譚詠麟重提當年與張國榮傳不和原因 批歌迷唔生性：係會有啲尷尬
2024-03-17 20:00 
「校長」譚詠麟在80年代是樂壇天王巨星，當時與張國榮和梅艷芳鼎足而三，雄霸了整個樂壇！不過當時譚詠麟與張國榮兩派歌迷勢成水火，經常有兩派粉絲互鬥兼對罵的新聞，日前譚詠麟接受伍仲衡和周國豐主持的網上音樂節目《週五有周伍》，重提當年盛傳不和的原因！
相關閱讀：張國榮67歲冥壽摯愛唐鶴德凌晨貼合照 祝福「哥哥」生日快樂勾起回憶
譚詠麟與張國榮同台表演：
譚詠麟與張國榮私下是好友
譚詠麟與張國榮在80年代是殿堂級的巨星，不過兩人屢傳不和，連歌迷之間更是勢成水火，經常出現互罵，他說：「係歌迷唔生性，佢哋當咗嗰件事係真，總之好離譜，糾纏不清咁樣互相責罵，我同哥哥係好朋友，嗰陣我哋私下會拎番呢件事，會講呢啲笑！」張國榮曾在訪問上說：「如果fans鬧得太激烈，有陣時係會有啲尷尬，會覺得唔好意思，但其實我哋私下係冇嘢，唔會影響我哋嘅感情。」譚詠麟亦曾說：「佢哋（歌迷）唔會考慮任何因素，只要任何一句唔啱聽嘅說話，佢哋都會鬧餐飽，我覺得過份咗，當然我有試過畀佢哋噓，咪當自己時運高聽唔到。」
譚校長張國榮年輕舊照：
譚詠麟因一個原因宣布不再領取獎
譚詠麟當年獲獎無數，不過在1988年《第十屆十大中文金曲頒獎禮》上，他突然宣布不再領取音樂比賽的獎項，令全城震驚，譚詠麟這個決是反覆思量後作出決定：「嗰陣我冇同身邊嘅人商量過，只係臨出場前先同佢哋講，我覺得攞獎唔係代表一個人嘅榮耀，亦都代表住香港當年所有人嘅眼光，歌迷嘅心血同埋支持嘅力度，我覺得再多幾年都係咁，我覺得何必呢？不如留返啲機會畀努力付出嘅人。」譚詠麟又自爆一個決定性原因：「我喺紅館出席一個頒獎禮，打完招呼之後行返轉頭，聽到『又係佢擸晒啦。』我覺得咁樣好咩？頂級嘅歌手覺得有咁嘅情況發生，我覺得唔健康，不過最開心嘅係唔需要再理會獎項、市場和銷量，可以專注做自己鍾意嘅事。」
其他文章：
張國榮逝世20周年丨百萬喪禮「哥迷」送別場面傷感 兩天王缺席被鬧 死敵姍姍來遲
張國榮逝世20周年丨一文睇清七大紀念哥哥活動！資深歌迷搞展覽 音樂會鬧雙胞
-------------------------
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應