林芊妤Coffee自爆係悶彈與老公房事冇驚喜 遲遲未有第二胎：要檢討下！
2023-12-17 14:45 
有「瑜伽達人」之稱的34歲林芊妤（Coffee），在2018年與拍拖3年澳洲籍馬來西亞華人翟志榮結婚並育有一子翟德彥（伯伯），一家三口生活幸福美滿，不過林芊妤在2021年於社交平台留言：「剛發現懷孕就自然流產了。」日前林芊妤接受楊詩敏（蝦頭）及練美娟主持的YouTube節目《絲打圍爐》訪問，林芊妤自爆老公的房事比較悶，可能因為這原因而再懷孕。
【相關閱讀】：林芊妤Coffee外傭因財務問題遭追數 老公收電話被逼炒人：已經幫咗好多次
【點擊睇林芊妤一家三口生活】：
在節目上，楊詩敏和練美娟最初林芊妤討論減肥之道，最初林芊妤說：「減肥呢條路係永遠嘅，但係一開始係會有好辛苦嘅階段，但呢個階段其實可以攤長嚟做，越長時間減，反彈機會係越細，慢慢減變成習慣。之前我一日教九個鐘瑜伽，再加上周末又鍾意去行山跑步，生活係健康嘅。自從生咗仔之後，又有瑜伽服生意，運動的確係少咗，因為冇再教瑜伽，我又唔捨得個仔，咪將事業放喺網上，所以做運動起碼少一半，但而家維持身形就一星期大約兩至三日，每次一至兩個鐘就足夠，已經可以keep住。」
其後楊詩敏追問林芊妤如何收緊私處的肌肉，林芊妤坦言有不少學生追問：「通常女生問我，有冇得可以緊啲，因為生完仔，順產畀個BB撐大咗，有時會漏尿失禁，或者跳兩下就滲尿。其實你而家都做到，即係好似你有高潮，你會收縮一下呀嘛，死喇，對唔住，我係咪講太多？」林芊妤改口說：「即係好似急尿要忍住唔畀佢屙出嚟咁！收緊收緊！」
【點擊睇Coffee林芊妤晒身材】：
接着練美娟再問瑜伽對房事有否幫助？林芊妤直言：「我老公都比較悶，我哋兩個都比較悶，真係唔會新奇有趣答案，每次都一樣，就算Playback都係一樣。好多人以為我好Wild（野性），但我真係唔係，我唔係扮玉女，但係我真係唔係好有性需要，我同老公都唔係好癲嗰啲。聽朋友分享覺得佢哋真係好密，但我哋真係唔係，因為大家都忙，嗰方面大家都悶，都係咁樣做呢件事，冇乜新奇刺激動作。」林芊妤又稱：「我知點解我仲未有第二個，就係呢個原因，要檢討下！」林芊妤入行多年遇過不少挫折，但她坦言得到網民支持，令自己有美夢成真的一日：「我親身經歷過。我諗成個香港都知，我都曾經經歷一段好難過嘅時間，好多人唔明，但親身經歷過，我身體侵襲我，當時自身免疫力打我自己，有硬皮症又有甲亢，不停由啲病入侵我身體，我知道係因為我情緒。」
【其他文章】：
34歲Coffee林芊妤濕身泳裝美臀現形 收起豐滿上圍照吸Like
Coffee林芊妤34歲生日老公囝囝送環保蛋糕紙製手槍 發長文怨感到麻木要改變
Coffee林芊妤撇低老公遊布吉晒比堅尼 玩浮潛白滑美腿竟然走晒樣？
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應