東張西望丨紋身男非禮出獄涉誘拐逾20少女 13歲女童控訴慘被奪初夜兼偷拍
2024-04-16 22:23 
TVB節目《東張西望》昨晚報道一名曾犯非禮案的紋身男，出獄後「改頭換面」變成寵物KOL，設陷阱誘騙少女到家中侵犯，受害人數更多達逾20人。多位受害人向《東張》投訴，當中更涉及年僅13歲的少女，受害人遭偷拍性愛片，更懷疑非禮案紋身男疑似播播性病。
相關閱讀：東張西望丨曾犯非禮案紋身男出獄「改頭換面」做網紅 疑誘騙逾20少女性交兼傳播性病
東張西望丨非禮案紋身男變KOL誘騙少女？
受害人炮轟紋身男家人視若無睹
該名紋身男四年前捲入一宗非禮案，後來被判控遊蕩罪和非禮罪罪成，判囚33個月。不過出獄後，該紋身男似乎未有洗心革面，更變成寵物KOL，誘騙少女到家中侵犯。受害人Kathy透露：「佢話佢屋企人喺度，大部份人都會覺得佢屋企人喺度，唔係孤男寡女，唔使擔心，無諗過佢屋企人會視而不見。」受害女Apple事發時更只有13歲，慘被對方侵犯奪去初夜：「我一入去，佢就叫我去張床，佢就無端端推低我，跟住就發生咗關係。」
不少受害人直指，發生關係期間更被對方偷拍性愛短片，因而擔驚受怕。受害人Janice指：「佢突然用電話影我，樣、個身全部都影晒。我好反感，我係咁擋鏡頭，想搶電話，佢擋開我繼續拍，同埋我肯定個mon係錄影中。我叫佢刪片，佢話唔會流出，我擔心佢會擺上網。」
疑偷擺鏡頭偷拍
另一位受害人Angel直指當時該名紋身男以電腦藏起電話偷拍，鏡頭對住床頭：「我問佢電話係咪影緊嘢，佢話冇，但我見到電話係有錄片，錄影係未完。」Angel更指對方電話有她跟動物玩耍的相片，部份更拍到胸部、裙底。Angel表示：「當時我已為係小癖好，佢講對住唔住我都原諒咗佢。」不過後來Angel向舊同學求助，舊同學竟然自揭與該紋身男亦曾發生過關係，而且過程同樣不愉快：「我開始覺得佢有嚴重嘅道德問題。」大律師陸偉雄接受訪問表示，法律上有一項窺淫罪：「任何人以性作目的，未經同性進行觀察、拍攝；如果拍攝有紀錄，亦都係罪行，最高可以判監五年。」
受害人男友染性病
受害人Angel更質疑被該紋身男傳染性病：「我接觸佢第二日，發現有啲唔舒服，醫生話係陰道炎，情況斷斷續續，一直都未好返。」而受害人Kathy亦透露有不少受害人於2023年8、9月後，與紋身男發生性行為，全都患上性病：「佢哋話係疱疹，要食抗生素治療。好可怕，你有性病，都要喺知情情況下傳染畀女事主，好不負責任。」Kathy還表示有受害人被感染性病後，再傳給男友。
多位女事主被偷錢
而Angel更表示，當日離開紋身男家中時，發現銀包不翼而飛：「我喺佢屋企時，手袋我一直擺喺廳。當時我希望佢陪我報警，但佢唔願意，覺得報警無用，當時佢畀咗100蚊我返屋企。當時我銀包有晒我證件、銀行卡、信用卡。」受害人Janice亦有同樣情況發生，手袋同樣放在客廳位置：「我哋入房前，佢媽已經返咗嚟，（我諗）有屋企人喺度，擺喺廳都冇事。我離開佢間屋，上的士先發現啲錢冇晒，用公文袋裝住16,000蚊。我覺得係佢阿媽偷，因為我當時同佢一直喺房，直至我哋走，佢先出房，期間得佢阿媽喺客廳。第二日我有去報警，但警察話要當時現場報警先有用。」
涉非法辦「博彩遊戲」
紋身男更搞慈善抽獎，貼QR Code叫每人過5元以抽獎8000元，並以可選擇捐贈予露宿者作招來。而陸偉雄大律師亦指直是「博彩遊戲」：「其實佢已經收受賭注，如果喺裁判法院處理，最高可被判罰款500萬及入獄2年。」《東張》上門找紋身男，他直說：「講真，你有證據就報警。」《東張西望》明晚將會繼續報道事件。
其他文章：
東張西望丨60歲女惹狂蜂浪蝶被鄰居針對？反遭指有妄想症：佢話業主用背脊非禮佢
東張西望丨屯門賣唱團大媽爆有賣淫服務？捧場老翁護女神 襲擊攝製隊變流血事件
東張西望丨健身教練控訴被逼提供性服務！疑似同性戀神父半裸按摩 女教練遭抽水
東張西望丨內地導遊推介黃家駒墳前打卡！樂迷炮轟不尊重 連遊客都唔支持
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
最新回應