煮東煮西丨顏志恒晒盲切刀功技驚四座陳自瑤被黃翠如一句寸爆

2023-08-01 18:20

由三大閨蜜黃翠如、陳自瑤、連詩雅主持的烹飪綜藝節目《煮東煮西》，本周一至周三晚上10點半翡翠台播出第七至第九集。今晚（1日）一集，擔任「東煮」及「西煮」的資深名廚黃亞保（保哥）及黃浩然愛妻莫家嘉，夥拍支嚳儀及顏志恒分別炮製兩道以豆腐為主打的中式及西式美食，甜品部分則繼續由支嚳儀負責。

【其他閱讀】：煮東煮西丨黃翠如爆「愛妻號」黃浩然最高機密一個行動令老婆安心又放心

【點擊睇《煮東煮西》顏志恒晒刀功】：

今晚一集有「跳唱」支嚳儀VS「大戲說唱」顏志恒，到底說唱點樣可以唱到大戲咁style，今晚睇節目啦。

今晚主題食材係豆腐。

顏志恒搞氣氛叻唔叻？睇連詩雅（左）同黃翠如反應咪知咯。

兩位「中年好聲音」高歌《熱辣辣》，盡聽視聽之娛。

西瓜配穀麥，都幾特別吓。

顏志恒今晚仲會教大家點樣煮濃湯零失手。

決心要晒刀功嘅保哥切切吓嘢忽然「戲子」上身，突然四圍望。

顏志恒被要求晒「盲切刀功」。

不過佢好快都係乖乖咁望番住嚟切。

顏志恒切甜椒都好有功架。

今晚兩大主廚會聯手做啲小搞作，極盡融洽。

大家齊齊包芝士豆腐菠菜雲吞。

黃翠如包雲吞時係都要標奇立異，搞到畀保哥笑。

大家包嘅雲吞咁唔統一，真係考起要煮熟佢嘅家嘉。

呢度80蚊架喇各位。

連詩雅聽完個價錢大嚇一跳。

陳自瑤九秒九放啲陳皮入口。

黃翠如執輸行頭。

呢三位閨密成日都窒嚟窒去。

連幫啲炸豆腐條裹味粉都要鬥餐死，結果好明顯係陳自瑤贏晒啦。

個炸豆腐望落流晒口水。

仲有涼拌凍豆腐。

同埋甜椒濃湯都好正。

整呢個濃湯除咗要好有心機，仲要有耐熱「鐵沙掌」。

同是首屆《中年好聲音》出身的支嚳儀及顏志恒，今晚再度展現合拍一面高歌《熱辣辣》，支更邊唱邊露出招牌「女人味」表情，相當搶焦；另二人又先後以「跳唱」及「大戲唱」style介紹本集主題食物—豆腐，綜藝魂爆燈。性格慢熱的顏志恒在節目中亦漸趨健談，除了親解「蜂巢豆腐」成形真相，更教授非大廚級數的家庭觀眾、如何像家嘉般炮製出「稀杰」適中的甜椒濃湯，及示範「一刀到尾」切甜椒秘訣，化身實用性超高「廚房字典」。另一男廚保哥則向來「煮而優則talk」，繼昨晚一集再晒「拋火鑊」奇功，今晚將大晒「盲切刀功」，邊切食物邊佻皮地「眈天望地」（動作經專人訓練，家庭觀眾切勿模仿），結果成功吸引連詩雅注意兼大叫：「嘩！你可以唔使望住嘅」；家嘉見狀，即搞笑著志恒表演盲切「反擊」，相當搞笑。

陳自瑤食「頭啖」天價陳皮

對陳皮素有研究的保哥，今集將拿陳皮打粉作調味料，當連詩雅得悉保哥帶來的陳皮盛惠八十港元一片時，除連詩雅本人嚇至張眼大叫，更惹起連鎖反應—「爭食陳皮」，結果陳自瑤成功搶贏「頭啖」，執輸行頭的翠如則因為一個原因被禁止試食，令她大呼不公平。在節目中愛以「互相傷害」搞氣氛的三位閨密，昨晚由「黃連」聯手對付陳自瑤。事緣陳自瑤無緣無故指黃連二人「爭咁啲嘢」，翠如聞言即大反擊：「我知，佢話佢大我哋細呀！」，嚇得陳自瑤眼都凸埋，場面搞笑。

【其他閱讀】：

煮東煮西丨陳自瑤與兩閨密首次做節目孖黃翠如為連詩雅生日炮製驚喜

連詩雅舊愛徐浩傳秘撻英皇小花曾樂彤晒偽獨遊日本照遭一物出賣

黃浩然47歲生日老婆晒合照高調示愛︰Love you 3000

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ

關鍵字