8粒發財蒜頭盛惠68大元 網民𢲷頭：等佢發芽當水仙咁擺？｜Juicy叮
2024-02-04 11:19 
歲晚辦年貨，市面年貨品種無奇不有。有市民的眼球被攤擋售賣的「發財蒜頭」吸引過去；也有人在街市發現凸字版元寶形狀的賀歲「進寶」碌柚。
被「發財蒜頭」吸引的樓主昨日（3日）在facebook群組「香港茶餐廳及美食關注組」以「第一次見發財蒜頭，蒜頭唔係辟邪撞鬼咩？」為題上載相片。
發財蒜頭＋賀歲碌柚逐張睇↓↓↓↓＋ 網民眼突突回應↓↓↓↓
蒜頭穿紅色魚網裝
相中的蒜頭穿上紅色魚網裝，以紅繩把蒜頭及招財進寶金幣梅花間竹式串起一串，上結綵帶下綁流蘇財神，旁邊放有寫著「發財蒜頭 68元條」的標價紙皮。
發財蒜頭＋賀歲碌柚逐張睇↓↓↓↓＋ 網民眼突突回應↓↓↓↓
網民甫見這串新頴的意頭年貨，即發自內心地稱「呢個笑咗」、「唔係啩，咁有創意」、「有創意」，並估計「財神聞到都掉頭走啦！」。有人不忘回應樓主的「蒜頭唔係辟邪撞鬼咩？」提問，指「西方國家嘅吸血殭屍先至會驚」。
發財蒜頭＋賀歲碌柚逐張睇↓↓↓↓＋ 網民眼突突回應↓↓↓↓
網民：當佢水仙咁擺
另有人間清醒的網民在發問「其實蒜頭關發財咩事？」、「蒜頭同發財有咩關係？」。有人於是穿鑿附會地指「會發芽，取意頭發喇發喇！」、「可能發芽，啲人當佢水仙咁擺。又或者想自己發到好似蒜頭咁啩」，並進一步盤算「咁會唔會有『洋蔥水仙頭』賣（發芽洋蔥）？」。
熟行情網民：唔好中計呀
有熟知街市行情的網民則提醒「未發財已破財！蒜頭平均6至8元到！唔好中計呀！」，於是網民連隨發出「發財蒜頭」其實是檔主發財的呼聲，稱「賣嗰個咪發財囉」、「8粒蒜頭賣68元，店主唔慌唔發達」、「發財蒜頭，諗出嚟嗰個真係發財，8個68元，好過去搶」。
發財蒜頭＋賀歲碌柚逐張睇↓↓↓↓＋ 網民眼突突回應↓↓↓↓
有人更直言，「佢就真係發財喇，買嗰個一定有錢冇埞使！」、「6.8元定68元？知道點解要北上未」；但也有網民為「發財蒜頭」平反，指售價較高是因為「蒜頭都唔平呀！仲有手工費呢！」、「創作力量真係好值$」。
同場加映：凸字版賀歲「進寶碌柚」↓↓↓↓
另外，歲晚連碌柚也裝扮一番。有網民在將軍澳街市發現與「發財蒜頭」穿上同款紅色魚網裝和結上綵帶的賀歲「福字碌柚」，和凸字版元寶形狀的「進寶碌柚」，新春氣氛大滿。
農曆新年相關新聞：
拜年首次見未來奶奶 港女跪求送禮攻略 網民機警：要問清楚一件事......｜
保安員新春大豐收利是一字排開拆到手軟
港女送逾2000元禮物拜年 男友媽諷：個心意真係幾小喎
拜年遇「密碼春聯」網民齊解密 有人晒「呢款」竟無人想見
8歲表弟拜年擅入房偷利是 港女踢爆感驚訝
的哥新春化身「財神」開工 車廂內金光閃閃勁有氣氛
----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
最新回應