世紀暴雨｜大浪灣村積水漸退 村民忙於清理：嗰晚間屋浸咗5次
2023-09-10 16:26 
上周四（7日）世紀暴雨襲港釀成嚴重破壞，港九及新界廣泛地區水浸及出現大面積山泥傾瀉及路陷，其中石澳道沿路塌山泥及路陷，道路須封閉，引致石澳村、鶴咀村及大浪灣村與外界斷絕接觸，儼如荒島。有留守居民向《星島頭條》憶述當晚水浸時猶有餘悸，表示「一晚浸咗5次，我要不停舀水倒出出面，要啲水鬥快呀」。
記者今日到訪大浪灣村，見到有村民外出購置糧食或收拾家園，居於河道旁的村民吳太表示，自己的住所每逢大雨都一定水浸，故一早已預備防水板，但周四當晚雨勢非常強勁，暴雨發生僅半小時，水位已升至門口壆位，隨即在門口位置加裝半米高的防水板，可惜仍不敵來勢洶洶的雨水，「啲水係咁湧入嚟，最高去到雪櫃底，真係嚟得好急，好突然，室外啲水仲嚟到窗邊附近，唯有不停舀水倒出出面，要啲水鬥快，唔想啲水浸到我啲嘢呀」。
吳太指當晚住所共水浸5次，全家要不停舀水，整夜未眠，而屋外亦汪洋一片，水位由河道起計一度升至3米高，道路亦變成湍急河流，未能立即撤離。事隔數天，吳太指家中部份傢俱已被浸爛，幸電器未有損毀，目前她正忙於家中收拾，希望當局可以改善內渠務工程。
---
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應