李婉華鼓勵新何太乘勢擲百萬賣「迷魂湯」撐何伯咸濕尋愛無罪被轟價值觀出問題

2024-05-18 16:51

TVB節目《東張西望》連日報道「何伯之亂」，令76歲何伯與年輕逾30歲的新何太一夜爆紅，就連遠在加拿大的李婉華都有關注，本港時間今晨（18日）她更夥林子博、杜挺豪開Live評論事件。對於新何太被揭是「釣金龜KOL」，網民質疑她處心積慮呃錢，李婉華則有另一番見解更大唱反調，力撐新何太比李龍基更有「講得出做得到」，惜引來大批網民狂轟「價值觀錯晒」。

李婉華力撐何伯夫婦忘年戀：

何伯夫婦日前再次接受TVB節目《東張西望》訪問。

何伯與何太槍口一致對外，認定何伯的子女貪圖何伯的家產。

何伯指批評他們的人並不了解他的家事，又再於鏡頭前狠批子女貪財。

對於子女不支持他再婚，他表示：「我帶錯咗佢哋嚟呢個世界，點知佢哋個心咁，攞晒我啲錢走，想我死！根本想我死！」

何太指：「佢娶個女人唔係我，佢哋一樣反對，你信唔信？因為為咗繼承權囉！因為我名正言順，成為咗合法夫妻嘅話，佢哋就冇咗繼承權，所以佢哋咪先落手為強，捲走晒我老公啲錢，等我老公一分錢伙食都冇。」

雖然現時何伯儲蓄只剩4200元，但有骨氣的何太為了不令人覺得她為錢而嫁何伯，她出私己錢養起老公。

何伯夫婦周三（15日）晚從落馬洲返港先後被網民捕獲，其間二人全程緊握小手到口岸過關。

二人登上港鐵後站在一角，何伯貼心幫太太分擔重物，雙眼更沒有離開過對方，惜新何太卻擰歪面零交流。

昨日（17日）再有網民爆料指，撞到何伯夫婦一齊「恩愛撳錢」，一班網民則繼續食花生：「真係攞錢養老公喎」、「而家覺得何伯真係有可能扮豬食河馬，請參照提款基」、「其實阿伯係高手，開始咬老軟，新何太分分鐘嘔凸」。

（左起）李婉華、林子博、杜挺豪本港時間今晨（18日）開Live評論「何伯之亂」。

李婉華（左）認為新何太只是晒幸福「絕無欺騙」成份，比李龍基未婚妻王青霞可愛得多：「佢成日好似傻更更咁，雖然佢係惡死嘅，但治得何伯掂咪得囉。」

李婉華（左）確信何伯夫婦打風都打唔甩：「而家佢兩個已經被綑綁埋一齊，都唔會眾目睽睽飛起對方，我好有信心，冇得走㗎喇。」

李婉華（左）更建議二人善用抖音帳號「千語BB生活錄語」，並投資「迷魂湯」生意。

不過林子博（中）則有所保留，除了擔心何伯陷騙局外，亦深怕他若將來被飛會承受不了，甚至可能被子女拋棄而流落街頭，十分悲涼。

李婉華遭網民開Po力斥「價值觀錯晒」。

疑似何太口罩下原來暗藏包包面！

新何太被揭疑似化名「千語BB生活錄語」開設抖音帳號，自去年12月底開始上傳影片，至今累積76條。

疑似何太主要分享「生活感悟」、「女性智慧」、「情感共鳴」、「選擇伴侶」等語錄，不過愛情方面的建議似乎都建基於金錢上。

疑似新何太認為：「如果你被一個富豪看上了，你一定要嫁，而不是去嫁一個窮光蛋。」

疑似何太更謂：「把錢藏起來陪他過苦日子，一個饅頭掰開兩半，裝作不嫌棄他的樣子，打上兩個字陪伴。」

疑似何太又不斷在影片中灌輸「男人願意花錢在女人身上才是真愛」的概念。

疑似何太家中背景與《東張西望》訪問取景的環境相似，一眾網民斷定「千語BB生活錄語」是新何太真身。

疑似何太手上的戒指，亦與新何太在《東張西望》所配戴的款式一樣。

何太最近亦有回覆網民，有網民問煲咩湯留住男人，不過何太回覆說：「我也不知道。」

有網民留言說：「何太同何伯生返件我就信你地兩個係愛。」何太直認與何伯有做人計劃！

何太竟然自揭與何伯發生關係的時間線。

提到李龍基未婚妻王青霞（Chris）因涉逾期居留、使用虛假文書等被控7宗罪，現時還押於大欖女懲教所，李婉華直指，王青霞送疑似淘寶貨又晒假文書較似騙子，反觀新何太只是晒幸福「絕無欺騙」成份，認為可愛得多：「青霞好Aggressive（積極），新何太講說話就好嗲聲嗲氣，『我唔會丟低佢』呢啲說話係基哥講，但而家係新何太講嘛，事實佢亦『執』咗何伯返屋企住，So far何伯都冇蝕底呀，又入得廚房出得廳堂，Why not？！基哥言之鑿鑿都係講未來嘅嘢，但新何太真係已經同何伯出雙入對，又煲湯餵湯、畀佢住埋。」更大讚新何太一雙「童子眼」予人形象友善︰「成日好似傻更更咁，雖然佢係惡死嘅，但治得何伯掂咪得囉。」

李婉華籲何伯子女夾份投資

李婉華續指，全靠《東張西望》令何伯夫婦一舉成名，造就商機處處，建議二人善用抖音帳號「千語BB生活錄語」，並投資「迷魂湯」生意：「而家唔捉住商機幾時捉？所以嗰100萬真係值得投資，即刻開門市又好、做Online（網店）又好。其實咁搞真係恭喜佢哋，何伯啲仔女真係唔應該決裂，應該同佢合謀一齊分擔角色，開番間靚湯店，你睇佢啲湯真係掂㗎喎，可以喺『千語BB生活錄語』教人煲靚湯，呢個絕對係一個Gimmick（噱頭）。」

確信何伯夫婦打風都打唔甩

被問到可覺得新何太是騙子？李婉華繼續力撐這段忘年戀：「我都好懷疑係咪真愛，但又覺得到如此田地都冇得講真唔真愛，而家佢兩個已經被綑綁埋一齊，一個人嘅過去亦算嘞，講真唔係每個人出身都一定咁好彩，佢想個仔有好嘅生活、教育，佢嚟香港我係了解嘅，總之唔係偷呃拐騙就算，真愛呢啲一個願打一個願捱，而家落去搞『迷魂湯』生意對何伯真係冇嘢輸，我覺得係佢70幾歲人生嘅高峰，佢哋都唔會眾目睽睽飛起對方，我好有信心，冇得走㗎喇。咸濕阿伯就一定係，但佢真係愛新何太，喺佢眼中係老實人，大家互相照顧，咁有咩錯呢？」

東張西望丨何伯再婚故事：

76歲的老翁「何伯」與一名內地女士極速發生關係，隨即簽字結婚。不過何伯五名子女認為新後母只是想騙父親身家，因而關係決裂。

76歲何伯太太在9年前因病離世，留下何伯與五名子女。

何伯與子女多年來一直相處融洽，直至何伯近日再婚。

何伯指新何太在街市認識：「大家你眼望我眼，幾好」。

何伯還指兩人飲湯飲出感情。

兩人結婚，何伯與子女關係決裂。

何伯指想找個人服待自己。

原來兩人認識才一個多月，新何太就主動向何伯提出結婚。

新何太臉帶甜蜜笑意說：「同佢行密咗，發生咗啲關係，就決定結婚。」

何伯比何太大33年。

何伯更對新何太相當闊綽。

定情信物是價值逾13萬元、超過2卡的鑽戒；價值10.3萬的勞力士腕錶。

何伯指結婚後，五名子女態度立即大變：「佢話，點解識咗個女人，而家好多內地女人係呃錢。我諗我信得佢過，唔會𠱁我錢，我心目中佢唔係懷女人。」

何伯更明言：「冇擔心過，我一睇到佢就係老實人。」

原來何伯與新何太相識一個月，新何太已經叫何伯從定期戶口提早取出100萬做生意。

新何太即搭嘴：「想做餐飲，覺得香港餐飲業有得做。」

何伯2月19日去銀行想領錢時，卻發現戶口款項已經不翼而飛。

原來何伯的定期戶口與細女聯名。

不過事後職員又表示戶口中的450萬，已被女兒以本票形式匯走。

450萬是何伯的畢生積蓄。

何伯表示當時隨即致電細女，不過對他表示當時女兒跟他說：「你同佢雙宿雙棲啦，而家你戶口得返4,200蚊。」

節目亦播出何伯、新何太與銀行職員的錄音，何伯再三問職員雙簽問題，而職員亦指是根據「白紙黑字」，內部亦已經查清楚。

銀行之後亦回覆指今次處理並無違規，不過何伯堅持：「我對你總行回覆非常唔滿意，因為定期戶口係雙簽，但係利息存摺就單簽，我覺得好清楚㗎喇！」

何伯細女調走聯名戶口中的450萬元，疑以此舉防爸爸受騙，但卻令一家人反目。

早前何伯染上新冠肺炎，子女亦都不聞不問。

對於供書教學多年得到如此回報，何伯表示心痛。

何伯仍感恩太太在身邊陪伴，他表示：「冇呢個老婆喺度我點算？邊個服侍我呀？」

何太指曾被何伯子女辱罵「姣X」、「臭X」、「大陸X」。

何伯現時居於太太家中，而他未搬之前其實是住在二仔家中。

因為何伯堅決跟何太閃婚，5位子女都以行動與爸爸劃清界線。

二仔將家中門鎖換掉，令何伯無法回家。

至於何伯細女，據何伯指她調走定期存款內的450萬元之後，沒有聽電話，上門亦拒絕見何伯。

何伯帶同《東張西望》到細女工作的醫院等細女，但都未能成功見面。

細女婿接到外父電話，亦用粗口「回敬」長輩。

何太受訪時多番落淚。

何太曾勸老公回到子女身邊。

何伯曾服過量藥物入浴室獨處想輕生。

何太邊哭邊表示：「佢後尾頂唔順，成口都係血，佢頂唔順就自己拉開度門。」

何太表示：「嗰時我都唔知點算，我話『你唔可以死，你死咗，第日……你啲仔女嚟搵我算帳』。佢如果真係死咗，我就成咗罪人。」

何太指雖然她明白社會有好多人行騙，但她堅稱對何伯是真心：「有啲人畀人呃咗啲錢真係好慘，但我唔會囉！」

何太更表示會承擔起照顧老公的責任。

林子博憂何伯被飛淪落街頭

不過，另一位主持林子博則有所保留，除了擔心何伯陷騙局外，亦深怕他若將來被飛會承受不了，甚至可能被子女拋棄而流落街頭，十分悲涼。李婉華則反駁：「何伯唔會好慘，因為啲仔女已經攞起400幾萬，有咩事啲仔女會照顧阿爸，如果個聲明係真嘅話。愛情咪再搵過第二個咋嘛，無論係長久定短暫都可以選擇，因為佢有錢，要解決生理問題都可以做，好似Happy伯去屯門公園玩吓又得，對新何太亦冇壞，繼續做佢嘅KOL、煲靚湯囉，真係無人輸。」

李婉華被網民怒插亂帶風向

對此，有網民開Po力斥李婉華竟Buy新何太「嫁富豪論」：「價值觀錯晒，一段愛情係包含好多元素喺裏面，如果只係睇錢呢段愛情只係場交易，知唔知香港地有好多老夫老妻冇乜錢但感情好好，亦都好幸福……錢可以搵，夠用就已經好滿足。」不少網民都紛紛表示認同：「冇乜興趣聽李婉華講嘢，師奶得來啲價值觀有問題，反而同佢合作嘅林子博價值觀值得讚賞」、「今集婉華想得太天真了，呢啲例子大把啦，到尾都搞到仔女阿伯都係輸家」、「你要多views

關鍵字