專欄｜反劉華理論博熱拿亞贏「玻」

在電影《賭俠1999》裏面，劉德華曾經講過：「只有長莊、長閒、單跳或者雙跳先至可信。」

雖然我唔鍾意過大海玩兩手，但在投注足智彩的時候，仍然覺得呢句說話實在有其道理。有時候，一隊連勝之中的球隊，即使你眼見佢表現越來越差，符符碌碌又贏一場，但千萬不要博佢斷纜，去證明自己眼光如何獨到，否則可能追到你懷疑人生，萬劫不復都未追到。

而呢句對白之後，其實仲有一句，「一爆路就唔好再追。」亦值得參考，不少連勝或不敗球隊，一旦開始斷纜，甚少下場能即刻反彈，通常會連續再失分，今季阿仙奴不止一次長勝紀錄一斷後錄得連敗，曼城亦曾同樣接連失分；祖雲達斯超過4個月未輸過，被國米破金身後，再出輸多舖畀烏甸尼斯；拜仁同樣在聯賽輸畀利華古遜後，再在歐聯敗給拉素。這種現象，其實多年來都係咁，不用去思考為何，諗到都無用；而掉轉睇，若輸波後能立即反彈的球隊，就必定是好球隊。

唔信？我有時都唔信，拿玻里季內已3次連續兩場輸波，上場僅敗於AC米蘭腳下，今場返回主場對熱拿亞，後者8場不敗主場被終斷，但我偏偏博熱拿亞作客贏埋，就睇下劉華打我面定點？哼！馬高

-----

《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ