星8卦｜「出色」花心死纏唔肯分手 「珠女」撞正天體派對嬲到出煙

「出色」喺行內出咗名花心，但依然咁多囝囝落疊。你話佢唔好咩？佢又真係好長情，好似同「珠女」識於微時，迷戀對方嘅俊朗，所以好快撻着。「珠女」份人好隨和，「出色」同佢一齊咁多年，都未停止過有第三、四、五、六者 ，後嚟「珠女」北上搵食，終於覺得要同「出色」有個了斷，覺得上面一定會有更好伴侶，於是搵自己友放風話分咗手，大家知啦，呢啲嘢唔係咁快俾大眾接受，所以要好技巧咁話畀人知，目的係要唔好阻自己搵真愛。

「出色」知道之後就梗係唔Happy，即刻用盡方法又冧又哄要「珠女」返轉頭，亦應承佢自己以後專一啲，但佢喺上面嘅時候可以大家玩散餐，只要唔好太認真。「珠女」見佢咁傷心，以為佢真係好愛自己，又畀大家有兼職情人，所以答應維持關係，但每次大家喺香港就只可以一對一。

點知有次「出色」記錯日子，以為「珠女」下一個星期至返，所以約咗班當紅囝囝返屋企玩，成班囝囝癲起上嚟就剝晒衫褲剝晒鞋玩裸泳，咁啱「珠女」落機開門入屋，嚇到成個人呆咗，而成班囝囝都嚇一嚇，原來佢兩個仲未散，搞到「出色」想溝嘅其中一個靚仔黑面，尷尬局面都可以話經典。

 

相關文章：

星8卦｜「叻叻」靠賣料賺人情外快 藝人敢怒不敢言任由宰割

星8卦｜「扮嘢」結婚玩神秘得罪全世界 生女想復出被嫌棄

星8卦｜「阿靚」被「紅人」抛棄 閃嫁「英雄」誤墮騙局做搖錢樹

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

緊貼最新最快新聞資訊，請立即下載星島頭條App：https://bit.ly/3Q29Vow