「鐵板神算」董慕節逝世丨黃玉郎形容似「神仙」 相交40年批中多件大事：連我會斷六親都好準
2024-04-23 16:15 
被譽為「鐵板神算」的董慕節離世，享年101歲。董慕節早在上世紀 50 年代就開始以「鐵板神算」幫人算命，先後為不少名人批命，當中包括有黃霑、倪匡、劉嘉玲、張國榮和梅艷芳等等，在80年已經找董慕節批鐵板神算的黃玉郎，因曾準確批中多件大事，黃玉郎直言：「神仙一樣！」
相關閱讀：「鐵板神算」董慕節逝世享年101歲！上世紀極受明星追捧 倪匡曾斥胡說八道最後被嚇窒
漫畫界殿堂級人物黃玉郎昔日工作相：
黃玉郎形容董慕節是「神仙一樣」
對於董慕節的離世，黃玉郎接受傳媒訪問曾說：「懷念佢，福壽雙全，我永遠都會好感謝佢咁多年嘅指點。佢嘅為人好隨和，好似個儒者一樣，有文化修養，好慈祥，又好似尊佛咁，光頭又肥肥哋。」在80年代，黃玉郎的大弟子祁文傑跟董慕節是誼父子關係，所以與董慕節早在認識，黃玉郎說：「我哋叫佢董伯伯，嗰時我對命理好有興趣，聽到可以搵佢算就梗係去啦！佢當年已經有好多人搵佢，佢為人好低調，唔係搵上門就會幫你數，而係要人客、熟人介紹。嗰時排期一兩月就見到，到後來就要成年先得。」
黃玉郎形容董慕節是「神仙一樣」：「如果我聽晒佢話，唔止而家嘅成就添。舉個例子，佢打算盤，佢檯面有幾十本書，每本有一千句，佢嗰時打咗十幾分鐘一路都唔啱，直到有一句話係我出世遲咗成個月。因為我係內地出世，打返畀阿媽問，阿媽先話我真係遲咗一個月。第二句開始就講阿爸阿媽咩生肖，兄弟親人又係咩生肖。22歲結婚，所有嘢全中，連我會斷六親都好準。」自此之後黃玉郎和「董伯伯」建立了深厚友誼，不時拜訪董伯伯。
「鐵板神算」董慕節離世：
董慕節曾批黃玉郎「十住不得」
其後玉郎集團上市，黃玉郎稱未上市之前曾搵董慕節批算說：「嗰陣係86年我30幾歲，公司搞上市問佢得唔得。佢批咗『熙熙攘攘萬戶共』，即係意思上市好熱鬧。結果，當年公司上市都係二，三千人申請，我嗰個真係有一萬人申請。佢非常準確，神仙一樣！多謝佢提醒晚輩，只不過佢叫我唔好去做，我就偏去做。」早年黃玉郎亦曾在訪問稱看完鐵板神算後，有幾個數字是買不得和住不得，黃玉郎說：「有一次我去淺水灣睇新屋，覺得好正，可以睇晒淺水灣嘅海景，直頭係自己嘅夢想，而且價錢又唔係好貴，唯一唔好嘅係『十」字。」
原來當年董慕節曾批黃玉郎「十住不得」，本來黃玉郎放低了這件事，殊不知有朋友認識這間屋的業主，聲稱可以減少少價錢出售，結果又勾起了黃玉郎的心願：「我覺得唔怕呱，咁我咪買落嚟，點知原來呢啲係好玄妙嘅事，原來一個號碼，係咪可以將我所有嘅嘢歸咎入去？我心裡有數。」黃玉郎在85年買入價值七百七十萬淺水灣麗景道「十」號獨立屋，本來黃玉郎當時身家在最高峰時曾達港幣20億元，但87股災令他損失慘重，不單令黃玉郎失去了玉郎集團，還要面對因過份投資股市而欠下的巨債；他在發生股災後不甘認賠損失，因造假賬而身陷囹圄。
其他文章：
「鐵板神算」董慕節逝世丨傳劉嘉玲曾被批今生跟三虎糾纏不清 林青霞老公早被指娶天仙美女
「鐵板神算」董慕節逝世丨張國榮曾被批「好到37歲」 梅艷芳傳被算必嫁外地人？
「鐵板神算」董慕節逝世丨外孫張存華做過主持轉型任公關 2017年傳密會麥明詩
-------------------------------
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
最新回應