獨家丨Miko拍澳門遊全方位狂晒32C巨胸「A貨」靠冧仔招狙擊跌Watt林明禎

2023-11-25 07:00

34E「大馬女神」林明禎深受香港客戶歡迎，超多廣告，不過，女神爆紅後玩「封咪」，另外，最近出席馬場活動時，可能工作太忙缺乏休息，網民留言指她輕度走樣又過份錫身。同時間，29歲「A貨林明禎」Miko(黃潔琪)校啱時間全力搶攻，喺主持的HOY TV澳門旅遊節目中，全方位狂晒32C「大包米」，又以甜蜜男友視角冧死男觀眾，林明禎好危喎。採訪：方騫平

節目中Miko全方位狂晒身材。

有32C巨胸及42吋長腿。

晒白滑香肩。

上圍激凸配襯小蠻腰。

此行自備3套泳衣。

林明禎被網民批評樣同身材都跌Watt。

34E「大馬女神」林明禎爆紅後玩「封咪」。

由Miko主持的旅遊節目《大馬女神Miko遊澳門》，於本周一開始在HOY TV 77台播映，節目中除品嚐地道美食，仲會介紹激罕葡式旅遊體驗。節目中，Miko加碼派福利，自備3套泳衣拍攝，尤以穿啡色泳衣浸Spa，渾圓上圍睇到心心眼。至於着白色運動小背心更離譜，彎身舉啞鈴時，超巨上圍無所遁形，「大包米」身型真係好有記憶點！仲未完呀，Miko仲會着住低胸吊帶睡衣，對住鏡頭講：「錫晒你！」巴打們，頂唔頂得順?

Miko着Deep V泳衣浸浴時，渾圓上圍好養眼。

林明禎有演濕身誘惑。

Miko着運動小背心舉啞鈴，拋出「大包米」。

難以抵抗的吸引力。

彎身做運動。

着吊帶睡裙上演誘惑床戲。

Miko仲有性感瞓覺Look任睇。

穿一件頭泳衣玩刺激遊戲。

被渣男夾埋「小三」欺騙
Miko眼中嘅林明禎好靚及可愛，兩人各有各好：「都係大馬人要支持吓同鄉，而且同樣好努力，好難去比較，可能我思路比較奇奇怪怪，會瘋狂一啲，性格上玩得較放；至於明禎有鄰家女孩，女朋友feel。」對於節目中Miko以甜蜜男友視角出發，穿梭澳門大街小巷，她透露也曾遇過渣男：「最經典係俾我發現男友嘅曖昧信息，但佢仍辯稱『小三』只係好朋友，後來才知道兩人夾計呃我，個女仔原來仲有男朋友，最後忍痛分手。」Miko經驗之談，初相識時難分辨係咪渣男，真係要睇耐啲，另外面對花弗男，她唔建議去馬避免中伏。