87歲《歡樂今宵》元老級主持脊髓神經受磨損 突然未能走路瞓足一年床
2024-02-12 10:00 
現年87歲的粵語片年代當紅小生、《歡樂今宵》元老級主持杜平，早於80年代初移民澳洲生活，疫情過後今年年初首次香港朋友們見面，杜平一頭黑髮兼皮光肉滑，Keep得非常好，但想不到早年杜平一度連行路都出現問題。
相關閱讀：87歲EYT元老杜平疫後首返港！宴請飯敍星光熠熠 胡楓羅蘭緋聞遭取笑心有靈犀
杜平一度連行路都出現問題？
杜平早前接受徒弟鄧英敏的網上節目《老友鬼鬼》的訪問，已經87歲的杜平身體依然十分壯健，說話時中氣十足，去年5月更在澳洲舉行結婚60周年宴，當時邀請了不少圈中好友出席，閒時又會出席慈善籌款活動，上月更返港設宴與一班圈中好友聚會！但想不到原來年多年前杜平的健康出現了問題，他說：「我曾經試過喺3年前，我嘅脊髓神經受過磨損，第四塊骨第五塊骨歪咗，差唔多一年都唔可以走路，要瞓喺張床上。」
杜平只能瞓梳化：好淒涼
杜平稱因他住在三層，搞到連房間不能上去，只能在客廳的沙發上睡：「好淒涼，試過食特效藥，食到個人天旋地轉，都唔係自己。我覺得咁樣唔係辦法，於是問我嘅細女，佢話我食呢啲藥唔得，不如食特效止痛藥，暫時止痛一下！」
杜平鑽石婚宴：
杜平又稱試過打了兩次嗎啡針，但瑪啡針不能夠打得多，半年只能打一支，打完之後不痛了兩三個星期，之後又痛了，幸好最後遇到一個好朋友：「佢介紹咗一個推拿嘅醫生畀我，係西醫，我去睇佢嘅時候都唔相信，佢有一個很小嘅機器，喺我嘅脊骨一直照下來，睇到第四頭骨歪咗。」接着杜平忍住痛每天被醫生推正：「真係好痛，痛到叫救命，又痛到喊，但係要忍住！」杜平每天去游泳，又或者在水裡走路，情況有好轉後去針灸：「針灸慢慢成功，慢慢可以自己行路，自己一個人拿著拐杖自己行，越痛我就越行，已經慢慢沒事了，但係都好小心，因為有時候行歪咗兩隻腳麻痺,，所以而家起身一定好慢，好小心。」
杜平受胡楓影響過養生生活
杜平亦稱受胡楓的影響，喝水運動走路，自己可以忍受多少、吃多少和喝多少，最重要不要勉強自己。他還說腦子一定要思想：「我嘅秘訣係一起床，就喺床上做十分鐘運動左右，還有一件事，由一數到一千，自己數，一二三四五六七八，唔數出聲，自己心想，一路用腦來數。」杜平在80年代初移民都澳洲生活，早年在當地搞地產生意，又試過籌辦梅艷芳演唱會，其後又開設餐館 ，瓣數多多，不過多年來與演藝圈的朋友依然保持聯絡，他試過做地產和美食廣場，不過失敗收場，最後在當地開日本鐵板餐，結果一做就了超過20年。
其他文章：
《歡樂今宵》元老杜平結婚60周年宴群星到賀 契女翁虹盛裝赴會貴氣十足
《歡樂今宵》元老杜平為家庭移澳多年慶祝鑽石婚 與溫兆倫翁虹上契教後輩做人
李龍基嫩口未婚妻製模型賀胡楓92歲生日 多次繪肖像畫贈前輩藝人深得歡心
--------------
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應