健碩男旺角疑揼霸王骨 電子支付無按「確認」走數1200元 後續更無賴......｜Juicy叮
2024-01-07 08:16 
一名健碩男子早前光顧旺角道一間按摩店，享受2 part泰式按摩加4 part推油後，聲稱使用電子支付找數，最終卻無按確認鍵，懷疑共走數1200元。
事件鬧大後，健碩男還款500元，懷疑仍欠700元費用；又由於對事件曝光「覺得好醜」，健碩男要求樓主刪走在facebook上的帖文，卻被正義的網民反問「叫人del post（刪走帖文）但唔畀錢係咩玩法......」。
健碩男疑揼霸王骨走數1200元事件逐張睇↓↓↓↓
樓主日前在facebook專頁「大埔 TAI PO」上載店鋪的天眼截圖，發長文講述事件。由於事發於旺角，樓主先表示「抱歉唔關大埔事，不過各區按摩店都要小心」，接著講述事件詳情↓↓↓↓
網民：辛苦錢都呃
網民均不齒健碩男的惡行，因按摩「辛苦錢都呃！賤格！」、「呢啲正Ｘ街，按摩師辛苦按完唔畀錢！」、「揼完骨唔畀錢正垃圾！」、「咁大隻，人哋推得咁辛苦」、「total（總共）6 part 按死人咩，仲要唔畀錢」、「4 part 推油？？？幫佢按完手都癈埋，仲要咁賤唔畀錢！？」。
健碩男疑揼霸王骨走數1200元事件逐張睇↓↓↓↓＋ 網民咬牙切齒回應↓↓↓↓
網民：唔好畀啲惡霸得戚
網民認為應報警將他繩之於法，指「報警啦」，形容對方「真係cheap（賤）到爆，唔好放過佢！！」、「咁大個人揼骨唔畀錢，仲好意思叫人del post」、「呢啲人渣」、「可能佢都估唔到影咗佢手機no.（號碼）同全名」、「希望快快追回損失，唔好畀啲惡霸得戚」。
健碩男疑揼霸王骨走數1200元事件逐張睇↓↓↓↓＋ 網民咬牙切齒回應↓↓↓↓
網民：老闆娘親身訴苦
有人更在回應欄上爆料，指「啱啱上完去按，聽老闆娘親身訴苦，話依家追到$500，條友話無錢仲拖住$700，真係存心揼霸王骨」。
事件獲不少轉載，在其他fb網頁回應的網民強調，「我畀電子支付慌死對方唔知，一味問佢收到未，一日未得我一日都唔走，即使喺大陸都係咁，啲收銀覺得我好煩」；另有人指「人渣。做小生意嘅朋友小心」、「叫人del post但唔畀錢係咩玩法......」。
健碩男疑揼霸王骨走數1200元事件逐張睇↓↓↓↓＋ 網民咬牙切齒回應↓↓↓↓
「霸王」相關新聞：
港女搭霸王的突「胸圍取錢」 之後舉動更離譜 網民：司機都算忍得
炫富港女搭「霸王的」 扮哭大鬧：我每個月搭萬幾蚊的士...
聲淚俱下扮趕見父最後一面的哥心軟被走數
疑似智障童搭「霸王的」大暴走 司機追截「郁手」惹議 小童倒地最後咁處理
青年疑搭霸王車 輕鐵職員：同你搵咗差人嚟啦
大媽港鐵「跳閘」糾纏休班警超騎呢原因搭霸王車嚇窒網民
慈雲山大媽搭「霸王的」大暴走四處攔車屈司機：佢打劫我！網民揭更爆前科
----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
最新回應