陳俞希拍《食得怪2》腸胃炎痾足全程 陳安立落力做紅娘秘魯有艷遇丨獨家

陳俞希（Hailey）繼2022年跟陳安立（Brian）拍《食得怪先好嗌》後，在第二季《食得怪先好嗌2》，踏足秘魯、美國和墨西哥試勻當地恐怖食物。Hailey上次食到嘔，今次則痾足全程，回港更因腸胃炎要停工休息。另外，在Brian 落力拉紅線下，Hailey此行有艷遇，但她嫌Long D太辛苦未敢試。採訪：杜杜

Hailey本周會到墨西哥傳統市集繼續試食。

Hailey笑言好感激Brian落力做「紅娘」。

Hailey上次做節目去了6個地方，食大量地獄料理食到嘔，不過監製再開新一輯，她想也不想就答應，「上次反應好，所以今次都照去，但去咗近一個月，大部份時間都係肚痾狀態。」問到那種食物出事就完全唔知，「一日食好多樣嘢，加上亦可能水土不服，所以真係唔知咩嘢食出事。」她返港更腸胃炎，「病咗成個星期先好，監製仲話想開下輯，打算去印度，要調理身體先，今年內都應該未拍得住。」

Hailey在墨西哥的餐廳，跟亡靈節公仔合照。

Hailey在墨西哥最難忘試食螞蟻蛋，但不算太難食。

Hailey美國之行開心去哈利波特節，「成個縣變咗故事場景，好有趣。」

Hailey本身怕食醃漬物，但在美國拍節目都要一試。

太忙唔得閒拍拖

Hailey此行除了去南美亦去了美國維珍尼亞及紐約，食物亦是最正常，最恐怖是秘魯的食物，「淨係青蛙汁已經夠嘔心啦！本來同Brian 夾好飲一啖就算，點知佢成杯飲晒，焗住我都要飲晒，所以搵埋導演一齊飲。」由於生青蛙加埋蔬果打成汁，所以她認為不難飲，最擔心是衛生問題，「青蛙本身有好多寄生蟲，有可能會上腦，所以好危險，之後講返畀Brian 聽佢先識得驚。」

Hailey被唔識死的Brian連累，要飲晒成杯青蛙汁。

Hailey被唔識死的Brian連累，要飲晒成杯青蛙汁。

節目中Brian瘋狂做「紅娘」，專登安排Hailey認識有秘魯尼馬稱號的花式足球員Nakata，「Brian好有心，但係秘魯真係太遠，幻想吓見一次都咁難，我本身唔係好鍾意Long D，但當然真係遇到好啱嘅人，可能會唔介意。」朋友似乎擔心Hailey嫁唔出，但她完全唔心急，「我冇擔心過，媽咪都冇畀壓力，講真呢排就算有人追都唔得閒應酬，因為忙緊兩個節目，有個仲有份策劃，等我忙埋先，可能要下半年先得閒諗。」

Brian介紹秘魯花式足球員Nakata畀Hailey認識。

Hailey忙緊節目《周六食花生》，跟李禹燊和黃汛一主持。

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

 

《星島頭條》新網站有更多精彩內容：http://www.stheadline.com/