劉以達85年登報搵拍擋 憶當年俞琤如何用5分鐘創造「達明一派」

劉以達 1985年登報尋找樂隊拍擋，並與黃耀明組成「達明一派」，日前，前商台高層俞琤舉行盛大的70大壽派對，達明一派亦有出席；事後，劉以達在社交網撰長文憶起當年俞琤如何用5分鐘時間創造「達明一派」。

劉以達 1985年登報尋找樂隊拍擋，並與黃耀明組成「達明一派」。

他們日前出席俞琤舉行的70大壽派對，並撰文憶當年俞琤如何用5分鐘時間創造「達明一派」。

劉以達透露當年二人膽粗粗約俞琤見面，並詳述那5分鐘的經過。

超級大忙人俞琤，亦願意陪當時只是「𡃁仔」的「達明一派」，聽聽他們對音樂的理想。

俞琤用了5分鐘創造了「達明一派」名字。

劉以達表示：「如果無呢5分鐘，就無達明一派。」

坦言在娛樂圈這40年亦將俞琤第5分鐘的那句說話刻骨銘心！

達明一派年輕時。

達明一派年輕時已很有理想，希望做一些另類的粵語流行曲。

達明一派

劉以達在社交網分享與黃耀明、填詞人陳少琪及俞琤的合照，他表示：「你或者以為，以上只係一個香港樂壇嘅神話。以下，係我親身經歷。」劉以達透露當年二人膽粗粗約俞琤在尖東新世界中心見面，並詳述那5分鐘的經過：「俞琤叫我哋上去飲杯啡，其實佢係超級大忙人，邊得閒陪我哋兩條𡃁仔坐，於是我哋把握時間，坐低第一分鐘稍微自我介紹，就打開天窗表明心跡：『我哋想入行，試下做一啲另類嘅粵語流行曲。』第二分鐘，俞琤就回應：『我聽過《繼續追尋》，好好呀，有獨特風格。你兩個人嘅組合，就叫做達明一派，呢個名係一種祝福、加上一啲期許，希望你哋堅持風格，自成一派！』第三分鐘，俞琤問我哋有無簽約，『仲未，淨係派咗demo畀唱片公司。』哦！第三分鐘，俞琤就撥輪，『喂，畫子，咁咁咁⋯⋯就係咁，兩個後生仔交畀你。』第四分鐘，寶麗金製作部揸fit人關維麟（畫子）已經同俞琤安排好見我哋。第五分鐘，見我哋仲好似夢遊緊，俞琤就一言嚇醒：『你哋如果一事無成，達明一派呢個名就會好造作，你哋會受唔起！』」

劉以達續表示：「如果無呢5分鐘，就無達明一派。」並坦言在娛樂圈這40年亦將俞琤第5分鐘的那句說話刻骨銘心，最後，他向俞琤送上生日祝福：「青春殘酷，怎來得及細訴；繼續追尋，仍看不到您蒼老，多謝YT!!!」

 

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ