顏國樑逝世︱顏國樑與梁安琪相識40年視作親妹相約食西餐未能如願：我真係好難過！

2024-05-26 16:49

顏國樑今日驚傳離世，享年71歲。顏國樑好友梁安琪Angel今日（26日）接受《星島頭條》訪問，憶述與顏國樑的點滴，指顏國樑視她如妹妹看待，更經常相約嘆美食，去年顏國樑知道上水有一所馳名的西餐，便相約梁安琪一起去試菜，可惜現在天人相隔。

顏國樑逝世丨去年接受梁安琪訪問：

顏國樑在2022年現身TVB台慶，驚爆患上癌症。

梁國樑同太太（左）結婚多年依然好恩愛。

好友鄧英敏今日（26日）發文悼念顏國樑。

梁思浩今日（26日）證實了顏國樑的死訊。

梁思浩上載了兩張顏國樑上月與太太霍潔貞（貞姐）現身梁思浩TVB節目《直播靈接觸》的照片。

梁思浩透露拍攝當日，顏國樑千叮萬囑要將太太拍攝得美麗。

霍潔貞是前TVB女藝人。

顏國樑與太太霍潔貞鶼鰈情深。

去年2月，梁安琪邀請顏國樑上自己的網台節目。

顏國樑在節目上大鬧在公立醫院遇到的不公事。

顏國樑太太一直對老公照顧無微不至！

梁安琪與顏國樑夫婦以往經常約食飯、飲茶。

梁安琪與顏國樑又是舊同事又是好朋友，Angel說：「佢好鍚我，定期都會同我食飯。」

梁安琪在去年1月，也有訪問過顏國樑。

梁安琪透露顏國樑也很喜歡吃，所以每當說到去「搵食」，他便很雀躍。

顏國樑夫婦開寵物糧店，梁安琪會帶朋友去他們的店買寵物糧，網台又會採訪他們的寵物糧店。

梁安琪透露顏國樑也很喜歡吃，所以每當說到去「搵食」，他便很雀躍。

上月10日，顏國樑send給梁安琪的訊息。

梁思浩主持的通靈節目邀請嘉賓分享靈異經歷。

顏國樑上月為梁思浩主持的通靈節目任嘉賓。

顏國樑當是精神尚好。

顏國樑太太亦有現身。

當時顏國樑指昏迷期間曾有「醫務助理」想帶走他。

顏國樑指險踏鬼門關時獲太太做一事續命。

顏國樑在節目中憶述當時經歷。

顏國樑提到多個在醫院時的「經歷」。

梁思浩一邊聽一邊非常感動。

顏國樑直言太太淡出幕前多年，一直拒絕受訪，當日肯出鏡，除因畀面梁思浩，亦因顏國樑希望為自己同太太留下一個美好回憶。

顏國樑與梁安琪是港台師兄妹

梁安琪同樣與顏國樑出身於香港電台，兩人相識逾40年：「顏國樑師傅做播音，我同顏師傅成日喺港台撞到，佢話：『舊同事嚟！你係我港台小師妹嚟㗎！』我話係呀，係呀，師兄！」梁安琪指顏國樑好講究咬字，他曾指梁安琪「你半隻鬼，可唔可以講中文講好啲呀！」

梁安琪指顏國樑待她如妹妹，「佢做播音，成日同我講播音技巧，我喺有線拍《安琪會客室》訪問嘉賓我都搵佢，佢都好鍾意同我一齊做節目，因為大家都係喺專業方面都好堅持，又好鍾意食嘢又鍾意寵物，佢開寵物糧店，我又帶啲朋友去買寵物糧，網台又採訪佢個寵物糧店，講到食嘢大家都好雀躍，我哋定期都會約出嚟食嘢，呢兩張相都係上水食飯，都好近期，2023年影，我哋保持聯絡，我哋上個月通電話，佢仲話帶我食西餐…唉！」

顏國樑69歲宣布娶老婆：

顏國樑在經典處境劇《香港81》中飾演「陳積」，令人印象深刻。

顏國樑早前因出席台慶，而公開患上「鱗狀細胞癌」消息。

顏國樑不只樣貌就連聲線都有所改變。

顏國樑2008年離開TVB後，原本因對身體有幫助而練太極。

顏國樑沒想到因聲音沙啞，去檢查後發現患癌。

顏國樑證實患病前，原本準備開劇。

顏國樑（右二）已打算死後捐出遺體，助醫學研究。

顏國樑自言生前帶給大家快樂，希望死後對大家身體都有些幫助，因此決定做「大體老師」。

顏國樑早於2013年參加了香港大學的大體老師計劃。

顏國樑表示：「死亡都係輪住嚟，生老病死邊個避到？好多個走咗，（余）子明哥、嘉玲姐，睇你點走，可以避到就避，避唔到就去做大體老師，有啲意思，走的時候對社會有用。」，

顏國樑仲識講笑：「等醫生仔劏落我度，我又唔痛，好過錯手割落病人身上。」

顏國樑的聲線越來越高音，因氣管受壓而出現少許缺氧，間中會有輕微氣喘，仍要接受治療。

顏國樑：「做咗4次療程，腫瘤同耳鼻喉科都話進展良好，現時需要再做多兩次療程，都要燒多兩次銀紙符。」

顏國樑性格樂觀，坦言如身體許可想再工作，拍多些好的劇集，帶多點歡樂給觀眾。

顏國樑經歷癌疾，最感激是醫護團隊及關心他的朋友。

顏國樑被問到治療的過程，坦言辛苦：「散晒！周身骨痛，啲關節痛到不得了，無力，講嘢無氣，行路無平衡。」

顏國樑抱樂觀心態面對疾病：「我都唔當佢係嘢，要面對現實，你驚又會出現，你唔驚又會出現，咁驚嚟做咩？」

顏國樑坦白表示化療很貴，每個月打一針已花39,600元，而且不是有錢就可以接受治療，而睇當時的身體狀況。

顏國樑不介意公開有攞傷殘津貼，每個月有2千多元。

顏國樑談到經濟壓力：「點會冇呀！我真係紈絝子弟呀？富二代呀？唔好玩啦！我TVB打工㗎咋以前。」

顏國樑表示若非現身台慶，其實沒有跟朋友講自己有事，擔心別人以為他要借錢。

顏國樑提及太太時打趣表示：「大家都幾廿歲喇！我哋都要人照顧，佢仲照顧埋我囉，呢樣嘢好感激佢。佢唔照顧我冇人照顧我，一路感恩同感激。」

二人一直未有註冊原來受移民問題影響，顏國樑說：「如果結婚去移民個本錢唔夠，就好大影響，如果單身去第二度就方便啲，所以就hold住囉。」

顏國樑表示二人相處，頭三年後就沒有甜言蜜語，不過他已立遺囑：「清清楚楚乜都係佢嘅，咁有咩問題。」並透露將會註冊，給「太太」一個名份。

顏國樑說：「內地嘅居住證都要身份嘅，如果你收個女人喺屋企就當招妓，為咗法例問題，（註冊）快㗎喇，我低調唔好問我幾時，好簡單使幾千蚊。」

梁安琪續指，顏國樑師傅一直都很鍚她，由有線做《安琪會客室》到自己開網台，顏國樑都有現身支持她：「佢嗰時病唔做呢啲網台直播，佢病到好緊要時我叫佢上節目，佢都上嚟同我做直播，仲大爆醫院不公平嘅現象，佢好鍚我，定期都會同我食飯，但因為較早前嘅農曆新年，我有好長時間留喺紐約，我返咗嚟即刻跟進佢嘅病況，傾電話，佢都WhatsApp白紙黑字寫咗俾我，等我登出嚟啲fans知道。」

相約顏國樑到上水食西餐

梁安琪也表示會致電顏國樑太太霍潔貞（貞姐）：「師母嗰方面，我諗我都畀個電話佢，因為之前食飯時，我同師傅食住先，師母就好忙跟進佢哋寵物店啲糧，顏國樑師傅當我親妹妹，好錫我，佢好鍾意同我食嘢，食嘢時候教我好多做節目嘅心得，我永遠都記得佢，其實佢約好同我喺上水食西餐，佢知我鍾意食西餐，佢同我講『喂有間西餐，上水得嗰間西餐最正，約時間同你食』，但後尾佢都越嚟越嚴重，我真係好難過！」

顏國樑訊息講述病況

梁安琪亦透露顏國上月10日曾發訊息向她講述病況，言談間還似乎對打擾對方感到抱歉，梁安琪分享顏國樑最後訊息：「安琪你好，知你早排去咗紐約同埋比較忙，所以就冇同你聯絡怕阻住你。講我近放畀你聽，舊年8月，發現有新嘅腫瘤係原先嘅附近再生，醫生話免疫治療已經冇作用，所以喺11月嘅時間我就做咗個電療，效果也很好。現在就定時覆診監察。現階段精神唔錯嘅，都係咳、多痰。因為始終有個支架喺入面。醫生都話係正常嘅。多謝你和你的fans關心和支持，我哋有時間再約食飯見面傾計，多謝。」顏國樑最後還加上雙手合十emoji。

其他文章：

顏國樑逝世丨鄧英敏揭顏國樑死因！原定今日往醫院探望指顏國樑太太表現堅強

顏國樑傳逝世丨顏國樑上月曾現身節目稱身體OK 憶患癌昏迷險踏鬼門關獲太太做一事續命

顏國樑逝世丨69歲宣布結婚娶前藝員太太一個原因拍拖多年未有註冊

顏國樑逝世丨2022現身台慶自揭患鱗狀細胞癌公院留醫好無助年初昏迷有幻覺

74歲顏國樑抗癌化療一度甩頭髮北上被捕獲驚變白頭翁精神奕奕

顏國樑患鱗狀癌三期多次走出鬼門關願做大體老師令生命更有意義

顏國樑去年受訪自爆長期飲酒致痾血尿幸沒患癌自揭聲帶生瘤後網民湧舊片留言祝福

73歲顏國樑宣布將結婚耗盡積蓄治癌取傷殘津貼感謝另一半照顧

想睇更多精彩內容，請立即瀏覽「區區有申訴」活動專頁，https://bit.ly/41hgS9E

緊貼最新最快新聞資訊，請立即下載星島頭條App：https://bit.ly/3Q29Vow

由即日起至5月27日，參加《星島申訴王》「港人置業意向」問卷調查，即有機會贏走香港迪士尼樂園門票2張或SMARTECH智能煮食鍋！ https://bit.ly/3V7t3o7