獨家丨李幸倪 林奕匡 廖子妤揭童年過癮秘史 為Sell配音動畫笑談溫馨手足情

李幸倪（Gin）和林奕匡（Phil）第3度為動畫《魔法精靈》配音，今集《魔法精靈：夾band天團》還有聲演初哥的廖子妤（Fish）加入。電影以兄弟姊妹情做主題，戲如人生，Gin便獲家姐來港陪做訪問； 而Phil就好記得可以講一世的哥哥暖心舉動；童年Fish就愛憞起家姐款管教兩個妹，三人講起溫馨家事就停唔到。採訪：杜杜 攝影：Stanley髮型:@angus1030@artifylab(Gin)、kenki lau(Phil)、Cedric Tsang(Fish) 化妝:Chi Chi Li(Gin)、carmenC(Phil)、Angel Mok(Fish) 場地:紅磡黃埔天地

Gin、Phil和Fish分開錄音，所以感覺唔似合作，他們希望將來有機會正式合作。

Gin和Phil第3次為《魔法精靈》系列配音，熱身一陣就上手。

Gin第3度聲演「寶寶公主」，最開心跟角色一齊成長，「唔知仲有冇機會幫佢配音，已覺得好圓滿，角色每集都有唔同，今集佢大個女同阿班拍拖，下集可能講佢結婚生仔。」而第3次為「阿班」配音的Phill就要熱身，「記得第1集要錄幾日，因為唔合格仲要重新錄過頭嗰段，第2集已經唔使補錄，到今次因為隔咗幾年，角色情緒又比較高漲，需要用半個鐘熱身，我平時比較溫柔嘛！哈哈！」

Gin聲演「寶寶公主」。

「寶寶公主」

Phil聲演「阿班」。

Phil聲演「阿班」。

Fish聲演「花花」。

「花花」

 Gin有家姐陪做訪問

首加入《魔法》的Fish亦好緊張，因她只幫過自己演出配音，第1次聲演動畫人物，加上擔心帶有馬來西亞口音，「知道原來我係做Gin家姐，咁就啱嘞！哈哈！我最鍾意成個配音過程，最後配啲情緒嘅聲，可以隨感覺咁嗌，好好玩呀！」聲演新角色「花花」的Fish，鍾意這個精靈家族好有愛，「佢哋生活好簡單，就係剪剪貼貼，鍾意啲閃令令嘅嘢，仲有唱歌、跳舞，又冇紛爭，好鍾意呢個世界觀，最重要世界和平。」

「寶寶」和「阿班」大個晒，仲學人拍拖！

「寶寶」一直恨有家姐，終於有「花花」出現一齊玩。

電影以手足情為主，3人好有共鳴。Gin戲裏戲外都有個家姐，角色令她想起很多童年回憶，「我家姐都係cool cool哋，我哋細個都係鍾意一齊剪剪貼貼。」Gin兩姊妹年紀相差大，所以關係亦分幾個階段，「細個佢放學返嚟第一時間搵我抱抱，到我上小學佢讀中學就有啲尷尬，佢反叛期有自己圈子，到再大啲10幾20歲，又close返，一齊買衫、化妝。」雖然近10年她來港發展，但無損姊妹情，每日都會傳訊息或者FaceTime。其實Gin姐姐近日來港探望她，還陪她做訪問，但因怕醜不願上鏡。

Gin感激家人一直支持她追夢，2018年更擔任其演唱會嘉賓。

Gin每日都會跟家人視像通話。

感激家人撐來港追夢

Phil亦跟角色一樣，同樣有哥哥，不單感情好，哥哥亦是他的榜樣，「無論讀書、做嘢，我超越唔到佢。」行開溫文路線的Phil，原來細個相當百厭，經常整爛哥哥嘅玩具，「哥哥成日笑我，無論玩具定鞋，都容易爛過人，哈哈！」年前他終於補償哥哥，「有個日本嘅玩具喺美國賣斷巿，佢見香港有得買，就問我可唔可以幫佢買，之後我唔肯收佢錢，我話『係補償我咁多年整爛你啲嘢』哈哈！」兩兄弟細個可能會有爭執，但長大後Phil發覺哥哥好錫佢，「佢由埠仔搬到溫哥華讀大學，知道我好鍾意某個歌手，買CD送畀我做聖誕禮物，嗰時啱啱可以將CD放入電腦、MP3，但佢都冇拆隻CD聽住先，佢話知道拆CD嗰個動作好喜悅，所以留返畀我，呢個可以記一世。」

Phil跟哥哥唔止感情好，仲好似樣。

Phil的父母住在加拿大，但感情不變。

Fish跟角色都是家姐，細個會跟角色一樣愛憞起家姐款，「想保護兩個妹，扮到好強勢，話呢條路唔行得，一定會撞板，就管多咗，譬如佢哋着衫同埋言行，其實自己都做得唔好。」Fish稱現在跟兩個妹如朋友相處，「唔係一齊住，比較少見，會好珍惜相處時間，同埋佢哋都結咗婚，好似得返我係細路女咁。」

童年Fish（左）最鍾意管住妹妹。

上月Fish返家鄉，喊住跟大妹送二妹出嫁。

3人都是離鄉別井來港追夢，強調家人的支持很重要。Gin說：「如果當初佢哋反對，都未必可以行到落去。」Phil好認同，「哥哥讀到博士，跟住去做科學家，一切都好穩定，我先可以任性，如果我係阿哥一定做唔到，所以我好幸運。」Fish亦好同意，「唔係一定要拉晒大隊，我屋企就係默默地支持，自己好蠢，𠵱家先意識到最強後盾，無條件嘅愛，無論我做得好唔好，佢哋都會喺度，嗰種感覺令我好安心。」

Gin、Phil和Fish分開錄音，所以感覺唔似合作，他們希望將來有機會正式合作。

《星島頭條》新網站有更多精彩內容：http://www.stheadline.com/