港女勁呻：勸老人家睇醫生好困難 網民有計仔：XXXX出馬即刻搞掂｜Juicy叮

勸老人家睇醫生有時真是一件艱鉅任務。有港女在網上講述婆婆不適但拒絕求醫的經歷，引起共鳴。有經驗的網民挑通眼眉知道箇中原因，紛紛提供氹長者求醫妙法，其中一招看來特別管用，但當中牽涉到一位關鍵人物......

樓主早前在「香港討論區」以「勸老人家去睇醫生真係一件好難嘅事」為題發帖，擔心地講述婆婆心口不適卻拒絕求診的經過↓↓↓↓：

樓主講述婆婆心口不適卻拒絕求診的經過。istock圖片，非當事人

平時婆婆自己住，有時阿媽都會走去探佢，

早幾日無啦啦婆婆打電話畀阿媽話佢好似心口有啲唔係幾舒服，

因為其實佢年紀都唔細，所以阿媽都想帶佢去醫院度順便做個全身嘅Body check（身體檢查），

點知佢問婆婆拎張身份證登記，但係佢死都唔肯。

最後阿媽帶咗佢去咗中醫果度執咗啲藥畀佢食就算，

真係唔係好明點解屋企老人家一有事都唔肯去睇醫生，

本身佢又唔係一齊住，真係好擔心有咩事暈低咗都冇人理。

到底可以點勸老人家去睇醫生？

樓主帖文。網上截圖

網民摸清長者拒求診心態

面對「如何勸老人家去睇醫生」的世紀難題，引起各方網民共鳴，有人和應「同意。非常艱難」。知己知彼，百戰百勝，網民摸清了長者的心態，認為長者拒求診，可能因為以下原因↓↓↓↓

「勸老人家去睇醫生」幾乎是世紀難題。istock圖片，非當事人

面對「如何勸老人家去睇醫生」的世紀難題，引起各方網民的共鳴，有人和應「同意。非常艱難」。網上截圖

網民：生不進官門，死不進醫院 。

網民：諱疾忌醫，怕驗到有咩病，要洗錢又麻煩到屋企人。網上截圖

網民：人之常情，唔想知自己有事，大部分老人家諗法！

網民：舊一代啲人好中意摳......。網上截圖

網民：有啲係心理作用，驚入咗去出唔返嚟。

網民：老人家就係咁，好唔想去睇醫生。網上截圖

網民：老人家怕睇醫生檢查到有嘢……然後捉入醫院住。網上截圖

網民：其實入過院嘅可能會知點解......。網上截圖

網民：婆婆可能怕入院，部分長者覺得住院好大件事，好唔吉利......。網上截圖

其中有網民心水清地提到：

•諱疾忌醫，怕驗到有咩病，要洗錢又麻煩到屋企人。對佢地嚟講，最好就係八九十歲，瞓瞓吓死咗，佢又冇痛苦，又唔會麻煩到人。

•老人家怕睇醫生檢查到有嘢……然後捉入醫院住，更怕自己留醫孤獨咁死去……這是老人最怕面對的……死佢哋唔怕，最怕孤伶伶喺醫院度走，唔捱到最後一刻佢哋都唔想被捉入醫院。

•其實入過院嘅可能會知點解。因為啲老人家入咗院，護士好多時驚佢地落床跌親，想自己行去廁所又唔俾落床，有啲又要包尿片，如果急屎護士又叫你屙落尿片度，又要外人幫你換片抹屁屁，搞到好冇尊嚴咁。公立醫院探病又有時間限制，好多時啲仔女孫仔孫女返工返學，啲時間見得個一陣，都唔會成日去探病。入到去冇晒自由又冇啖好食，夜晚啲呼吸機Dudu聲好嘈㗎，又冇覺好訓。冇咩事的話，講真都唔想入院啦。老人家入去驗左驗右，都真係怕驗到啲咩出唔番去。

網民獻計：一字記之曰「氹」

大概摸通長者思路後，有醒目網民便獻計「拆掂佢」，當中最多人提醒「老人家同小朋友差不多」，一字記之曰「氹」。綜合回應網民提供的8大招，其中一招看來相當管用，但當中必須牽涉到一位關鍵人物......

網民8大招勸長者求醫↓↓↓↓

最多人提醒「老人家同小朋友差不多」，一字記之曰「氹」。istock圖片，非當事人

網民：啲老人家老老吓，變返BB咁呀搵人氹。

網民：冇得勸只可以氹。

網民：氹婆婆，陪佢做一樣佢想嘅嘢，之後大家承諾你做咗之後到佢做，就係睇醫生

網民：哄下佢，老人家同小朋友差唔多。

網民：我以前有啲老人家唔聽話，搵佢最鍚嘅孫出馬，攪惦！ ​ ​

網民：佢最愛錫係邊個？就叫佢勸佢！

網民：如果你愛鍚婆婆，抽多些時間陪養感情......

網民建議用角度游說。網上截圖 ​

網民：佢最錫係邊？就叫佢勸佢

8大招當中，「佢最愛錫係邊個？就叫佢勸佢！」、「我以前有啲老人家唔聽話，搵佢最鍚嘅孫出馬，攪惦！」看來最管用。另一招「用角度游說」，細分以下4招，包括：
1. 睇醫生有優惠／ 我公司有免費津貼，價錢好平，或可Claim（申報）返。
2. 食咗藥，舒服咗，妳同後生都安心。
3. 一般心臟問題嘅治療，藥物唔會有咩副作用，所以更加應去睇。
4. 阿咩xx太，最近都睇咗，有心臟問題，食咗藥，而家好返晒。

其他網民意見：珍惜每一次見面↓↓↓↓

另有網民認為「長者超過80歲，有時順其自然生命會走得更遠，去醫院檢查後只會問題越來越多，對長者構成極大心理及精神負擔」；有人則提醒「小病自然好，大病醫唔到，珍惜每一次見面，就已足夠」，並建議因應獨居老人「可以安裝部Cam喺佢屋企，間唔中／甚至每日可以望下佢」，其他網民回應請瀏覽下圖↓↓↓↓

其他網民意見：珍惜每一次見面。istock圖片，非當事人

網民：尊重佢嘅意願吧。網上截圖

網民：睇中醫都算成功咗一半。網上截圖

網民：他朝人氹番你。網上截圖

網民：獨居老人，你可以安裝部Cam喺佢屋企，間唔中／甚至每日可以望下佢。網上截圖

網民：與其叫老人家去睇醫生，倒不如多點教老人家平日的保健常識。網上截圖

網民：長者超過八十歲，有時順其自然生命會走得更遠。網上截圖

—————

《星島頭條》APP經已推出最新版本，請立即更新，瀏覽更精彩內容：https://bit.ly/3yLrg