趙頌茹慶幸市道唔好冇被壓價 開電視推美食節目鼓勵港人留港消費丨獨家

港人北上消費成為常態，香港市面顯得冷清，商舖面臨大挑戰。香港開電視由6月起連串推出3個美食節目《香港必食40道菜》、《全港開餐100強》及《一人一個美味故事》，希望港人能多留港消費，打頭陣有《香港必食40道菜》在6月17日起逢周1-5晚8時半推出，由趙頌茹(阿Yu)及李日朗舊愛黃靜藍主持，兩人慶幸在逆市下接Job未被壓價，非常感恩。採訪：方騫平 場地：龍莊

趙頌茹最叻做糖醋菜及煎牛扒；藍藍擅於蒸魚及肉餅。

阿Yu冇時間拍拖。

藍藍好少入廚。

楊國基師傅介紹阿Yu、黃靜藍食蟹膏腸粉。

楊國基師傅跟主持人交流煮家常菜心得。

阿Yu狂食好西。

美味咖哩蟹。

《香港必食40道菜》由名廚楊國基(Billy)帶路搜尋經典及失傳名菜，包括改用素翅、頂鴿、高湯炆燉釀製的「仙鶴神針」、蟹砵蒸蛋、蒸和順魚及黃扒魚肚等，Billy師傅亦會跟主持人交流煮家常菜心得，如番茄炒蛋做法各有不同，點樣整先最好食。

Billy大廚及陳永瀚師傅介紹藍藍和阿Yu食富貴雞。

用素翅、頂鴿、高湯炆燉釀製嘅名菜「仙鶴神針」。

蟹砵蒸蛋唔易食得到。

藍藍及Billy師傅最愛食和順魚。

江南百花雞。

鴨腳紥。

蝦子紥蹄。

鮮拆桂魚羹。

李日朗舊愛「好大食」

去年尾，29歲的藍藍跟李日朗分手，今年2月公開跟餐飲集團執行董事Wilson拍拖。她晒命式放閃說：「佢追緊我，梗係訓練佢為我下廚啦，意粉及漢堡包都係佢拿手菜，我最鍾意佢唔使我煮，平日工作已好攰，煮完仲要洗好辛苦，唔煮就買外賣。」仍然單身的阿Yu表示：「平日返工、湊女咁忙都冇乜私人時間，而且我唔enjoy拍拖，都係做嘢賺錢最實際，好彩大家都體諒我係單親媽媽，接job冇被壓價。」

阿Yu要兼顧家庭及工作冇時間拍拖。

趙頌茹兩年前曾出歌《大致天晴．間中有雨》。

41歲趙頌茹唔似兩女之母。

藍藍新歡Wilson擁有「飲食王國」。

新一年感情重新出發。

男友視角相。

去年底藍藍跟李日朗分手。

另外，其中一集到「食神」梁文韜經營的酒樓取景，Billy師傅大爆「瘦蜢蜢」的藍藍原來好大食，當日她食完白粥，掃清枱上腸粉、馬拉糕、大包等多籠點心，仲食到津津有味，韜韜因而封她成為「食神」接班人，形容尋尋覓覓咗20多年，終於搵到了。藍藍解釋除咗為食，都唔想浪費食物，所以自己好啱做飲食節目主持。

大食藍藍被「食神」梁文韜封做「食神」接班人。

29歲藍藍食極都唔肥。

黃靜藍模特兒出身。

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

緊貼最新最快新聞資訊，請立即下載星島頭條App：https://bit.ly/3Q29Vow