東張西望丨中年老闆堅稱無性騷擾多名女學生 未拍攝已向TVB發律師信
2023-08-07 23:02 
TVB節目《東張西望》一連三日，播出有中年老闆接連性騷擾多名女大學實習生個案。昨晚播出的一集有5名女學生出面控訴老闆，其中一名事主Chloe慘遭老闆伸脷狼吻，更講到情緒崩潰，就連主持李旻芳亦聽到眼濕濕；今年再有4個女學生慘遭毒手，其中一個女學生更被中年老闆媽媽騷擾。
【相關閱讀】：東張西望丨女實習生被老闆伸脷狼吻多次性騷擾 報警一年未結案再有4學生遭毒手
【點擊睇女同學集體控訴】：
遭中年老闆性騷擾的陳同學工作兩星期即決定辭職，老闆親自打電話給她詢問理由，陳同學直接回覆對方：「我覺得你言語、行為舉動令我覺得唔舒服。」陳同學指對方即開始「發癲」：「係咁講話我諗多咗，話對個個女同事都係咁，又話係我問題，跟住開始鬧我能力差。做錯事嗰個係佢，佢鬧到好似我做錯咁。」
老闆媽媽鬧受害女生「有精神病」
陳同學遭老闆一翻怒罵後，竟然輪到老闆媽媽，《東張》播出老闆媽媽的錄音：「你哋呢啲女同事唔好以為，佢好鍾意你哋，唔會！對任何一個女仔，全部同事係冇一個啱，我哋相親公司大把靚女，都唔會鍾意，佢鍾意『小甜甜』。」之後老闆媽媽竟然再傳訊息轟炸陳同學，直指她「有精神病」，並恐嚇向大學教授投訴。」不過信念堅定的陳同學說：「唔驚，我係有理嘅一方，做錯嗰個係佢，都唔驚教授會因為佢嘅投訴對我做啲乜嘢。」
陳同學在網上討論平台分享遭老闆性騷擾的經歷，事後陳同學收到老闆的律師信，要求她刪除帖文，否則會控告她誹謗。陸偉雄大律師則指：「未必（要刪除），如果係事實，基本上係唔需要刪除，喺法律上有啲免責嘅抗辯理由，一種係公允評論，另一種係有據可依。」而《東張》團隊，在未拍攝情況下，同樣已經收到老闆的律師信，表示事件有誹謗性，聲稱預計任何傳媒報導，會加劇人肉搜索犯罪行為，令老闆的人身安全受到威脅。事後陳同學收到舊同事慰問，指替老闆執拾期間，見到抽屜有避孕套，電腦其中一個硬碟（drive）全是色情影片，直呼好噁心。
《東張》成功聯絡涉事老闆接受訪問，老闆則表示：「我哋已經回應咗呢件事，交咗畀律師處理。第二，我哋已經進入司法程序，唔會再回應；但係冇呢件事發生，我諗我哋會好快拎證據出嚟，你等一等好，ok？」之後即匆匆cut線。其後老闆向《東張》發訊息，表示會接受訪問，更聲稱「會言無不盡同你哋講」。
【其他文章】：
東張西望丨四嫁生母鋪路10年搶奪公屋 32歲子求對質上演追逐戰
東張西望丨63歲婦人村內遭水牛撞飛再被踩！ 畫面極驚慄彷如電影情節
東張西望丨郭晉安捲內地樓盤「騙案」未解決 麥玲玲搵深圳律師搜集資料
東張西望丨苦主做療程出事！疑被燒傷狂冒水泡 美容院反斥行為不當
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應