74歲顏國樑驚爆再度入院昏迷數天！2年前自揭患癌聲音突變 最新近照曝光更憔悴？
2024-01-24 14:40 
曾於TVB經典處境劇《香港81》飾演「陳積」的顏國樑，在2022年罕有現身TVB台慶並自揭患上第三期鱗狀細胞癌導致聲帶失去低音，接受化療及免疫治療後，情況總算穩定下來！有一段日子未有現身的顏國樑，日前接受好友鄧英敏的YouTube頻道訪問，鏡頭前談笑風生的顏國樑，原來剛剛走出鬼門關！
相關文章：73歲顏國樑患癌治療進度曝光！ 估計治療花費近70萬 望康復再拍戲搵錢養老
「陳積」顏國樑最新近況曝光！
自從顏國樑自揭患上第三期鱗狀細胞癌後，一直積極對抗癌魔，他曾透露已3次踏入鬼門關，當中兩次幸得太太霍潔貞（貞姐）救回一命，一直專心養病的顏國樑未有再現身人前，日前顏國樑終再現身，接受好友鄧英敏的YouTube頻道訪問，鏡頭前談笑風生的顏國樑，昔日因為化療而導致頭髮全甩，現時已經長出一頭白髮，雖然臉色略見蒼白，看來憔悴不少，幸好仍中氣十足。但原來顏國樑剛剛又再走出鬼門關！鄧英敏在訪問上說：「你而家見到顏師傅佢龍精虎猛，好sharp醒，但其實佢喺呢個月嘅6號，已經入咗廠住咗半個月，啱啱先出院！」
顏國樑擰擰頭說：「變化真係好大，呢段時間入面，喺人生嚟講真係幾坎坷，當年後生30零、40歲叫做搵到啲鬆動錢，可以去見識吓，去揼骨仲有人幫埋沖涼洗頭兼換衫，嗰陣係唔識得欣賞呢啲。但人年紀老，呢樣就好重要，原來呢個時間服務你呢，你就覺得值錢！有個大醫生講過，如果70歲仲可以喺洗手間瀟洒走一回咁出嚟，真係要恭喜你！」他續說：「我喺鬼門關出入過幾次，嗰陣係唔覺，次次都係事後聽醫生講先知，有一次浸會留醫，醫生都話諗住我走唔返出去，後來又有幾次出現抖氣唔得，好辛苦。因為我裝咗個支架去協助呼吸，呢個手術唔做係有機會死，事後姑娘都話係好危險，只要3分鐘救你唔到，你就會死。」
顏國樑近況：
自此之後，顏國樑只要出現呼吸辛苦，便立即打999要求送院，想不到踏入2024年的頭半個月已經出事，顏國樑說：「嗰日係喉嚨有少少痕，細細力慢慢咳，忽然間就鎖住咗，如果冇吸氧氣就會窒息，好彩我隨身有支『吱吱』，再叫十字車，但係入到去就昏迷咗。原來我係昏迷咗幾日，如果我反應慢啲，冇咗喇！」鄧英敏形容顏國樑今次留醫了15日，經歷認真翻天覆地，顏國樑說：「頭幾日係全昏迷，我嘅氧份太多，令我產生咗幻覺，以前做戲睇劇本知道係幻覺，但發生咗係唔知，今次我剩係畀兩個大媽鬧，捉我又搣我，搞到我好辛苦，又鬧我好曳，成日走身郁，咁我咪郁手，好彩控制度，事後我太太話我知，可能係因為嗰啲儀器搞我唔舒服。」顏國樑又稱自己從來未試過想食嘢和飲水：「嗰種情況真係好慘！」
顏國樑還說：「好彩我有太極底，所以翻生得好快，有幾次都差啲走咗，可能上天仲有啲任務叫我做，經過呢半個月嘅地獄式生活，後生仔你唔知，好多時情況係每日都變好，但係我係唔知點，我而家除咗第一次嘅鱗狀細胞癌冇咗，但係喺另一個地方復發，仲有啲細細粒嘅走出嚟，跟住要做電療，點知中間又出現細菌，最少打7日抗生素，每日打3支，即係冇得瞓，出完院轉個頭覆完診又入院，醫生都話冇計，因為我抵抗力唔夠。我仲以為自己衛生唔夠，摸完銀紙同摸完狗又洗手，都唔知一日洗幾多次手。」
其他文章：
74歲顏國樑抗癌化療一度甩頭髮 北上被捕獲驚變白頭翁精神奕奕
顏國樑患鱗狀癌三期多次走出鬼門關 願做大體老師令生命更有意義
顏國樑去年受訪自爆長期飲酒致痾血尿幸沒患癌 自揭聲帶生瘤後網民湧舊片留言祝福
73歲顏國樑宣布將結婚 耗盡積蓄治癌取傷殘津貼感謝另一半照顧
----------------------------------
《區區有申訴》答問題送盆菜，現正進行利是公價問卷調查，編輯部會揀選最具創意的得奬者，送出價值$1698「新春佛跳牆盆菜」套餐或價值$198「五福臨門煲」︰ https://bit.ly/3Ucj7tg
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應