王浩信與太太陳自瑤劇接劇亙撐場 姚子羚接財神緊要識情人

TVB劇集《狀王之王》一眾演員王浩信、姚子羚、王子涵、陳楨怡等今日（15號）到社區送暖，與一眾有語言障礙的低收入家庭兒童合力玩「急口令」遊戲及唱歌，並大派禮物與眾同樂。王浩信和姚子羚均表示今次活動很有意義，因為跟語言障礙小朋友一起唱歌玩遊戲歡渡新春又可以宣傳劇集，雖然一班小朋友表示未有收看該劇，但沒有覺得受傷害，可能播映時間較為夜而未有收看。姚子羚笑言今次可能最後一次宣傳，希望有慶功。王浩信則笑謂應該會有慶功，因為收視比上星期上升0.1，已經好難得，並會繼續做宣傳谷收視。他這：「收到某個點，就會除嘢！（除乜？）除帽或再扮女人。」在旁的姚子羚大讚王浩信男扮女裝好靚，幸好對方並非女演員。王浩信坦言扮女人體驗到女演員被讚的快樂和辛酸，相比男演員化妝時間較長，在劇中的男扮女裝造型搞足兩個小時。

王浩信和姚子羚都跟家人渡過情人節。

王子涵有感情穩定男友，但不急於結婚。

張達明和林子聰除了是劇中演員外，更是劇集的監製和導演。

提到情人節，姚子羚表示很平淡渡過，與家人及愛犬在家中吃飯，並笑謂邀請愛犬上枱吃飯。問到可有收花？她說：「無呀！人大咗節日都係日子，唔覺好著重。情人節係初五迎財神，接財神緊要過情人節。」王浩信則謂過情人節很平淡，與前世情人囡囡吃飯，本身經常不在港，所以在港就會多陪囡囡。提到太太陳自瑤演出新劇《婚後事》緊接《狀王之王》播映，當笑指龍年都睇兩夫婦演出。王浩信笑說：「幫你哋開年！兩套劇唔同類型，佢嗰套都好難演，當年佢拍都搵我傾過點演，佢都有壓力，希望收視能夠承接我哋部劇收視。（會否捧場收睇？）睇下使唔使開工，唔使一定支持，好多朋友都有份參演。」談到囡囡與太太陳自瑤可有收睇《狀王之王》，王浩信表示有，又讚他扮女人靚，劇情好笑。

王浩信非常有耐性跟小朋友講解圖中意思。

一眾演員送上新年賀禮。

一眾演員都覺得今次宣傳到社區探訪非常有意義。

姚子羚向小朋友講解禮品袋中有什麼禮物。

王子涵早前在社交平台分享婚紗照又在該活動上大派利是。問到是否已結婚？王子涵否認已婚，只是影輯婚紗相，過往好多女藝人都會影，但承認與拍拖三年的男友感情穩定，若然有好消息會同大家公布，又指爸爸王晶思想開放，從不催促她結婚，最緊要她開心。問到爸爸是否不想她結婚？她笑說：「佢想盡快處理我！（爸爸唔想抱孫？）佢唔得閒，佢人生無一刻得閒，不過今年農曆年一齊喺香港過，畀機會我逗下利是，逗埋呢兩年啦！」提到情人節，她表示跟男友簡單吃飯慶祝，並笑謂例牌收花和禮物。問到是否退出娛樂圈已轉行，她笑言一向有秘撈，演藝工作也會繼續做，亦有幾部內地劇洽談中。

 

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ