洪嘉豪演唱會丨晒腹肌引歌迷狂叫 突然除衫激嬲阿媽：佢叫我唔好做嗰啲嘢
2024-04-14 15:55 
一連兩場洪嘉豪首個紅館演唱會《Kaho Live 2024》昨晚（13日）舉行，全場爆滿。成龍、鄭裕玲、張敬軒及Bob林盛斌等送花籃祝賀，而Jeffrey魏浚笙、女團Lolly Talk、強尼、練美娟、鄺潔楹、陳穎欣及鍾雪瑩等亦有前來捧場，而紅磡火車站亦設有主題相框兼打卡位，供fans們影相。
相關閱讀：洪嘉豪爆笑回應跟郭柏妍緋聞 陳蕾成身飛債明天開始閉關準備演唱會
洪嘉豪紅館演唱會現場相：
身穿西裝的洪嘉豪甫出埸唱出《主角光環》、《Truth or Ture》等歌曲，其間他擺出任何甫士都惹來全場fans狂叫，之後洪嘉豪換歌衫唱出《Superstar 明星示範生》時亦有跳舞，又拿著電話走近觀眾影相及自拍，但自拍時大螢幕卻顯示濾鏡變樣後的效果，非常搞笑。其後洪嘉豪脫去外套，身穿露腰衛衣的他腹肌若隱若現，引得fans狂叫，他先跟大家打招呼，之後笑指去到現在的腰圍，不只是「踎低起身見頭暈」，就連瞓覺起身飲水都見暈：「你哋想睇嘅嘢睇到啦而家！（觀眾大叫除衫）阿媽今晚喺度，除埋佢唔認我，入行嗰陣佢叫我唔好做嗰啲嘢。」他又表示為了保持身形，連教練叫他吃東西也不吃，又用手遮肚表示好凍及好冇安全感。
相關閱讀：去邊啊Do姐丨鄭裕玲被洪嘉豪誤叫May姐 嬲到即場拍枱離席
Marf現身做嘉賓
之後全晚唯一嘉賓COLLAR成員Marf現身與洪嘉豪合唱《仍有心跳脈搏》，期間兩人更不時拖手。合唱後，Marf脫去外套剩下「肚兜」般的舞衣跳唱《I\'m Marf-elous》，雖然性感，但見她邊唱邊跳時不停用雙手將衣服拉起，洪嘉豪之後指第一次見Marf是因拍劇，當時覺得她很Cool，但認識後便覺得她很「妹豬」，所以很錫她。
唱《黑玻璃》時，舞台上出現一白色車，洪嘉豪唱完後指因開騷前架車已曝光，所以有點不開心：「諗住超勁，我今日打大佬，已經盡咗力，呢刻唱歌唔覺得自己開緊演唱會，感覺好似屋企唱歌。」唱《我懂》前他又指發現自己的Hit歌也不是由自己創作，曾令他沒有信心再寫歌。
相關閱讀：獨家丨魏浚笙招積仔上身被洪嘉豪楊天宇爆笑反擊 激讚軒公如多啦A夢山旮旯拍戲要乜有乜
到了演唱會尾聲，洪嘉豪解釋今次演唱會名字由來，他表示並不是Hea改，只是因有人指他的姓名、樣貌亦普通，但不應因這些覺得自己做不到，又勉勵大家「唔好怕失敗，衰咗再認輸！」而Encore環節，洪嘉豪唱出《活人鏢靶》及《好奇殺死愛》，而在唱最後一首歌《洗面》前，他指自己有很多時也做得不好、做錯，又會發阿媽脾氣，但希望大家聽完這首歌後可將以往所做的錯事及對不住的人也可以洗個面之後重新做人。
洪嘉豪自評有7、80分
洪嘉豪在完場後受訪，他對第一晚表現給予自己7、80分，亦承認在跳舞時有甩漏，承諾之後會再做好點，又指今次沒有刻意減肥，但可能因有壓力所以吃少了東西：「胃口細咗，今日下晝食嘢都想嘔。（而家腰圍？）27吋，但係冇刻意操，不過蘇前有做密集式體能訓練，都有4、5舊腹肌。」至於洪媽媽是否真的不想他露？洪嘉豪就笑言今次露得有美感，媽媽應該會為他感到驕傲。提到Marf邊唱跳邊要抽衣服，洪嘉豪就謂看不到，但他指兩人表演的設計是重演當年兩人合作過的劇情。
相關閱讀：張敬軒驚喜現身洪嘉豪演唱會 自豪撐場：我支嘢晚晚陪住你
另外，洪嘉豪又笑指唱《隨波逐流》時因想着其他事情而分心，當他想跟fans揮手時被誤頂了一下：「係意外，冇走音，但作為歌手應盡力，係唔應該出現，所以有責任要道歉。」提到他唱《只要你不尷尬》時頗為感觸，更有數度想落淚，他承認，並解釋因為當時看到舞蹈員着了自己很多舊衫，就似看到很多個自己一樣，所以有少少想喊。
其他文章：
洪嘉豪跟MC「分手」單拖開騷唔孤單 陳蕾笑住詐型要求上台費被拒
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應