ToNick主音趙善恆晒黑圖自爆患抑鬱 壓力爆煲：我怕我真係會做傻事！
2024-02-19 15:02 
樂隊ToNick主音「恆仔」趙善恆今日（19日）凌晨時份突然在IG出了一個黑畫面的PO兼撰長文，趙善恆突然自爆有抑鬱病逾一年：「有啲嘢好想講，因為我怕我真係會做傻事‧。」
相關閱讀：小花譚杏藍突公開戀情被質疑一腳踏兩船 高大新歡曾向人氣性感KOL求婚
ToNick主音趙善恆晒黑圖自爆患抑鬱：
趙善恆去年2月宣布與拍拖10年的「小花」譚杏藍分手，到了4月患血癌的爸爸離世，在雙重打擊下，趙善恆人前人後表現堅強，愛上跑步的趙善恆，今年更報名出戰渣馬，雖然參賽前不小心弄傷腳，但他依然繼續，期間還因為報名時打錯字，由「趙善恆」變成「黐線恆」，他還說：「當做紀念，2024年開頭做咗件黐黐哋線嘅事，上年年尾真係好唔開心人生有啲Lost，講真係喺運動場同頑張跑嗰一刻個感覺扶一扶我，畀我知道世界好大，冇嘢捱唔過的，肯就得㗎喇，一步一步來啦！」在人前強扮堅強的趙善恆，終於「爆煲」，今日（19日）凌晨時份突然在IG出了一個黑畫面的PO兼撰長文，突然自爆有抑鬱病逾一年：「有啲嘢好想講，因為我怕我真係會做傻事。」
趙善恆稱只會講一次並不會再回應：「話說，啱先有個『朋友』走埋來同我打招呼，咁我客氣咁寒暄咗幾句就算，但同呢位『朋友』對話之後我發現，我真係頂唔順喇！其實我抑鬱咗一年，爭啲想走，感謝跑步真係救咗我好多。上年，我爸爸走咗，亦同一齊好多好多年嘅女朋友分手，分咗手之後，當每一個人關心問我點，佢哋都會不經意咁講一句：『原來你乜都唔知㗎？』然後我就會聽到一個新嘅人名，我身邊啲同事同埋朋友，之前佢哋唔講畀我聽，係唔想影響我，我仲好似一個小朋友咁樣，鍾意創作，想做好每一件事，又好想做啲好嘢出嚟。」
譚杏藍與新歡晒恩愛：
趙善恆續說：「作為幕前，又唔想引起不必要嘅風波，費事影響到啲project同客戶，咁就不斷隱瞞自己情緒，扮正常、繼續發放正能量。然後我用咗一年時間處理我嘅心情，我冇死到，其實已經好好彩，但我唔想再扮喇！我覺得夾band好開心、我覺得拍戲好開心、我而家都開始一段新嘅感情、而家係向建立一個好家庭方向出發、我淨係想好好地生活，做好我嘅工作，有一個好好嘅家庭，好好經營我嘅團隊。係咁多，好少打咁多字，但因為我發現我真係面對唔到呢個情緒！」他又說：「唔想工作唔到、生活唔到，唔想開始唔到一段健康嘅新關係，所以，最重要係，唔該咁多位關事嘅『朋友』，唔好再走過來同我打招呼，我唔會公開任何人名，只係想你哋知，我唔再係咩都唔知，而家我只想好好生活！」
趙善恆的留言一出，不少圈中好友先後留言，同樣受過情緒病困擾的周國賢亦回覆：「兄弟，我知道你喺呢段日子一定過得非常唔容易，我哋旁人亦冇辦法能夠明白你喺戰場上孤獨作戰嘅真正感受⋯但係你要相信你唔係自己一個，好多好錫你嘅人，都與你一起同行中！我認識嘅你一直都好勇敢、好善良同埋其實內裏非常勇敢，非常強壯！唔好放棄，我會陪你一齊行。Vivian Greene 的一句說話，有時候在我迷路時，會引領我走出情緒迷霧⋯
“Life isn\'t about waiting for the storm to pass, but learning how to dance in the rain.”我隨時也在，一直也會在！如果真係避唔到，咁我哋一齊捱！」阮小儀、盧巧音夫婦亦先後留言，Sammy先說：「歴練，be strong brother.」盧巧音亦說：「自己生自己的活，醒來就要好好面對，我哋兄弟姊妹喺度，得閒返頑張，出身汗笑餐飽，安多芬同多巴胺會幫你㗎啦，你要好好繼續行自己選擇嘅路。」
防止自殺求助熱線：
「情緒通」精神健康支援熱線：18111
香港撒瑪利亞防止自殺會： 2389 2222
生命熱線： 2382 0000
明愛向晴軒： 18288
社會福利署： 2343 2255
撒瑪利亞會熱線(多種語言)： 2896 0000
東華三院芷若園： 18281
醫管局精神健康專線： 2466 7350
賽馬會青少年情緒健康網上支援平台「Open 噏」：http://www.openup.hk
其他文章：
Chill Club頒獎禮2023丨ToNick奪獎主音趙善恆即多謝MIRROR：令頒獎禮無可奈何設樂隊獎
獨家丨岑珈其感激恆仔念舊乜都預佢 口水佬拍《和解》要封嘴超難頂
-----------------
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應