柳應廷新歌大玩怪誕元素 曾發夢成為阿仙奴球員主場入波

柳應廷（Jer）推出今年第二首派台作品《約齊靈魂在墳墓開生日派對》，繼續大玩玩味，將自小便鍾情的荷里活名導添布頓（Tim Burton）的怪誕滲入作品中，成為怪誕系列歌曲第二部曲。新歌由Jay Fung作曲、周耀輝填詞，原來Jer一直期待跟Jay合作，「因為佢寫嘅旋律好有挑戰性，佢一寫出嚟個Melody都冇乜點樣改過，已經代入到故事，幻想係一班瞓着咗嘅人發緊惡夢，第一次聽Demo已經有呢個畫面，所以沿住惡夢夢境，Gather（聚集）暗黑靈魂做一啲嘢。」然後Jer再將自己的感受，分享給周耀輝，最後寫成一班靈魂一起唱歌慶祝生日，成就新歌。

為了配合歌曲，Jer今次拍攝唱片封套時，造型上也變得古靈精怪。

Jer表示新歌不停提及夢景，所以妝容上做一些突破，就是發惡夢那個人的感覺。

Jer為新歌錄音。

Jer揚言今次一定要古怪到底！

Jer指單曲封面用了一個比較日系武士妝。

為了配合歌曲，Jer今次拍攝唱片封套時，造型上也變得古靈精怪，Jer介紹道：「單曲封面用咗一個比較日系武士妝。既然今年玩玩味，不如玩盡啲，妝容上做啲突破，就係發惡夢嗰個人嘅感覺。」至於MV，將不日推出，Jer揚言一樣要古怪到底，大家拭目以待。今次新歌不停提及夢境，Jer都曾經夢見自己成為一個足球員，「因為我好鍾意踢波，好想去阿仙奴嘅酋長球場射入一球，呢個係我其中一個夢，個夢係我做一個職業選手，然後畀人攔截，但都畀我入到波！」
 

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ