新城體育會丨馬浚偉孖6歌手打羽毛球 潘靜文打到唔捨得走

新城首席營運總監馬浚偉日前成立《新城體育會》，並舉行了第一次活動，邀請了潘靜文、張馳豪、何晉樂、周卓盈、安俊豪及鄧禮迪與「新城羽毛球隊」進行了一場歷時2小時的羽毛球賽。馬浚偉表示羽毛球運動已打了超過十年，平日仍會跟教練提升球技，而他全力推動今次活動的原因是希望員工除了投入工作之餘，亦要「Work-life balance」（工作與生活平衡），更多時間走出辦公室，他說：「運動係我一向好推崇，而羽毛球係一個好好嘅運動，識唔識打都唔緊要，但一定會出一身汗！」

馬浚偉與一眾歌手都好有活力！

馬浚偉表示羽毛球係一個好好嘅運動，識唔識打唔緊要，最緊要出一身汗！

歌手們進行拉筋。

張馳豪指要追上馬浚偉的程度還差很遠。

潘靜文指腎上線飆升，打到唔捨得走！

鄧禮迪好大隻，原來他平日打開籃球。

馬浚偉又大讚不少同事們球技了得，有同事更帶同打校隊的兒子一起參與。同時，他又讚揚一眾年輕歌手既打得又唱得，原來有部分亦曾是校隊成員，但不少歌手反而想向他偷師如何打足兩小時都不喘氣，馬浚偉直言羽毛球要打得好，一定要投入時間，他又以歌唱來做比喻，「歌不離口，羽毛球不離手」，唱歌需要練氣，同樣羽毛球是一種好好練氣的運動，所以只要持之以恆，必定能成為出色跳唱歌手。打完羽毛球後，潘靜文大讚：「真係好正，腎上線飆升，打到唔捨得走！」而張馳豪原來中學時亦曾加入校隊，由於身形高大，幾乎樣樣運動都有機會涉獵，但未算精通。他說：「磋兩板還可以，但要追上馬生（馬浚偉）的程度還差很遠。」

 

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ