月入6萬中年IT男失業 一家之主愁坐食山崩 網民心酸集氣指點生路｜Juicy叮
2024-01-12 08:04 
人到中年有不少煩惱，失業可能是其中之一，尤其是有家室之人，一家幾口等開飯，家庭經濟支柱壓力山大。
一名之前月入6萬元的IT manager（資訊科技經理）懷疑因為失業多時，在網上發長文自怨自艾，憂一家人坐食山崩，但也坦言無勇氣放下身段做保安、侍應等前線工作，做人迷失了方向，「每日都係上求職網、發CV、等電話......無間地獄般不斷重複」。網民對此感到心酸，窩心地加油大力鼓勵，還熱心根據自身經驗為樓主指點生路↓↓↓↓
中年IT男失業搵工難發長文自怨自艾逐張睇↓↓↓↓
中年IT男失業搵工難 網民心酸回應逐張睇↓↓↓↓
明白了樓主背景後，知道搵食艱難的網民紛窩心地關懷加以鼓勵，施展渾身解數建議各式可行的生路，希望樓主早日搵到新飯碗糊口和擔起頭家↓↓↓↓
中年IT男失業搵工難 網民心酸回應↓↓↓↓
回應的不少網民均勸樓主放下身段，有人苦口婆心開解：
•每個搵唔到工嘅IT人都會諗自己係咪同個market（市場）脫咗節。講真有幾多人咁無敵真係pickup（掌握）晒所有skill（技能）？......有時真係睇彩數遇唔遇到工。好彩嘅廢柴都可以泊到好碼頭。不過有頭家可能搵返supervisor（監督）或者一般senior（高級）會易搵啲，60K真係難搵，搵返35K已經唔錯。
•唔知你層樓供完未。如果供完，子女又仲讀緊書嘅，咁好簡單。賣咗層樓直接去搞移民。你想搵返60K，基本上無可能。要你搵30K嘅工，你心理都唔會平衡到，最大問題係，都無人肯請件50歲做junior（初級）位。咁不如當為咗你嘅子女嘅前途，去外國從新出發。去到外國，你就唔介意轉行由低做起㗎嘞。相信你嘅子女將來會多謝你。
•麥噹噹、7仔等， why not try（為何不嘗試）？當兼職做住先都得，跟住報再培訓。其實做咩工都唔係人生終點，最重要係keep move on（繼續前行），就算畀你一路順風順水做打工皇帝，都有退休嘅一日，都有可能面對坐食山崩嘅情況， 只不過係來得畀你想像中早。
網民苦口婆心回應逐張睇↓↓↓↓
•覺得你就算苦讀進修，好難追30歲年青人，就算追到！現代好多都唔使經驗，唔睇你做過咩大公司，只要你識！無工作經驗嘅一定平過你，識又同你差唔多「白紙就算要教都易啲」......可能「經驗」成為負累，但年齡又無可能當新人。勸你盡快搵一份工先， 膠著期可以好耐。我自己諗住3幾個月可以搵工，點知都用咗幾年搵工，最後依家揸咗的士。
•路過。雖然只能夠說聲加油，保持正面......如果要養家，馬死落地行。唔好睇死某啲行業，只要敬業樂業心態就得。例如講都唔信，有老友好勤力嘅30幾歲人，月薪大約3萬零蚊，佢1個月有10幾日假，空閒時間大約攞10日出嚟揸的士，每日營業收入最少2000幾甚至乎4000都有，只要肯放下身段，唔會餓親你。
•老實講你已經好厲害，至少勇氣可嘉！不停send CV，又試其他嘢，講就輕鬆，要轉行，仲要年紀唔細，真係一啲都唔容易！除咗加油，你自己真係要放鬆啲，面對現實唔容易；但冇病冇痛，子女又已經大個，叫做已經比其他人好了。希望你好快搵到工，做住先，衷心祝福你！
另外，有網民在回應欄問樓主「係咪post（發帖）過連登」，又見同一篇文章於2023年9月曾在「香港討論區」見過。至於帖文下「我是一個MSc in IT 畢業生畢業了很多年了經歷過科網年代」的回應更一早於網上流傳。
本港失業率維持2.9% 逾11.24萬人無工開
政府統計處2023年12月19日公布，2023年9月至11月經季節性調整的失業率為2.9%，與2023年8月至10月數字相同；就業不足率也維持在1%。
總就業人數減少約4700人至3708700人，總勞動人口也減少約8100人至3821100人。失業人數減少約3400人至112400人，就業不足人數為36600人，與8月至10月的數字大致相若。
2023年9月至11月各個行業失業率普遍維持在低水平，與2023年8月至10月相比大多只有輕微變動。勞工及福利局局長孫玉菡當時表示，勞工市場短期內會維持緊絀。儘管仍然不利的外圍環境或會有一些負面影響，但訪港旅遊業和私人消費進一步復蘇會繼續支持勞工需求。
失業相關新聞：
中年失業男每日扮返工 寄履歷無回音「仲以為電話壞咗」
為照顧病妻轉工遇裁員致失業近1年 顧家港男食回頭草遭同事奚落
樹仁仔失業半年轉做清潔輕鬆袋14K 怕太留戀「舒適區」
懷孕港女驚悉男友失業7年依靠綜援 分手後憂變單親媽
瞞家人炒股遇股市暴跌 失業「扮工」港男輸身家淪負資產
----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
最新回應