中年好聲音2丨黑馬劉可12年前表演片曝光！表情誇張哭腔驚人 屢參加比賽曾擁圓潤樣？
2023-11-23 10:00 
TVB節目《中年好聲音2 》周日（26 日）晚播出《廿四強導師分組賽！致敬傳奇巨星！》，今集找來韋綺姍、彭家麗和谷婭溦擔任星級導師。三位導師「揀蟀」時表現肉緊，爭搶三大熱門劉可、顏米羔和安雅希，現年36歲的劉可狀態越戰越解勇，隨時以「黑馬」姿態跑出！由於劉可越來越多人認識，連他的社交網都有更多人關注，近日一條劉可12年前表演片曝光，引起網民討論。
【相關閱讀】：中年好聲音2 丨李蕙敏久休復出任評審星味依舊 大熱劉可搣甩哭腔竟遭伍仲衡狠批？
【點擊睇《中年好聲音2 》劉可舊照 】：
現年36歲、報稱是自由工作者的劉可，根據他的facebook分享的照片可見，劉可從10多年前已開始參加歌唱比賽。而劉可亦不時到處演唱，而且似乎有固定拍檔。近日有與《中年好聲音2》相關的facebook群組轉發了劉可12年前在尖沙嘴星光大道演唱的影片，翻查可見影片是12年前劉可於自己facebook發布的。影片中可見，劉可與男拍檔連唱幾首歌，其中演唱李泉的歌曲，個人風格已漸漸成形，已有不少誇張表情及台風，例如會唱得特別用力及有不少拉咪的大動作，而且當時唱歌已有不少哭腔，不過可聽得出當時劉可唱功已經好驚人。
劉可愛分享音樂
另外，劉可亦分享過2010年參加比賽的照片，可見當時樣子跟現時幾乎沒有差別，不過比現時圓潤一些。劉可facebook未見有很多貼文，多年來亦不常分享照片，可見生活非常低調，亦沒有打算以社交平台作自我宣傳，而劉可分享得最多的當然是不同歌手的歌曲，多年前劉可就曾分享過新加坡天王林俊杰的歌曲，大讚他唱歌好聽而且有才華。
劉可玩《中年好聲音2》識朋友
有留意《中年好聲音2》的觀眾可能都會覺得劉可性格有些特別，而且待人處事直來直往。而觀察劉可facebook亦未見跟朋友有太多互動，大部份貼文都未見有人Like及回覆，似乎私下生活圈子很窄。這次劉可走出舒適圈，參加非一般的歌唱比賽《中年好聲音2》，不再只是上台唱一兩首歌分勝負，而是要團體合作，與其他參賽者交流，估計劉可亦因此認識到更多朋友。未知是否因而可見劉可近來在facebook都變得活躍，分享不少在TVB內拍的照片，以及與其他《中年好聲音2》參賽者的合照，可見更加外向。
【點擊睇劉可TVB內狂集郵打卡】：
劉可曾被陳慧嫻指唱歌似飲醉
第二集女歌男唱挑戰莫文蔚的《他不愛我》，當時憑獨特的哭腔唱功，贏得評審一致好評，成為第一位五燈選手，不過劉可性格比較含蓄兼帶點搞怪，當時得到5燈後，劉可即皺着眉解釋：「因為前幾日感冒，又有啲咳……」搞到肥媽忍不住激動彈起身說：「你而家咩意思，俾成5盞燈你，你話自己狀態好差？」反而伍仲衡讚他有性格：「我幾鍾意佢，咁樣先係Artist！」陳慧嫻亦笑稱：「我覺得你好似飲醉！」作為評判心選之一劉可，其後選唱《我》，其誇張表情兼獨特唱腔已經成為賣點，再度冧莊成為5燈歌手，迅即被外界視為黑馬，隨時有機會跑出！雖然在《廿六強勁歌金曲淘汰賽！》上，劉可揀選了Beyond 《光輝歲月》，本來他一心嘗試搣甩哭腔，殊不知惟出名奄尖的伍仲衡竟然唔BUY：「感覺到你特登搣甩啲嘢，但好似變到唔識唱歌咁，一少咗就唔係你！」李蕙敏更直指劉可揀錯歌：「有啲歌唔係咁容易Carry，有Beyond 珠玉在前，你參賽用呢隻歌就要唱得更好！」
劉可再獻新猷挑戰歌劇式唱腔
不過劉可依然有叫座力，在本周日（26 日）晚播出的一集，三位導師「揀蟀」時表現肉緊，爭搶三大熱門劉可、顏米羔和安雅希，最後由彭家麗成功爭贏並說：「越靜嘅人，裏面越多嘢畀人發掘。」谷婭溦則揀了顏米羔：「我嚟呢度就係想要冠軍！」韋綺姍則選了安雅希：「你跟住我一定係冠軍。」本回合主題是「致敬傳奇巨星」，劉可揀選了《明日天涯》，獻唱時劉可再獻新猷，挑戰歌劇式唱腔，大晒強勁震音，就如莫華倫上身一般，結果張佳添笑言：「你呢隻係 Phantom of the Roman Roman（羅文英文名）。」肥媽亦大讚好正：「可能會有人覺得佢嘅唱法、震音係古老咗啲，但佢將呢首歌嘅澎湃唱到出嚟。」伍仲衡則持相反意見：「你係咪好想跳出你嘅comfort zone zone？如果你係開演唱會，我會非常AppreciateAppreciate，但呢個係一個比賽，我係覺得好嘈，唔好意思。」
【其他文章】：
中年好聲音2 丨周國豐參加《新秀》陳年片翻hit！樣貌激似敖嘉年 與前TVB小生同台合唱
中年好聲音2 丨安雅希原來係冠軍級人馬！陳年唱歌相激罕曝光與鄭欣宜撞樣
中年好聲音2丨陳蒨葶慶38歲生日晒家庭照！省鏡妹妹曝光同樣愛跳唱 仲拍過廣告
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應