芷珊約您丨張敬軒罕談感情事！自揭拍拖次數曾因一事痛失逾億版權費？

2024-04-29 20:30

黎芷珊主持的TVB節目《芷珊約您》，逢星期日晚上播出。昨晚（28日）播出一集嘉賓請來張敬軒擔任嘉賓，黎芷珊專程飛到紐約直擊張敬軒的美國站巡唱。巡唱圓滿結束後，黎芷珊還與張敬軒進行深度交流。

相關閱讀：張敬軒自認馬會「老黎」的嘉賓想開農場養馬多過做馬主

張敬軒因何事失過億版權費？

張敬軒擔任《芷珊約您》第2集嘉賓。

張敬軒近日在美國舉行巡迴演唱會。

黎芷珊由綵排開始已經全程直擊。

張敬軒近日在美國舉行巡迴演唱會。

黎芷珊專程飛美國訪問張敬軒。

張敬軒大談未來10年大計，希望將自己經驗分享畀後輩。

芷珊逼供軒仔感情事，軒仔自爆生活習慣會嚇怕潛在對象。

軒仔坦言受到父母「矛盾一生」影響，唔會輕易投入一段愛情。

軒仔大爆烏龍「身後事驚魂」，一條牛仔褲令他誤以為自已染怪痛，痛失10萬蚊！

張敬軒還與黎芷珊同遊美國。

兩個人都玩得好開心。

黎芷珊特別訂了一輛Limo（豪華轎車）孖軒仔去喜雀兒市場閒逛兼食好西。

入行20年的張敬軒，大談由當年隻身來港發展到今日成為香港樂壇頂流，黎芷珊問張敬軒入行多年犧牲了甚麼？張敬軒坦言：「一個內地人嚟香港，你會覺得你有咩唔好嘅新聞，會好似變咗一個內地人嘅典範（代表），好多因素令我覺得輸唔起。」張敬軒續指為了保持靚聲，連最愛的酒都不敢多喝：「我keep住把聲仲唱到以前啲歌，咁呢啲就係平時生活上嘅約束。」

張敬軒盼向後輩分享經驗

問到未來十年的計劃，張敬軒打算將多年來累積到的經驗與後輩分享：「用我哋捱過嘅苦頭去話畀佢哋聽捷徑喺邊度。」黎芷珊問到現在的他快樂嗎？張敬軒坦言：「快樂呀，行到42歲，呢兩年係我人生最好嘅時候。我有自己團隊，無論做演唱會或者拍Youtube都有好反應，自己派嘅歌反應又好好，爸爸媽媽生活又安穩，自己想食嘅嘢又食得起，想去嘅地方又去得起，覺得人生好圓滿，但要Keep住落去係唔容易。」

張敬軒自稱惡頂

黎芷珊還大膽向張敬軒提問大家最想知道的感情事，張敬軒坦言開始有想被人照顧的念頭，黎芷珊問到有否遇過適合的對象，張敬軒想了良久後說：「（呢行）唔係好識到人係真嘅，同埋（我）唔係咁輕易畀人進入到我生命。」張敬軒又自認惡頂謂：「譬如有protential成為情人嘅人，同一班Friend嚟到我屋企，會喺我屋企攞起啲嘢嚟睇睇，但係佢擺唔番啱個位，咁我就會行埋去擺番啱，咁就完咗喇。」黎芷珊向張敬軒嚴刑迫供拍過幾次拖，張敬軒說：「拖過一隻、半隻手仔咁啦，我係一個講將來嘅人，但一去到講將來標準就會唔同，我係冇『不如行吓睇吓點先啦』呢一種，我所有嘢都要Well Planned（計劃好）。」

張敬軒談父母：矛盾到而家40幾年

問到有否真正愛過一個人？張敬軒不諱言：「我覺得我係愛過，其實父母係影響咗我嘅感情觀，佢哋兩個係南轅北轍，佢哋到依家都係唔夾，我見到我媽嘅痛苦，嗰種矛盾到依家40幾年都係冇解決，佢哋到離開嗰一日都唔會解決得到，我唔可以畀我人生係咁。」張敬軒直言如果遇到真愛便會退休：「如果我Commit得佢係我另一半，我會同佢Share人生最後嗰段時間。」

「我最喜愛男女歌手」皆來自廣州？

張敬軒今年1月1日獲得「叱咤樂壇我最喜愛的男歌手」。

「我最喜愛的男、女歌手」由張敬軒與陳蕾獲得，其中陳蕾更成為「叱咤樂壇女歌手」金獎得主！

樂迷票選的歌王、歌后，原來都是來自廣州。

陳蕾連奪兩項女歌手獎項。

陳蕾2009年18歲時，從廣州來港追夢，參加亞視《亞洲星光大道》入行，捱足14年終於闖出一片天。

今年3月更會首度踏上紅館開演唱會，門票明日（1月3日）公開發售！

入行23年的張敬軒未滿20歲就來港發展。

張敬軒昨晚更在台上說：「作為廣州人喺香港打拼23年，由接納到相信我，係城市畀我嘅祝福同信任，新一年我會帶呢獎項報答呢個城市嘅人。」

昨晚更在台上說：「作為廣州人喺香港打拼23年，由接納到相信我，係城市畀我嘅祝福同信任，新一年我會帶呢獎項報答呢個城市嘅人。」

張敬軒得獎實至名歸！

張敬軒離奇染怪病？

節目尾聲，張敬軒應黎芷珊要求爆了一個小秘密！張敬軒透露2012年時突然有一天，十隻手指無故變黑，他說：「點洗都洗唔到，仲要係入面黑出嚟，好似中咗毒咁！我係一個有疑病症嘅人，嗰時又有depression，醫生朋友即刻安排我入私家醫院，所有嘢Check完都係正常。嗰6、7日我係人生第一次覺得，如果我突然間死咗，阿爸阿媽點呢？我打電話畀我身邊嘅人安排好晒啲嘢。」

不過後來張敬軒才發現自己擺烏龍：「之後突然間發現，嗰排着緊嘅牛仔褲點解摸完之後（對手）越來越黑嘅？原來係條牛仔褲甩色，一條牛仔褲冇咗我10萬蚊，（為咗呢件事）整咗10萬蚊呀住院！」張敬軒續指當時的「身後事」非常誇張：「我打電話畀Johnny Yim（著名音樂人），同佢講要做幾個Project，叫佢幫我編曲，如是者Johnny幫我整咗70首歌，嗰70首歌係舊歌翻唱，我就錄晒。雖然牛仔褲事件已經過咗去，但呢件事好似一個炸彈，如果我突然間走咗，我剩低嘅嘢係唔夠阿爸阿媽過生活。」

張敬軒賣斷《斷點》版權

另外，張敬軒在節目上亦被黎芷珊問到，曾否遇過經濟困難？他坦言有：「十個煲六個蓋囉，特別2004年開始，屋企係有困難，嗰刻係開始覺得我嘅生活同命運已經唔喺自己手上。」張敬軒亦承認曾為賺錢做過一些自己不喜歡的事情，並感嘆：「點解我會做歌手？因為搵錢搵得快。」他更續指年輕時因為等錢使，曾以10萬人民幣賣斷收錄了《斷點》的專輯版權，並感嘆：「當年《斷點》據我所知（依家）係過億版稅。」

講到未紅時，曾流連酒吧唱歌賺錢的軒仔，受過不少客人不禮貌對待，軒仔說：「唔需要有原因，一籃花生殼就飛埋嚟！」軒仔指當時雖自覺有點Hurt，但問了自己兩條問題後便決定放下情緒積極處理面對，最終以超高EQ應對危機，並磨練出日後的圓滑性格。

其他文章：

黎芷珊爆軒仔行李藏異物揭Kelly封嘴怪癖走遍七城市貼身追訪星光背後

張敬軒送玉照月曆被當眾追數李幸倪曾被音樂人狠批不應做歌手

春浪音樂節丨張敬軒報讀3年行政管理課程 RB到非洲探訪產生創作靈感 A-LIN望與「網友」Gin Lee合作

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

緊貼最新最快新聞資訊，請立即下載星島頭條App：https://bit.ly/3Q29Vow

關鍵字