旁觀者丨王敏奕呻拍水底戲勁恐怖 新劇挑戰演「高敏症」女警

王敏奕（Venus）為TVB愛情懸疑劇《旁觀者》擔正做女主角，飾演一名天生「高敏感族」的女警，接二連三捲入離奇死亡事件，為此Venus事前都研究有關「高敏症」的書籍，原來症狀會情緒波動強烈，甚至乎對能量感好強等，就連有人不開心亦會感受得到，藉此幫助查案。 
文：鄺芷瑩 圖：朱偉彥

Venus說：「飾演媽媽的豹嫂（胡蓓蔚）帶我去檢查，發現有高敏症，就不斷想方法去幫助我，因為對聲音敏感又情緒好激動！劇中豹嫂係愛情狂，所以唔開心我就會感受到，呢個設定幾得意！我本身個人都幾敏感，可能自己都有啲高敏症，我對能量比較敏感，所以會保持正能量。」她表示今次角色可以憑兇案現場的物件或遺留下來的情緒，從而感受得到當時的情況，亦有追逐及打鬥戲，更未想過其中一場電梯戲竟搞到自己好驚：「因為高敏症，我會代入拍一啲案件，感受到一啲事發生而會演一次，好似有人被殺，我就好似被人殺一次！呢場戲講述我搭電梯，明明個老婆死咗，但個老公感受到老婆入電梯，我一路拍一路驚！」

王敏奕演戲很少問老公曾國祥意見。

老爺是TVB高層，王敏奕說所以要加倍勤力，以免有人閒話。

王敏奕在TVB有不少演出機會。

王敏奕。

今次Venus與周柏豪有感情線，她大讚首度合作的柏豪為人搞笑兼是暖男，經常照顧身邊人：「我個角色好沉重，所以拍喊戲前成日會唔出聲，拍完又唔出聲坐埋一邊！佢好驚我係咪真係唔開心，成日過來搞氣氛，咁我好感激佢嘅，其實我培養緊情緒，佢後來都知。」談到跟柏豪有場水底戲，本身是泳隊的Venus坦言得知柏豪有幽閉恐懼症，當時不清楚怎麽一回事，但拍攝時見對方好辛苦、顯得好驚，但仍很努力完成：「我都未潛過水，現場有潛水教練同我潛到水底，教我呼吸到咁上下就拿走所有器材，然後就開機拍攝，無氧氣樽喺水底係好恐怖的事。我唯一幫到（柏豪）係盡量顯得唔係好驚，係咁游來游去，到我搞返氣氛！」

胡蓓蔚在劇中飾演王敏奕的母親。

王敏奕在劇中有不少喊戲。

跟周柏豪有感情線，二人更要化老妝演出。

雖然老公曾國祥是演員兼導演，但Venus笑言演戲從來不會問對方意見，除非遇到想不通的問題，因自己也是有主見的演員，認為主理監製或導演有另一套想法，所以未必適合用到。提到老爺曾志偉現職為TVB高層，問到演出TVB劇可會有壓力？她笑說：「佢本身係一個好受尊重嘅前輩，大家同一公司時候，唔希望佢聽到任何關於我唔努力、唔畀心機或有麻煩事，所以我會做好自己，唔想麻煩到佢。（唔會有壓力？）壓力都係動力。」

Hair：Lupus Chui @orient4、Makeup：Kit Wong、Wardrobe：Sandro

 

《區區有申訴》答問題送盆菜，現正進行利是公價問卷調查，編輯部會揀選最具創意的得奬者，送出價值$1698「新春佛跳牆盆菜」套餐或價值$198「五福臨門煲」︰ https://bit.ly/3Ucj7tg

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ