伍仲衡結婚｜自創曲《新郎歌》冧妻寫埋一男星入歌天王拍片送祝福：光頭到老

2024-01-07 19:00

現年50歲的《中年好聲音》評判兼音樂人伍仲衡（伍Sir）昨日（6日）迎娶PR女友Ida（徐麗芬），晚上假嘉里酒店筵開超過50席大宴親朋，一眾星級賓客陸續於社交網公開婚禮合照，伍仲衡方面今日（7日）亦向傳媒發布部份花絮及獻唱冧歌片段。

伍仲衡夫婦相識經過係點？

伍仲衡昨日（6日）迎娶PR女友Ida（徐麗芬）。

伍仲衡更錫太太的臉，大方放閃。

在伍仲衡與太太Ida進行註冊儀式前，伍仲衡唱出張國榮歌曲《今生今世》。

一對新人在交換戒指後，台下即時起哄要求新人咀嘴。

伍仲衡又笑指，有好東西先給予太太吃。

伍仲衡自彈自唱為太太Ida創作的歌曲《新郎歌》。

當中歌詞提及二人相識經過。

譬如「尚記得，當初我Add佢Facebook傾偈，想約佢晚餐，佢話不出夜街，冇相干，佢遲早屬於我」、「還記得與妳約會，還記得拖妳的手背，其實我心裏面好想妳做我女人」等歌詞。

大熒幕中更顯示二人當年的短信對話截圖。

不過字幕有錯字。

連好友吳業坤都成為歌詞部份之一，相信他本人都好意外。

不過口語化的廣東話詞卻略帶「教會歌」Feel，似乎有點生硬不夠押韻。

好在伍仲衡情感豐富獻唱搭救，一樣冧到Ida暈得一陣陣。

雖然「校長」譚詠麟昨日（6日）未能親身到賀，但仍預先拍攝一段祝賀片送給一對新人：「喺度祝佢兩個唔單止白頭到老，係光頭到老，婚後生活甜甜蜜蜜。」

語畢「校長」譚詠麟即唱出首本名曲《愛是這樣甜》，「期望每朝早起身一吻紅的臉，共回味情夢最甜，新鮮早餐奉獻」。

一對新人進場前播放的成長片段亦於網上流出。

其中不乏二人與名人巨星的昔日合照。

還有一對新人的甜蜜回憶。

最後是伍仲衡在音樂會當中求婚片段。

伍仲衡曾在網上節目《絲打圍爐》公開追求女友經過。

伍仲衡指，當年女友Ida帶住藝人宣傳，已覺得對方靚過一班藝人。

後來打聽之下獲悉女友Ida名字，伍仲衡繼而於社交網向對方提出邀請。

伍仲衡與女友Ida本是網友關係，疫情期間他藉故找對方安排藝人一起做Live。

直到兩年多前，伍仲衡終於放膽主動約Ida出街，不過對方竟「擺高姿態」帶埋男友人一起食Lunch。

伍仲衡自爆，後來一次與Ida、吳業坤一起食晚飯，當時仍曖昧中的二人已於枱底秘密拖手仔，之後更在廁所門口攬啜，成功得米！

伍仲衡昨晚婚宴如同小型音樂會，一眾藝人曾志偉、陳曉東、蕭正楠及《中年好聲音》參賽者紛紛上台獻唱之餘，新郎伍仲衡亦有自彈自唱為太太Ida創作的歌曲《新郎歌》，當中歌詞提及二人相識經過：「尚記得，當初我Add佢Facebook傾偈，想約佢晚餐，佢話不出夜街，冇相干，佢遲早屬於我」、「還記得與妳約會，還記得拖妳的手背，其實我心裏面好想妳做我女人」等，熒幕中更顯示兩人當年的短信對話截圖，真係隔住個Mon都閃到盲。不過，口語化的廣東話詞卻略帶「教會歌」Feel，似乎有點生硬不夠押韻，好在伍仲衡情感豐富獻唱搭救，一樣冧到Ida暈得一陣陣。

伍仲衡獲偶像譚詠麟獻唱祝賀

雖然「校長」譚詠麟昨日未能親身到賀，但仍預先拍攝一段祝賀片送給一對新人，今晨伍仲衡將短片上載Facebook，並答謝這位超級偶像：「一位真正令人尊敬的巨星，我真係冇揀錯偶像。」片中所見，譚詠麟首先爆笑祝福二人：「喺度祝佢兩個唔單止白頭到老，係光頭到老，婚後生活甜甜蜜蜜。」語畢即唱出首本名曲《愛是這樣甜》，「期望每朝早起身一吻紅的臉，共回味情夢最甜，新鮮早餐奉獻」。此外，一對新人進場前播放的成長片段亦於網上流出，其中不乏二人甜蜜合照，以及與名人巨星的昔日合照。