37歲支嚳儀人氣勁印傭亦變街市紅人素顏大媽變歌手興奮攞正牌扮靚丨獨家

2024-05-24 08:00

37歲支嚳儀（Venus）雖然喺第一季《中年好聲音》7強止步，但仍獲TVB簽為歌手，最近更推出首支原創單曲《Gotta Try》，強調等了37年終圓歌星夢的她形容不可思議，最開心做幕前可以畀藉口自己扮靚，連5歲囝囝都自豪有個索媽。採訪：方騫平攝影：鄧國良

支嚳儀終於圓歌手夢。

支嚳儀做歌手零包袱。

Venus冇意做少奶奶。

等咗37年終於做到歌手。

Venus好滿意目前生活。

支嚳儀性格樂觀，所以處女新歌唱出堅毅不屈嘅精神，邊唱邊浮現當初經營烘培店及參加《中音》的奮鬥史：「大學畢業後不停摸索出路，教過書、做過銀行及珠寶，到最後選擇創業，不過，途中曾被打壓，試過俾廚師睇唔起冷待；去到參加《中音》時都『中箭』，甚至有惡毒人生攻擊，如抨擊唱《愛情陷阱》好難聽，唱到似怨婦歌咁。」面對負評，Venus會反省，「綜合前輩教路，藝人如同一件藝術品，部份人會主觀喜愛；相反都會有人否定佢嘅價值；唔會得到所有人鍾意及認同，所以唔使太介懷，好似做生意咁，要認清銷售對象，目標為本。」

處女單曲《Gotta Try》唱出奮鬥小故事。

第一次拍MV好緊張。

MV好有mood。

Venus喺MV中好靚女。

營運烘培店初期遇過唔少挫折。

Venus在第一季《中年好聲音》未能奪獎，但好有觀眾緣。

Venus參加《中音》有好多美好回憶。

參加《中音》帶給她唔少收穫。

「中1生」及「中2生」如同一個大家庭。

「中1生」快將開演唱會。

跟羅啟豪係親蜜戰友。

好鍾意做嘢拒做少奶奶

隨住Venus知名度增長，連家人都受到關注，對於網民大讚支嚳儀媽媽顏值爆燈，氣質超越女兒，Venus透露媽媽勁開心，甜到好似食咗糖：「我嘅音樂造詣係媽媽畀我，媽媽都係唱得之人，都鼓勵佢參加《中音》發揮才能。」除媽媽外，Venus的印傭姐姐同樣成為街市「紅人」：「有次佢着住我嘅粉絲會服去買餸，街市啲姐姐拉住佢『索』我料，仲送咗條紅衫魚畀佢！哈！可能見我咁忙，佢照顧我會好辛苦要補吓，好搞笑。」Venus自言係時間管理大師，唔使開工就做返素顏大媽，零包袱去湊仔、去買餸：「幕前工作會令我更有自信，會有打扮動力，阿仔見我咁會好開心話『媽咪你好靚！』，而且我鍾意被需求，喺屋企係媽媽角色；喺公司要培訓及鼓勵員工；Fans又需要我嘅力量，所以少奶奶唔係我人生嘅選擇。」