原來視咁的丨林子善山坡執貓屍險仆倒 走進社區尋找好人好事

由林子善和江美儀擔任主持的新節目《一個好人》，將於今晚（18日）首播，子善和美儀會深入了解來自不同階層、背景的好人好事。

今晚播出的首集，子善會跟貨車司機文哥為貓咪屍體善後。子善坦言有啲驚，「如果有咩暈低，文哥你唔使理我。」由於貓咪屍體處於陡峭的山坡，子善行走時不慎絆到腳差點仆倒，幸好有驚無險完成工作。之後兩人將流浪狗屍體送往火化作最後道別。雖然文哥處理屍體時看似輕描淡寫，但其實只是努力壓抑傷痛，直到撳掣火化後才落下男兒淚。

林子善為流浪狗遺體火化。

子善跟隨14歲的浠淳妹妹送物資。

林子善跟文仔探訪無家者。

　之後，子善會合14歲的浠淳到深水埗「洗樓」向劏房人士派發物資，雖然抽到一袋二袋，但浠淳仍堅持逐家逐戶拍門送物資，子善說：「一個14歲小朋友，有咁大勇氣同愛心，我呢個Uncle仲成日話自己充滿愛同正能量，佢嘅層次好高。」

幫得幾多得幾多

　　到第2集，子善分別拜訪了義務幫助無家者的江浩文（文仔）和充滿愛的寄養家庭龔家。曾是無家者的文仔，談到一直致力服務無家者，他說：「我成日都話唔想放棄佢哋，如果我放棄咗呢班無家者，就好似放棄咗當年嘅自己咁，我當佢哋係屋企人，幫得幾多得幾多！」

江美儀走進社區尋找好人好事。

林子善跟隨貨車司機文哥執貓屍。

寄養家庭Linda曾患重病，令她學識活在當下。

　　另外，子善又走訪了寄養家庭龔家，龔家由2011年開始接待第一個BB，去到2024年已經照顧了合共32個可愛小寶寶。女主人Linda曾經患了一場大病，令她領悟了一個道理：「我都唔知自己仲有幾多日子，醫生冇講過我已經好返，唔會畀我停打標靶藥，我不如用自己能力去做開心嘅事。」之後Linda一家便做了寄養家庭，她說：「當時接待第一個小朋友，正能量、愛心同歡笑係充斥咗成個屋企，係BB令到我哋龔家走出哀傷。」同是父親的子善說：「自從我個女出世之後，佢將我嘅眼光爆開咗，佢哋唔係一個貨物，係一個生命，點可以生咗佢出嚟，咁唔負責就揼低佢。」

 

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ