83歲何守信罕受訪嬲爆投訴林建明？近年曾跌倒養生靠做一事 遊台好運避地震
2024-05-05 10:00 
有「金牌司儀」之稱的何守信（何B）於2018年主持完世界盃節目後，便回加拿大與太太陳麗斯生活。神隱多年的何守信，早前因林建明（大姐明）在facebook洩露他返港的行蹤而引關注。何守信近日獲舊拍檔杜雯惠邀請上港台節目《開心日報》做最後一集嘉賓，何守信表示被林建明Post上網感到不滿。
相關閱讀：「金牌司儀」何守信神隱多年激罕曝光！銀狐灰髮外貌多年不變掀起昔日回憶
何守信不滿林建明洩露返港行蹤：
現年83歲的何守信，前日（3日）以嘉賓身份現身港台節目《開心日報》，久未受訪的何守信仍然口齒伶俐，他說起被林建明洩露他返港的行蹤時似乎很生氣：「呢次返嚟你哋咁快知道，多謝大姐明，大姐明係好有我心，冇人知我返，我返嚟就聯絡咗亞視監製霍澤基，我同佢不嬲都有來往，我哋每年都會打一場麻雀。霍澤基同大姐明好熟，俾佢知道，佢話：『何B返嚟，我要見佢，我要去你食飯嗰度一齊食飯，見吓佢啫！』見吓，我咪OK囉！嚟到要影張相，點知呢位阿姐好鍾意拋上facebook。」
何守信堅持每日做運動
何守信返港消息曝光，近照更獲大批網民讚keep得好，他說起自己養生之道是每日堅持做運動，「其實係冇咩養生之道，主要係運動，我真係好鍾意，自己做有，亦都鍾意睇，一把年紀，好多運動我係做唔到。」何守信亦指自己當年打甲組籃球，足球也有踢，「但我已經冇掂過籃球40年，呢啲咁劇烈嘅運動，我哋呢啲年紀好容易受傷，有個概念『自己以為仲得』，但原來唔得！我話畀聽眾、朋友知，你經常運動唔使好劇烈，如果能夠堅持每日都步行，就已經好好，唔係跑步，係步行，可以急可以慢可以隨意，而且千祈唔好定我今日要行1萬步，我今日要行個半鐘，我的經驗，步行不需要定行幾多，你盡量隨意去行，鍾意時行快些，攰就行慢些，到微微出汗就收，只要每日堅持就好好。」
何守信指自己適合的運動是打高爾夫球，間中也會打羽毛球，但切記不要「追波」打，「早幾年，我有一、兩次忍唔到，我都仆咗一跤，我就醒起，何守信，你依家唔係40年前，我就好輕微咁郁吓，個人意見，我唔係好鍾意去gym，一來我好鍾意戶外，見到太陽、新鮮空氣我就開心，攞吓錏鈴，我自己郁手郁腳都唔知幾好。」
何守信連續15年做港姐司儀：
何守信多年夜瞓不吃早餐
何守信因為做《歡樂今宵》養成了夜瞓的習慣，至今也沒有改變，而且多年都沒有吃早餐，「我以前做《歡樂今宵》，每日返下午兩點，每晚收工唱晚安歌都已經係11時15分，咪咪摩摩返屋企都唔使諗啦！唔好講食宵夜，點可能唔夜瞓呢…日子久了，凌晨12點至3點時光，我自己控制，冇人可以騷擾我，我好多嘢做，時差問題，我好鍾意睇體育節目，無論英超、NBA，甚至係優霸盃都唔會錯過，我係睇live。」
何守估3月去宜蘭花蓮逃過一刧
何守信每次返香港都是探親，他百份之99的親戚都在香港，他的輩份是家中最大，每年新年也會返港派利是給細佬、妹、子姪、外甥、姪孫，這趟返港後，更去了中山及珠海探堂弟，又去了台灣的宜蘭、花蓮旅行，「3月底去了台灣5日，以前去台灣好多次，通常去高雄、台中、台北、基隆，從來未去過東面，今次去宜蘭花蓮，返嚟不足一星期地震，嗰啲畫面我有見過，幾好彩，亦都戥嗰個地方好難過。最近我又搭高鐵去潮汕，呢啲叫見識。」
其他文章：
70年代花旦溫柳媚激罕現身狀態令人驚奇 曾戀何守信分手狂轟對方濫愛
EYT好友會聯歡晚會丨夏雨珍惜與200人大聚會見一次得一次 超多藝人驚喜現身
61歲戚美珍變銀髮族零妝容優雅地老去！曾遭譚詠麟笑「肥珍」獲苗僑偉man爆反擊
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
最新回應