老婆攜子返港小休「太空人」即患妻兒恐懼症？網民陰陰笑看穿男人心事......｜Juicy叮

2024-04-29 06:51

陪太子讀書突回港小休「太空人」自爆患妻兒恐懼症？網民解讀背後原因竟然係......

子女赴笈海外，妻陪太子讀書，丈夫留港搵錢，如此的家庭狀況可能是不少香港人的日常。因應這道情景題，有「為咗家庭無晒尊嚴」的中年港男從不捨到快活，做了1年「太空人」後，面對妻子趁學校假期攜子回港小休前，竟然在網上發文自爆婚姻關係如何如何，大呻對妻兒的回歸感到忐忑甚至恐懼，不知所措。

活得通透的網民陰陰笑地解讀了「太空人」的男人心事，並出招幫助解除心魔，以便日後好好面對「最熟悉的陌生人」；有人卻打破「寧教人打仔，莫教人分妻」的戒律，冷靜地循離婚方向給樓主作出建議。

「太空人」發文吐露男人心事逐張睇 ↓↓↓↓

樓主早前以匿名身分在facebook群組「十萬個惡頂老公的惡行」發文，講述其婚姻與家庭狀況↓↓↓↓

老婆攜子返港小休，「太空人」恐懼湧心頭。

樓主：我係一個中年男人，有個十幾歲嘅仔。

樓主：個仔細個時，我兩個成日嗌交。

樓主：個仔而家大了，疫情已過，上年老婆想個仔去外國讀書，仲話要陪個仔去。

樓主：只好辛苦努力搵多啲錢畀佢兩個喺外國生活和讀書。

樓主：這一年我開始習慣一個人，乜都自己一個。

樓主帖文。fb「萬個惡頂老公的惡行」截圖

對於身為人夫的樓主選擇在專門聲討「老公惡行」的群組中發帖，有網民表示欣賞，稱「呢度全部都係老婆投訴老公嘅人，欣賞你入嚟嘅勇氣」；有人估計「太空人」「想呢度嘅女人們幫下佢」又或是「想上嚟圍爐等其他男人走出嚟認同佢觀點」，並認為樓主「為咗家庭無晒尊嚴，睇得出佢其實好辛苦」......「如果壓力大就入嚟呻下，會舒服啲」。

網民陰陰笑看穿「太空人」心事出招除心魔逐張睇↓↓↓↓

陪太子讀書回港小休「太空人」自爆患妻兒恐懼症？網民解讀背後原因竟然係......

網民解讀「太空人」心事。

對於身為人夫的樓主選擇在專門聲討「老公惡行」的群組中發帖，有網欣賞其勇氣。fb「萬個惡頂老公的惡行」截圖

網民解讀：又要畀人日哦夜哦，畀人鬧啦⋯⋯所以好恐懼。fb「萬個惡頂老公的惡行」截圖

網民：判別下嗰份恐懼係因咩而來。fb「萬個惡頂老公的惡行」截圖

網民進言：做男人......試下企喺太太角度諗諗。fb「萬個惡頂老公的惡行」截圖

樓主的苦，不是有苦只有自己知，閱歷豐富的網民解讀得透徹——「我解讀到嘅係：你覺得自己好委屈，你認為你一直畀老婆鬧，直到你老婆去咗外國，屋企無人再鬧你，你感到好平和。但依家你老婆又返嚟啦，你又要畀人日哦夜哦，畀人鬧啦......所以你好恐懼。對嗎？」、「付出晒所有畀佢哋，到頭來離你越來越遠嘅感覺」。

網民：你唔想佢哋返嚟呀？

有人打開天窗說亮話，「即係你唔想佢哋返嚟呀？」、「怕見到個老婆覺得佢好煩～定係怕佢返到嚟又管呢樣又管嗰樣......」、「是被支配的恐懼」。於是有人指「一個人生活輕鬆很多吧」、「即係你已經慣咗一個人嘅，身心自在」，有人進一步附和「單身嘅自由，係結咗婚先知可貴，但返唔到轉頭」。有網民說白了——「你me time free（自己時間自由）咗咁耐怕從新面對啫！」、「你自己有答案了，你已經找到你自己想過的生活」」。

網民陰陰笑看穿「太空人」心事出招除心魔逐張睇↓↓↓↓

網民：付出晒所有畀佢哋，到頭來離你越來越遠嘅感覺。fb「萬個惡頂老公的惡行」截圖

有網民說白了——「你me time free（自己時間自由）咗咁耐怕從新面對啫！」fb「萬個惡頂老公的惡行」截圖

網民反問：怕見到個老婆覺得佢好煩？定係怕佢返到嚟又管呢樣又管嗰樣？fb「萬個惡頂老公的惡行」截圖

網民坦言：久唔久一個人生活係幾爽，但長時間就......fb「萬個惡頂老公的惡行」截圖

網民指樓主其實心裏有數。fb「萬個惡頂老公的惡行」截圖

旁觀者清，有網民留言「唔知你嘅壓力係你自己老婆定係同人相處？試吓淨係同阿仔相處嘅時候感受吓有冇呢啲感覺。判別下嗰份恐懼係因咩而來。（老婆可能會自己約朋友出街，就趁機同仔出去走走）」

有人則長文好心提醒「幾十歲有個家，點解唔珍惜」↓↓↓↓。對於樓主似乎已「習慣」一個人，有網民認為「所有嘢係習慣，可以『習慣』下唔好潛意識抗拒您老婆好嗎？......您為頭家付出咗咁多都係想好啫，何必被無謂嘅恐懼浪費大家時間」，提醒「心態取決婚姻關係，祝福有正面幸福婚姻」。

有人發長文好心提醒，「幾十歲有個家，點解唔珍惜」。fb「萬個惡頂老公的惡行」截圖

網民唏噓一句「最熟悉的陌生人」。fb「萬個惡頂老公的惡行」截圖

網民：執一執自己，執一執間屋，調好個心情接佢哋機啦。fb「萬個惡頂老公的惡行」截圖

網民：可以「習慣」下唔好潛意識抗拒您老婆好嗎？fb「萬個惡頂老公的惡行」截圖

網民建議：試試為他們準備慶祝活動，如計劃一家人去離島小旅行。fb「萬個惡頂老公的惡行」截圖

網民：調好個心情接佢哋機

網民於是建議打倒恐懼妻兒心魔的方法——

•「兒子放break回來，也是好短日子，你咪做咪好父親等他快樂一吓」、
•「明知佢會吟吟尋尋，唔想畀人煩都好正常。執一執自己，執一執間屋，調好個心情接佢哋機啦」、
•「你嘅恐懼來自你以為付出了的尊嚴來成全這個家的想法，根本就無人會在意亦都係得你知......係男人就畀返啲自信同尊嚴出嚟」、
•「你來這裏找意見，證明你多麼重視他們，你試試為他們準備慶祝活動，如計劃一家人去離島小旅行，令自己增加期待感」。

網民列自我完善大計妻兒回港前大變身

有人更發長文建議樓主定出自我完善大計，在妻兒回港前大變身——「把頭髮染一染，整返個造型，如果禿都修一修佢，修返條眉，做返個Mask，將副眼鏡掉咗佢換個副型嘅，用剃鬚刀，掉咗個鬚刨佢，用鼻毛器拔曬啲鼻毛佢」、「每日跑6-8公里收返你個肚腩」，完成後「穿上西裝Casuel wear滿滿自信的拿著一束鮮紅玫瑰去機場迎接佢哋，去拿回你已放下很久很久的尊嚴」（自我完善大計全文見下圖↓↓↓↓）。

有網民發長文建議樓主定出自我完善大計。fb「萬個惡頂老公的惡行」截圖

網民陰陰笑看穿「太空人」心事出招除心魔逐張睇↓↓↓↓

向好處看的網民則開解樓主「可能會小別勝新婚呢」、「有時無想咁多，煮到嚟就食！」、「忍下la， sem break返嚟啫，轉頭又變返單身寡仔啦」、「捱咗咁多年，捱埋佢，又無第三者介入」、「有時兩公婆嘅嘢，互相忍讓下，瞇埋眼就一世，緣份嚟」。另有網民作以下8點分析情況：

網民作8點分析情況。fb「萬個惡頂老公的惡行」截圖

網民開解：可能小別勝新婚呢。fb「萬個惡頂老公的惡行」截圖

網民：煮到嚟就食。fb「萬個惡頂老公的惡行」截圖

網民：捱咗咁多年，捱埋佢，又無第三者介入。fb「萬個惡頂老公的惡行」截圖

網民勸諫：兩公婆互相忍讓下，瞇埋眼就一世，緣份嚟。fb「萬個惡頂老公的惡行」截圖

有人循離婚方向給樓主作出冷靜建議。fb「萬個惡頂老公的惡行」截圖

網民解讀「太空人」心事出招除心魔逐張睇↓↓↓↓

雖然老人家往往把「寧教人打仔，莫教人分妻」掛咀邊，但還是有人循離婚方向給樓主作出冷靜建議：

•「會唔會大家坐低傾下？」、
•「你咪等兒子畢業之後，咪過返自己想過的生活......」、
•「仔永遠都係你個仔，老婆你唔愛就唔好拖住人哋啦......」、
•「同老婆傾下，話唔定佢都有同一種感覺，今次用成熟嘅態度處理」、
•「如果真係性格不合，大家傾清楚，個仔都大了，可以慢慢同佢解釋」、
•「好好同你老婆溝通之後再決定離唔離，其實仔仔已經大個仔都知咩事」。