網民嚴選人夫最佳偷食藉口 綠帽港男反高潮自揭傷疤：老婆當年出軌係話ＸＸ｜Juicy叮
2024-02-17 08:02 
婚姻關係中另一半出軌往往防不勝防。有人妻打開天窗說亮話，早前在網上「香港討論區」直接查問「人夫你哋出去偷食通常用甚麼藉口欺騙老婆」。
網民也識相地交心回應，盤點出不同領域的20大偷食藉口；接著再有過來人現身說法，獻出前夫當年出軌常用的10大托詞。全部30項偷食藉口詳見下圖↓↓↓↓。有人還綜合意見，選出了偷食藉口的最佳答案......
有網民則看得通透，豁達地指「有外遇係佢命中注定，更好定力都會有」。而人妻樓主在回應時更放下彩蛋，竟自爆自己也曾偷食，且還獲人夫網民反高潮地自揭傷疤和應——「我老婆當年偷食，係話ＸＸ」......（詳情見下文↓↓↓↓）
網民盤點人夫偷食30大藉口逐張睇↓↓↓↓
疑似小三女網民教路：外出時配合造型和裝備
響應人妻樓主的「人夫你哋出去偷食通常用甚麼藉口欺騙老婆」呼喚，回應的網民坦言「通常都係話約咗朋友、同事食飯、飲酒、篤波、唱k（卡拉OK）嗰幾樣」、「就視乎另一半有幾易呃。行山、打牌、打golf（哥爾夫球）、陪老細......數之不盡啦！反而有啲可以生埋細路，老婆都唔知才是高手！」。
甚至有疑似小三女網民出面教路：「我之前識嘅人夫，有啲好蠢唔識呃老婆，搞到我忍唔住要教佢點樣氹老婆，始終佢同老婆關係好，先唔會阻礙到佢同我嘅關係」；續指「我覺得藉口人人不同，最好用日常有做嘅事，就令啲老婆懷疑減到最低，同乜乜食飯／OT（加班）／行山／釣魚，出去時要配合劇情，著／帶返配合當日嘅造型同裝備」。
過來人現身說法 大爆前夫出軌常用托詞↓↓↓↓
網民：間中用新品 藉口多樣化
另有網民提到「落街買雲吞麵」、「講落街買包煙，其實去食雲吞麵」，卻被質疑「落街買雲吞麵可以偷偷出咗2、3個鐘頭？老婆唔問？」。
其他網民則回應稱「呢個明係爛gag（笑話）。藉口個個都唔同，要夠時間唔畀人懷疑；要藉口所做嘅事係你嘅日常，仲要時間唔一定，同可長可短，如釣魚，間中都可以用啲新品，如有同學喺外國返嚟；要搵定人證同口供，要藉口多樣化......」。
人夫偷食藉口 網民通透回應↓↓↓↓
網民豪言：唔需要藉口 食晏放工夠時間
看過回應的網民一人一句偷食藉口，有人選出最佳答案，指「人人都係講OT，最佳答案」。
另有似乎睇化的網民豪言「唔需要藉口，食晏放工夠時間」，其至有人稱「以前後生嗰陣，話出差大陸、開夜之類。20年後而家老咗，直接了當話出去溝女，約咗朋友飲茶食飯」。
有看得通透的網民則指「有外遇係佢命中注定，更好定力都會有」。如此通透的回應引得人妻樓主發言：「你都寫得啱更好定力都會有，所以我從來沒有過問佢，識得返來屋企就得！
網民好奇：人妻方面有咩藉口↓↓↓↓
說過人夫，有網民好奇「哈哈，我都想知。人妻方面又有咩藉口呢？」
人妻樓主於是自爆：「我講先啦！其實都要睇下自己身邊嘅伴侶管唔管住你，每個人性格唔同，好似我老公咁，佢從來唔會管我......趁親佢返工咪出街，我都係試過一次啫」。接著竟有人夫網民和應——「我老婆當年偷食，係話OT」。
人夫偷食藉口逐張睇↓↓↓↓＋ 網民通透回應↓↓↓↓
夫妻關係相關新聞：
呷醋人妻疑丈夫愛上女傭 網民手把手教路 高招挽救夫妻感情
老公送工人姐姐千元鑽飾慶生人妻呷醋 網民一招解心結
自爆絕密資料 人妻：老公月畀1萬家用算好嗎？ 網民咁答.....
結婚廿年發現「老公出面有女人」 人妻瀕崩潰 網民咁開解......
發帖呻婚後愛情消失 新手人妻無奈總結：勝過獨行
人妻長文抒發結束16年婚姻 網民字裏行間分析婚變因由......
呻與夫平淡如水人妻發帖圍爐竟突然自爆曾有外遇......
夫妻情侶出街食飯全程唔講嘢 網民理性分析結論係......
人妻呻老公成日返大陸過夜 網民獻計圖一招封喉
一家之主慘遭家庭欺凌 網民陣腳大亂：月入6萬仲要受老婆仔女氣？
人妻想搬開唔同老爺奶奶住又怕兩老嬲 網民有計仔......
----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
最新回應