42歲胡定欣人生觀改變努力篩選朋友 探訪前「割禮師」心痛女嬰遭割外陰丨獨家

繼4年前為國際培幼會到尼泊爾進行慈善探訪後，胡定欣今年初再到埃塞俄比亞，深刻體會女童在發展中國家所面對的困境。此行定欣了解到駭人的「女性割禮」傳統，又跟曾受性暴力對待的受害女性傾偈，單身的她強調自己好幸福亦滿足現狀：「我冇缺失，擁有太多！太多選擇反而會惹嚟煩惱。」採訪：方騫平 攝影：羅安強 化妝：Cyrus Lee 髮型：Matt Chiu XENTER SALON

胡定欣感恩生於現代社會有自由選擇的權利。

胡定欣感歎生於發展中國地方，性別不平等的傳統文化。

她聽到「女性割禮」施行過程都好心寒。

胡定欣感恩身在福中。

胡定欣樂於做慈善探訪。

4年前胡定欣到尼泊爾，探訪匪夷所思的「月經小屋」，努力帶出正確訊息，月經只係女仔的生理周期，並非污穢及唔吉利，宣揚女性要自強。至於今次到埃塞俄比亞阿法爾地區，就深切感受到當地「女人之苦」。

4年前定欣曾到尼泊爾探訪入住「月經小屋」的女孩。

單身好幸福乜都有
定欣此行最難忘訪問了一位有25年年資，因不忍女嬰再受苦，已棄刀的前割禮師，她聽畢「女性割禮」施行過程都好心寒，尤其見到割禮刀及針線用具，「當地傳統為咗保持女性嘅貞潔，7日大嘅BB女就要被殘割外陰後再縫埋，唔敢想像會有幾痛，而且喺佢哋嘅成長過程，來經時會帶嚟無比痛楚，連排出月經都有問題，甚至傷口會受感染，女孩子身心都受到傷害。」另外，定欣又探訪一位曾遭4名男子性侵嘅受害者，細聽她尋求公義、走出傷痛嘅過程，感歎性別不平等的傳統文化。而當地嚴重地剝奪女性權益，女性要面對貧窮、性暴力、童婚、割禮及輟學等多重威脅，希望培幼會能持續推動、改善下一代女孩的權益。

最難忘訪問已棄刀嘅前割禮師， 見到割禮刀及針線都心寒。

睇見把刀，真心係恐怖嘅。

探訪曾遭4名男子性侵嘅受害者，細聽她尋求公義、走出傷痛嘅過程。

今次探訪後定欣助養咗一名3歲女孩，希望支持她繼續讀書。

定欣探訪當地學校，與孩子打成一片。

胡定欣望能持續推動改善下一代女孩的權益。

埃塞俄比亞性別不平等問題嚴重。

定欣不忍看到貧困女孩面臨輟學、三餐不繼的危機。

今次探訪令定欣感受到擁有的實在太多，要珍惜一切。而42歲依然單身的她，強調冇任何缺失：「我哋好幸福啦！乜嘢都非常足夠，可以出點棉力去幫助有需要嘅人。」她坦言踏入4字頭，人生觀開始有改變：「我覺得任何嘢足夠就得，反而會篩選朋友，所以朋友會越嚟越少，𠵱家主力係面對家庭及健康問題。」

兩屆「視后」胡定欣事業有成。

定欣和父母關係密切。

身邊仲有一班「胡說八道會」好姊妹。

胡定欣抱任契仔好開心。

定欣生於香港，生活上有好多自由。

之前跟陳展鵬、陳山聰、劉佩玥等在工作上聚頭。

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

緊貼最新最快新聞資訊，請立即下載星島頭條App：https://bit.ly/3Q29Vow