顏國樑逝世丨梁思浩含淚憶顏國樑！難忘故友與妻私下恩愛一幕：到呢刻都唔會忘記
2024-05-28 17:30 
曾於TVB經典處境劇《香港81》飾演「陳積」的顏國樑在周日（26日）離世，享年71歲。顏國樑曾於上月底與太太霍潔貞為TVB Plus節目《直播靈接觸》擔任嘉賓，可惜不足一個月傳來噩耗。在昨晚（27日）播出的《直播靈接觸》上，在節目開始時梁思浩一度眼泛淚光地說：「好記得佢兩個喺化妝間嗰種恩愛，我到呢刻都唔會忘記。」
相關閱讀：顏國樑逝世丨梁思浩公開顏國樑最後訪問窩心細節 要求拍靚前藝人太太留美好回憶
梁思浩憶故友一度眼泛淚光：
在昨晚節目開始前，梁思浩與黃紫恩（Jojo）及黃耀英齊齊悼念顏國樑，梁思浩期間一度眼泛淚光並說：「顏國樑先生離開咗我哋，再次多謝顏生顏太上我嘅節目，喺相處裡面，佢哋兩個喺化妝間嗰種恩愛，我到呢刻都唔會忘記，佢哋喺TVB度相識，到尾有一個美好嘅回憶，顏生，一路好走！顏太你要保重，所有家人記住節哀順變。」
顏國樑千叮萬囑要將太太拍攝得美麗
顏國樑離世傳出後，梁思浩曾在社交平台表示從顏太口中收到沉痛消息：「顏先生昨晚22:30安詳地離開了，顏太太節哀順變，你丈夫好痛錫妳，所以我亦幫佢一個心願，佢要同妳留下一個美好嘅片段同回憶！所以嗰日電視台出鏡，佢千叮萬囑我，要將佢太太拍攝得美麗，（因為太太在他心目中永遠都係最靚最溫柔）亦都等你哋兩個喺人生嘅片段裏面有一個最溫馨美好嘅回憶！顏先生一路走好！」
顏國樑現身節目表現精靈
顏國樑上月底曾與太太霍潔貞為《直播靈接觸》任嘉賓，顏國樑表現依然非常精靈，精神狀態不俗，連梁思浩都忍不住說：「見過咁多次，你今次嘅精神狀態係非常好。」梁思浩指顏國樑當時經歷15日生死邊緣，太太霍潔貞四出求助，希望找到方法為老公續命：「我去咗濟公廟搵廟祝，幫佢祈福，裝香、化寶、誠心求拜。另外佢（顏國樑）平時抄咗啲《心經》，我拎去化咗佢，總之就係做呢啲。」梁思浩又透露當時有一個圈中人向霍潔貞透露：「佢過到呢15日就會返嚟，過唔到就無得返，預咗幫佢做身後事。」
顏國樑患癌後積極面對：
顏國樑昏迷15日遇靈異事件
霍潔貞指當時有朋友跟她說：「會唔會諗下法科方面，我即刻諗起我娛樂圈好朋友，即刻打畀佢，問佢有乜可以做，佢叫我第二朝一早去濟公廟裝塔香，呢15日係一個關。」顏國樑提到15日的昏迷與半醒之間的幾個片段：「首先我喺ICU係得兩個人，嗰個人喺度行來行去，我喺張床無奈地睇佢行，佢講電話：『我知，玩梗時差吖嘛，而家係下晝5點幾，唔係10點幾，我知，會過去澳門嗰邊做實驗嘛，我明。』」第二個片段則是老友打電話給他，跟他說：「你俾人整蠱啊，俾人玩梗時差，不過醫院知，會補償返畀你。」第三個的片段較為現實，顏國樑說：「有兩個醫務助理，肥嘟嘟、大媽嗰啲，走埋嚟捉我。我唔畀佢捉，我覺得佢唔係善意，『你好曳啊』，你仲覺得佢係善意？兩個砰砰聲走埋嚟。」顏國樑續指：「當時我郁唔到，俾人綁住咗，佢又捉我唔到，打到隻手啲管甩晒，成床血，畀佢鬧『你好曳啊！你成日郁！』」
梁思浩曾叮囑顏國樑要好好多謝太太
雖然顏國樑指當時自己是昏迷與半醒之間，直到轉房後終於醒過來，不過梁思浩補充指：「喺醫護、太太眼中都係昏迷中，你見到嘅未必係真實。」梁思浩更說顏國樑要好好多謝太太：「喺呢15日入面，你真係要好好多謝你太太，其實係佢嘅功德，所做嘅一切畀你返嚟，佢只係講咗一句『我唔捨得顏國樑』，佢係落咗好大嘅功課，所以我見到你哋咁恩愛，聽話要繼續身體健康，繼續好好哋，有第一次續命，未必有第二次。」誰會想到不足一個月竟傳來噩耗。
其他文章：
「陳積」顏國樑驚傳死訊！享年71歲 梁思浩貼合照：顏先生一路走好
顏國樑逝世丨鄧英敏揭顏國樑死因！原定今日往醫院探望 指顏國樑太太表現堅強
顏國樑傳逝世丨顏國樑上月曾現身節目稱身體OK 憶患癌昏迷險踏鬼門關獲太太做一事續命
顏國樑逝世丨69歲宣布結婚娶前藝員太太 一個原因拍拖多年未有註冊
顏國樑逝世丨2022現身台慶自揭患鱗狀細胞癌 公院留醫好無助 年初昏迷有幻覺
74歲顏國樑抗癌化療一度甩頭髮 北上被捕獲驚變白頭翁精神奕奕
顏國樑患鱗狀癌三期多次走出鬼門關 願做大體老師令生命更有意義
顏國樑去年受訪自爆長期飲酒致痾血尿幸沒患癌 自揭聲帶生瘤後網民湧舊片留言祝福
73歲顏國樑宣布將結婚 耗盡積蓄治癌取傷殘津貼感謝另一半照顧
---------------
緊貼最新最快新聞資訊，請立即下載星島頭條App：https://bit.ly/3Q29Vow
最新回應