近卻被某媒體指控其誇大身家。
【相關閱讀】：48歲張玉珊凍齡美魔女突跌Watt現青筋 轉戰商界成最年輕CEO 盛傳身家逾3億
就此本報特意致電張玉珊求證，她首先大方認愛。「係呀，我哋係喺疫情期間經一位朋友介紹認識嘅。可能我哋大家都係做生意嘅，所以都好多共同話題，而且三觀都好吻合。佢最吸引我係份人好孝順，對佢個囡囡又好好，係一個廿四孝爸爸，而且對自己嘅事業好專注好有要求。最重要係佢好gentleman好識照顧我。我哋而家感情都好好，多謝大家關心。」
記者繼而問到最近有關男方的負面報導，張玉珊表示：「其實我覺得呢單根本就係公關災難啦，佢外國公司同事當佢係Marketing material，英國公關公司當佢提款機，做一次撳一次錢。佢梗係對嗰個記者唔夠nice，隻眼擘得唔夠大，人哋覺得佢唔夠友善，如果唔係點會咁多人唔寫去寫佢，呢個年代一支筆就可以寫死佢。不過食得鹹魚抵得渴，佢做高端財富管理，點樣都要保護自己嘅客戶，咁佢自己啃咗佢啦！對我嚟講你哋寫佢100億同10幾億身家，最好個數目講得越少越好啦！有都最好唔好認，你哋20年嚟問我身家，我從來都無答過啦！」
【點擊睇張玉珊靚相】：
張玉珊其後補充：「其實我都認識寫佢嗰位傳媒老闆，事後我都有找佢晦氣，我叫佢一係介紹另一個男朋友比我，一係話我知點解咁多人唔寫要寫佢。佢話你男朋友對啲傳媒唔夠nice，加上英國公關公司做得太差，我都管唔到我啲同事！Sorry！」
最後，被問到為何不主動向外公開戀情，張玉珊表示：「我不嬲都唔講呢啲嘢嘅啦，只係希望唔好燒到其他無辜嘅女仔。作為女朋友，我本來都想灰姑娘着玻璃鞋出場，而家變咗花木蘭出場都OK吖，哈哈！」
【其他文章】：
48歲張玉珊逆齡生長唔輸同框視后！獲讚後生兼少女味濃 淡出多年做生意身家達3億
廖碧兒稱與盧啟賢只是好友 193撐保錡表明ERROR四為一體
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應